%5B1%5D.jpg)
टेक थजालीमगर,यूएई,दिसेम्बर-६/तमु समाज यूएईको आयोजनामा बिगतका बर्षहरुमा पनि मनाउदै आईरहेको ल्होसार पर्व यस बर्ष भव्य र एतिहासीक रुपमा जनवरी,०८ बरदुबई स्थित अस्टोरिया होटेलको हलमा मनाईने जानकारी प्राप्त भएकोछ।
गाई बर्गको सुखद बिदाई र बाँघ बर्गको शुभ आगमनलाई स्वागत गर्न लागिरहेको कार्यक्रममा तमु गीत संगीतको साथमा नेपालीहरुका राष्ट्रिय कलाकार,प्रिय ब्यक्तित्व तथा बासुरी बादक कृष्ण गुरुङ यूएईवासी नेपालीहरुका मन मुटुमा पनी वास गर्न आउदैछन।साथै यूएईमा ख्याती प्राप्त कलाकारहरु द्वारा गीत संगीत हास्यव्यङग्यात्मक लोक प्रिय प्रस्तुतीहरु हुनेछन भने अर्को एउटा छुट्टै प्रस्तुती लाईभ लोक दोहोरी पनि हुने पक्काछ,साथै नयाँ पुस्ताको ढुकढुकी हट डिजेको साँगीतिक सौगातको तालमा उपस्थित दर्शक तथा श्रोताहरुलाई भरपुर मनोरञ्जन प्राप्त हुने विस्वाश आयोजकले गरेको छ।सोही कार्यक्रममा स्थानिय नेपाली कलाकारहरु द्वारा जनचेतनामुलक लघु नाटक “भीरको चिन्दो”को पनी प्रदशन गरीने भएकोछ।यथार्थमा आधारीत उल्लेखित नाटक २०-२५ मिनेटको हुनेछ।
नाटक निर्देशक तथा कार्यक्रम संयोजक भोजराज तमुले बताए अनुसार“ल्होसार सूमधूर साँगीतिक साझ नाम राखिएको उक्त कार्यक्रममा ज्योती गुरुङ,कृष्ण गुरुङ्,सरु थापामगर, प्रीथबीराज गुरुङ,भावना ढकाल लगाएतका कलाकारहरुको प्रमुख भूमिका रहनेछ भने कार्यक्रममा भाग लिन चाहाने सम्पुर्ण कलाकारहरुले सास्कृतिक संयोजक श्याम तमु (०५०७२०६७४२) सँग छिट्टै आफनो नाम दर्ता गराईसक्नु पर्नेछ। आयोजकले दिएको एक सूचना माध्यम अनुसार कार्यक्रम दिनको तीन-३ बजेदेखी शुरु हुने र प्रवेश शुल्क चालीस ४० दिर्हाम लाग्नेछ साथमा चिठ्ठा प्राणालीबाट भाग्यशालीले दिजीटल क्यामेरा प्राप्त गर्नेछन। स्मरणरहोस यूएईवासी तमुजातीहरुले बिगत १७-१८ बर्ष देखी निरन्तर रुपमा ल्होसार मनाउदै आईरहेको बुझिएकोछ ,तर यस पटक को ल्होसारलाई अझ बिशेष रुपमा मनाउन खोजिएकोछ।
त्यसतै गरी तामाङ समाज यूएईले पनी सोही हलमा जनवरीमै सोनाम ल्होसार भव्य रुपमा मनाउने तयारी गरिरहेको बुझिएको छ भने मगर सँघ यूएईको आयोजनामा सोही हलमै आगामी फेव्रअरी २६ मा मगर दिवश मनाईने भएको छ। यसरी नेपाली आदीवासी जनजातीहरुले जहाँ जसतो अवस्थामा रहेपनी साँस्कृतिक क्रान्ति मार्फत आ-आफनो जातीय अस्तित्वको लडाईं लडिरहेकाछन भन्दा अत्युक्ती नहोला।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment