%5B1%5D.jpg)
काठमाडौं, संविधानसभा राज्यको शासकीय स्वरूप निर्धारण समितिले प्रादेशिक सरकार प्रमुखका रूपमा मुख्यमन्त्री रहने व्यवस्था प्रस्ताव गरेको छ ।
मंगलबार समिति बैठकले प्रादेशिक व्यवस्थापिकाको बहुमत प्राप्त दलका नेतालाई मुख्यमन्त्रीमा प्रदेश प्रमुखले चयन गर्ने व्यवस्था गरेको हो । समितिले प्रादेशिक व्यवस्थापिकामा प्रतिनिधित्व दलहरूको सर्वसम्मतबाट प्रस्तावित सदस्यलाई मुख्यमन्त्री नियुक्त गर्ने व्यवस्था गरेको छ । सर्वसम्मत हुन नसके प्रादेशिक व्यवस्थापिकामा बहुमत प्राप्त दलको नेेता चयन हुने प्रस्ताव गरिएको छ । कुनै एउटा दलले बहुमत प्राप्त गर्न नसके दुई वा दुई दलको समर्थनमा निर्वाचित सदस्य मुख्यमन्त्रीमा नियुक्त हुने व्यवस्था बैठकले गरेको छ ।
समितिले व्यवस्थापिकाबाट कोही पनि मुख्यमन्त्रीमा निर्वाचित हुन नसकेको खण्डमा सबैभन्दा ठूलो दलको नेतालाई प्रदेश प्रमुखले मुख्यमन्त्रीमा नियुक्ति गर्नुपर्ने र त्यसपछि ३० दिनभित्र मुख्यमन्त्रीले व्यवस्थापिकाबाट विश्वासको मत प्राप्त गर्नुर्पर्ने व्यवस्था गरेको छ ।
झन्डै एक महिनादेखि निर्वाचन प्रणाली व्यवस्थासम्बन्धी छलफलमा रहेको समितिले कुनै निर्णयमा पुग्न नसकेपछि मंगलबार विषय परिवर्तन गरी प्रदेशको कार्यकारिणी निर्धारणबारे छलफल गरेका हुन् । बैठकले प्रदेशको कार्यकारिणी अधिकार सम्बन्धित प्रदेश मन्त्रिपरिषदमा हुने व्यवस्था गरेको छ । उक्त अधिकार संविधानमा उल्लेखित सूचीका आधारमा हुने व्यवस्था गरिएको छ । प्रदेश सरकारको कार्य सञ्चालनका लागि कार्यकारिणी प्रमुखबाट स्वीकृत नियमावली बमोजिम कार्यविभाजन र कार्यसम्पादन हुने व्यवस्था गरेको छ । उक्त नियमावलीको सम्बन्धमा कुनै पनि अदालतमा प्रश्न उठाउन नपाइने व्यवस्था गरेको छ ।
समितिले राष्ट्रप्रमुखले मुख्य मन्त्रीसँग परामर्श गरी प्रदेश प्रमुखको नियुक्ति गर्ने व्यवस्था गरेको छ । प्रदेश प्रमुखको पदावधि पछि निर्णयका लागि छाडिएको छ । आवश्यक ठानेको बेला राष्ट्रप्रमुखले उनको पदावधि समाप्त हुनुअगावै पदमुक्त गर्न सकिने उल्लेख गरेको छ ।
यसअघि समितिले स्थानीय व्यवस्थापिकाका लागि मिश्रति निर्वाचन प्रणालीको प्रस्ताव गरेको थियो । भावी राज्य संरचनामा सबैभन्दा तल्लो तहको इकाईको रूपमा रहने स्थानीय व्यवस्थापिका ७० प्रतिशत प्रत्यक्ष निर्वाचनबाट र ३० प्रतिशत समानुपातिक निर्वाचन प्रणालीमार्फत छान्ने गरी समितिले निर्णय गरी सकेको छ ।
निर्णयमा ७० प्रतिशतमा स्थानीय निकायलाई विभिन्न इकाईमा विभाजन गरी समानुपातिक र समावेशी प्रतिनिधित्व सुनिश्चित हुने गरी बहुसदस्यीय निर्वाचन प्रणालीका आधारमा प्रत्यक्ष निर्वाचन हुने उल्लेख छ । त्यसैगरी बाँकी ३० प्रतिशतमा स्थानीय निकायलाई एक क्षेत्र मानी राजनीतिक दललाई मत दिने गरी सूची समानुपातिक निर्वाचन प्रणालीका आधारमा निर्वाचन गर्ने उल्लेख छ ।
- कान्तिपुर संवाददाताfrom: ekantipur
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment