%5B1%5D.jpg)
छिरिङ तेन्जिङ शेर्पा
नोभेम्बर १४, काठमाण्डौ, नमोबुद्ध तपोवन संरक्षण तथा सम्बर्धन समिति सम्पर्क मन्च काठमाण्डौले हालै काठमाण्डौको बौद्ध स्तुपा परिसरमा एक शान्ति पुजा सम्पन्न गरेको छ। बिगत चार बर्ष देखि निरहार रुपमा तपस्यारत तपस्वि राम बहादुर वमजनको अहिंस र शान्तीको अभियानलाई सार्थक बनाउने उद्देस्यले उक्त कार्यक्रमको आयोजना गरेको हो। बारा जिल्ला रतनपुरी गा. बि. स. स्थित गढिमाई मन्दिरमा आफ्नो मनोकाँक्षा पुरा हुने रुढिबादी परमपरामा परेरा लाखौ पशु पंक्षीको बलिलाई दिईन्छ। कुनै पनि प्राणीलाई बली दिए देशमा शान्ती हुँदैन, बरु अशान्ती भै समाज र देशलाई नै हानी हुन्छ त्यसकारन तत्काल बलि प्रथालाई रोक्नु पर्छ भन्ने तर्क तपस्विको हो। 'दुङ राङडोल'को छ्योपा सजिएको मान्डपमा प्रमुख लामाको रुपमा पालयुल उघ्यनदोर्जी छ्योलीङ गोन्पा फार्पिङको प्रमुख लामा खेन्पो साङग्या राङज्युङ रिन्पोचे पचासौ भिक्षुहरुको साथ हुनु हुन्थ्यो भने अन्य गोन्पाको लामाहरुको साथै शेर्पा, तामाङ, नेवार,ह्योल्मो समुदायको मानिसहरुको उल्लेखनिय उपास्थिति रहेको थियो।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment