%5B1%5D.jpg)
उपराष्ट्रपति परमानन्द झाले सर्वोच्च अदालतले नेपाली भाषामा सपथ लिनुपर्ने फैसला गरेर आफूमाथि अन्याय गरेको आरोप लगाएका छन्।साथै उनले नेपाली जनताले चाहेमा भने आफू नेपालीमा सपथ लिन तयार रहेको बताएका छन् ।उपराष्ट्रपतिको कार्यलय बहादुर भवनमा बुधबार पत्रकार सम्मेलन गरी उनले फैसला पुर्वाग्रही भएकाले पुनः सपथ नखाने बताएका हुन्। सर्वोच्चको फैसलालाई चुनौती दिँदै झाले भने- "करकापमा फेरि सपथ खान्न।"यसअघि उनले हिन्दीमा लिएको सपथलाई सर्वोच्च अदालतले बदर गरेको थियो। "नेपाली जनताले भने हजार पटक पनि नेपालीमा सपथ लिन तयार छु"- झाले पत्रकार सम्मेलनमा भने। उनले नेपाली जनता भनेर राजनीतिक दलप्रति इङ्गित गरेका हुन्। दलहरुबीच सहमति भएर नेपालीमा सपथ ग्रहण गर्नुपर्ने निर्णय भए आफू त्यसको लागि तयार भएको जनाउ झाले दिएका हुन्। प्रधानमन्त्री माधवकुमार नेपालले मंगलबार संसदमा संवोधन गर्दा पनि उप राष्ट्रपतिको सपथ ग्रहण सम्बन्धि विवाद राजनीतिक दलहरुबीचको सहमतिबाटै टुङ्गाउने बताएका थिए। "सम्माननीय उप-राष्ट्रपतिको सपथ सम्बन्धी विषयमा सहमतिबाट एउटा उपयुक्त निकास खोज्नु पर्दछ भन्ने मेरो धारणा छ," प्रधानमन्त्री नेपालले भनेका थिए।बुधबार पत्रकार सम्मलेन गर्नुअगाडि झाले मंगलबार नेपाली कांग्रेसका सभापति गिरिजाप्रसाद कोइरालासहित विभिन्न राजनीति दलका नेताहरुसँग छलफल गरेका थिए।मधेशीबादी दल र अन्य दलमा हिन्दीमा सपथ ग्रहण सम्बन्धि विवाद देखिएको छ। झाले प्रतिनिधित्व गर्ने मधेशी जनअधिकार फोरमका अध्यक्ष उपेन्द्र यादवले उनलाई नेपालीमा सपथ लिनुको सट्टा राजिनामा दिन सुझाव दिएका छन्। तराई मधेश लोकतान्त्रिक पार्टीका अध्यक्ष महन्थ ठाकुरले पनि अदालतको निर्णयको विरोध गर्दै झाको समर्थन गरेका छन्। सत्तारुढ दलहरुबीच उप राष्ट्रपति झाको सपथ ग्रहणका सम्बन्धमा आइतबार यता २ पटक बैठक बसे पनि दलहरुबीच मत बाझिएको छ। त्यस्तो बैठकमा सहभागी कांग्रेस नेता रामशरण महतका अनुसार फेरि सपथग्रहण गर्न लगाउने, न्यायिक पुनरावलोकन गरी त्यसलाई सच्याउने वा राजीनामा गराउने तीन विकल्पमा छलफल भए पनि कुनै निर्णय हुन सकेको छैन।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment