रेणुको साडीमा उपेन्द्रको नाम

मधेसी जनअधिकार फोरम (उपेन्द्र यादव समूह) मा यतिखेर 'साडीकाण्ड' मच्चिएको छ। साडीकाण्डले अध्यक्ष यादव र उनकी श्रीमती पार्वती यादवबीच सम्बन्धमा चिसोपनामात्र आएको छैन । श्रीमती यादव भीमसेनगोलाको आफ्नो डेरा छाडेर माइती (सिरहा) गएको बुझिएको छ। यता, 'साडीकाण्ड' की मुख्य पात्र भने संगठन विस्तारको नाममा देश दौडाहामा छिन्। गच्छदार समूहलाई भने सो काण्ड दमदार मसला बनेको छ। स्रोतका अनुसार सप्तरीमा घटेको 'साडीकाण्ड' पछि श्रीमती यादव श्रीमान्सँग सबन्ध विच्छेद गर्ने मनस्थितिमा पुगेको चर्चा जनअधिकार फोरमभित्र छ। त्यसका लागि उनले केही आफन्त तथा हितैषीसँग पनि छलफल गरेको स्रोतले दाबी गरेको छ। तर अध्यक्ष यादव यसो गर्न दिन कुनै हालतमा तयार छैनन् भन्दै सं्रोतले भन्यो, 'त्यसैले उनी दिल्ली भ्रमण छोट्याएर विराटनगर आएका छन्।' सामान्य पढलेखमात्र गरेकी श्रीमती यादवका एक छोरा दीपेन्द्र यतिबेला दिल्लीमा स्नातक गर्दैछन्। असारको अन्तिम साता सप्तरीको कार्यकर्ता भेलामा 'साडीकाण्ड' घटेपछि पार्टीभित्र त्यसको व्यापक चर्चा परिचर्चा हुन थालेको हो। गत असार २३ गते गृहजिल्ला पुगेकी रेण यादवलाई कार्यकर्ताले 'अध्यक्ष र तपाईबीचको सम्बन्ध के हो? भनी सोधखोज गरेका थिए। यादवले जवाफ दिन आनाकानी गरेपछि उनको साडी तान्न कार्यकर्ता रेणुतर्फ झम्टँदै पुगेका थिए। 'कार्यकर्ताले मुख छाड्न थालेपछि रेणु कार्यक्रम नै छाडेर भागिन्,' एक कार्यकर्तालेतरुणलाई भने। सम्भावित घटनाको पूर्वसूचना पाएका अध्यक्ष यादव भने विराटनगरसम्म पुगेर पनि कार्यक्रममा उपस्थित भएनन्। जिल्ला उपाध्यक्ष शैलेन्द्र साह भन्छन्– दिल्ली जानुपर्ने काम भयो, त्यसकारण उहाँ आउनु भएन। सो भेला रेणु यादवले नै राख्न निर्देशन दिएको बताउँदै उपाध्यक्ष साहले– 'भित्र त्यस्तो भएन, तर बाहिर के भएको हो, त्यो मलाई थाहा छैन, सुनेको चाहिँ हुँ,' भन्दै घुमाउरो भाषामा घटनालाई स्वीकारेका छन्। सोही घटनाका कारण असार २७–२८ मा हुने भनिएको कार्यकर्ता भेला पनि सम्पन्न हुन सकेन। यता, संस्थापन पक्षले भने पूर्वमन्त्री तथा रेणु यादवको साडी तान्ने प्रयास गच्छदार समूहको डिजाइनअनुसार भएको विश्लेषण गरेको छ। स्रोतका अनुसार घटनाको आन्तरिक छानबिन भइराखेको बुझिएको छ। यसैगरी, प्रचण्डको मन्त्रिपरिषद्मा रहँदा पनि मन्त्री यादवद्वयले देखाएको नौटंकीले गर्दा दाङ जिल्ला प्रमुख वंशीधर गुप्ता गच्छदार समूहमा प्रवेश गर्ने तयारीमा छन्। गच्छदार समूहसँग उनले छलफल पनि गरेका छन्। अध्यक्ष यादव र रेणु यादवले देखाएको नाटकले कार्यकर्तामाझ जान आफूलाई लाज लागेको बताउँदै उनले भनेका थिए– 'अध्यक्षको पक्षमा अब कसरी बोल्ने?' राजधानी आएका गुप्तालाई भेट्न गच्छदार समूहका नेता रामजनम चौधरी शनिबार उनी बसेको अमर गेस्ट हाउस, सुन्धारा पुगेका थिए। उनले यादवद्वयले दाङमा गरेको नाटक चौधरीलाई सुनाउँदै भने– नेता आए भनेर हामीले नगरपालिका र जिविसको भवनमा छुट्टाछुट्टै बस्ने व्यवस्था गर्यौं, तर यादवजी (उपेन्द्र) मानुभएन।' उनले अगाडि भने– 'पानी र ट्वाइलेट राम्रो हुँदाहुँदै पनि अध्यक्षजीले यहाँ केही सुविधा रहनेछ, म बस्दिनँ,' भन्दै रेणुजी बसेको भवनमा बस्छु भन्नुभयो, हामी त अचम्म पर्यौंध।' उनका अनुसार अध्यक्ष यादव र नेतृ यादव आमुन्ने सामुन्ने ढोका भएको कोठामा बसेका थिए। सुरक्षाकर्मीहरूलाई बाहिर राखियो, उनले अगाडि सुनाए– 'डीएसपीसमेत छक्क पर्योी, म लाजले हिँडे।' त्यसपछि चौधरीले सोधे– 'किन आमुन्ने सामुन्ने कोठामा?' गुप्ताले भनिहाले– 'केही भयो भने राति कुदाकुद गर्न।' यसबाट पनि सप्तरीमा घटेको साडीकाण्डको चर्चा परिचर्चालाई बल पुगेको छ। -- प्रकाश तिमल्सिना/तरुण