नेपाल प्रवासी मगर संघ कतारको आठौं अधिबेशन सम्पन्न

देव बहादुर राना मगर, दोहा, कतार
२४ अक्टोबर, २००९ - "ईतिहाँस, भाषा, संस्कृती र संरक्षण-सम्बर्धन मगरहरुको मूल मन्त्र । जातिय पहिचान र स्वायत्त शासन सहितको संघिय लोकतान्त्रिक गणतन्त्र" नाराका गत शुक्रबार नेपाल प्रवासी मगर संघ कतारको आठौं अधिबेशन दोहा स्थित ढाका रेस्टुरेन्टको कार्यक्रम हलमा सम्पन्न भएको छ । छत्र बहादुर घले मगरको सभापतित्वमा सम्पन्न खुला शत्रको कार्यक्रममा प्रमुख अतिथी नेपाल प्रवासी आदिवासी जनजाति महासंघ कतारका का.वा. अध्यक्ष चन्द्र कुमार सिगु हुनुहुन्थ्यो भने अतिथिहरुमा महासंघमा आबद्ध जातिय संगठनका प्रतिनिधिहरु क्रमश: तमु बौद्ध सेवा समिति शाखा कतारका अध्यक्ष जगन गुरुङ, किरात याक्थुङ चुम्लुङ शाखा कतारका द्वितीय उपाध्यक्ष लोकेन्द्र कुमार तुम्रोक, नेपाल प्रवासी तामाङ समाज कतारका सचिव ईन्द्र तामाङ, किरात राई यायोक्खा शाखा कतारका सचिव राई रमेश गाउँले, थारु कल्याणकारिणी सभा कतार च्याप्टरका सभापति ई. विध्यानन्द चौधरी, नेपाल दराई प्रवासी संघ कतारका सचिव बिक्रम दराई, सर्लाही सेवा समाजका सचिव प्रकाश आले मगर, अन्तर्राष्ट्रिय नेपाली कलाकार संघका प्रतिनिधी बबिन राई, मुगलानी श्रृजना कला केन्द्रका ब्यवस्थाक बालबिक्रम थापा मगर, www.tamangsamaj.com का सञ्चालक बिनेश तामाङ हुनुहुन्थ्यो भने अन्य थप अतिथिहरुमा कतारस्थित मगर ब्यवसायीहरु क्रमश: हिमालयन रेस्टुररेन्टका प्रोप्राईटर तथा मगर संघका सल्लाहकार कमलराज थापा मगर, काठमाडौं किचनका प्रोप्राईटर हरी पुन मगर र ब्यवसायी खड्कसिंह थापा मगर हुनुहुन्थ्यो।

प्रमुख अतिथिद्वारा ब्यानर अनावरण तथा दीप प्रज्वलन गरेपछी कार्यक्रम औपचारिकरुपमा शुरु गरिएको थियो । आम मगरहरुको हकहित तथा पहिचान स्थापित गराउनको लागि आफ्नो बलिदान दिएका ज्ञात–अज्ञात बीर शहीदहरुप्रतिको श्रद्धाञ्जलीमा १ मिनेट मौन धारण गरेपश्चात् राष्ट्रको सम्मानस्वरुप राष्ट्रिय गीत सुनाईएको थियो । त्यसपछी जनक थापा मगरको स्वागत मन्तब्य र संघको सांस्कृतिक बिभागका कलाकार टोलीले आफ्नो गीतबाट उपस्थित सबैलाई स्वागत गरिएको थियो ।
शुभकामना मन्तब्यको क्रममा अतिथीहरुबाट मगर लगायत समस्त जनजातिहरु पछी परिनुको कारणहरु प्रष्ट्याउँदै आफ्नो भाषा–लिपि, संस्कृति सँगै आफ्नो हक–अधिकारको निम्ति एकजुट भएर अघि बढ्नुपर्ने तथा शिक्षा क्षेत्रमा पनि बिशेष जोड दिईनुपर्ने धारणा व्यक्त गरिएको थियो । साथै आदिवासी जनजातिहरुले उठाएका संघियताको सवाल‚ आत्मनिर्णयको अधिकार र जातिय स्वायत्तताको पक्षमा पनि बिचारहरु प्रस्तुतगरिएको थियो । समग्रमा उपस्थित अतिथीहरुले आफ्नो शुभकामना मन्तव्यको क्रममा आदिवासी जनजातिहरुको हितमा आत्मनिर्णयको अधिकार सहितको संघिय राज्य व्यवस्था नै उपयुक्त रहने धारणा व्यक्त गरेका थिए ।
कार्यक्रमको अर्को चरणमा भाग्यशाली उपहार योजनाको नतिजा खोलिएको थियो जसको सञ्चालन जनक थापा मगरले गर्नुभएको थियो । उपहार बिजेताहरुमा क्रमश: गणेश परियार (कुपन नं. १२७२) लाई प्रथम पुरस्कार १ तोला सुन, सुनमाया दर्लामी (कुपन नं. ००६७) लाई द्वितिय पुरस्कार १ थान PANASONIC डिजीटल क्यामेरा, रामचन्द्र त्रिपाठी (कुपन नं. ११३८) लाई तृतीय पुरस्कार १ थान PANASONIC रंगीन टेलिभिजन, अम्बर बहादुर राउत (कुपन नं. ०३६७) लाई चौथो पुरस्कार १ थान डिभिडि प्लेयर, र ५ जना क्रमश: प्रकाश मैनाली (कुपन नं. १२६९), डिल ब. फाल मगर (कुपन नं. ०४८७), दिनेश राई (कुपन नं. ०४६६), खड्क बहादुर थापा मगर (कुपन नं. ०३६८) र बन्धवा चौधरी (कुपन नं. ०७१५) लाई १-१ थान नाडी घडी परेको थियो ।
खुला शत्रको अन्त्यतिर कार्यक्रम सभापतिले उपस्थित सबैलाई धन्यबाद दिनुका साथै पुरानो कार्यसमितीलाई औपचारिकरुपमा बिघटन भएको घोषणा गर्दै खुला शत्रको बिसर्जन गरिएको थियो ।
बन्द शत्रको शुरुवातसँगै छत्र बहादुर घले मगरको अध्यक्षतामा जनक थापा मगर तथा दोब बहादुर घर्ती मगर सदस्य रहने गरी ३ सदस्यीय निर्वाचन समिती गठन गरी कार्यक्रम अघि बढाईएको थियो । यसैक्रममा महासचिव देव बहादुर राना मगरद्वारा सांगठनिक प्रतिवेदन तथा आर्थिक प्रतिवेदन पेश गरिएपछी संघको नयाँ संशोधित विधान प्रस्तुत गरिएको थियो ।
त्यसपछी संघको आठौं कार्यकालको लागि १५ सदस्यीय कार्यसमिती चयन गरियो जसमा अध्यक्ष देव बहादुर राना मगर‚ उपाध्यक्ष प्रकाश आले मगर‚ महासचिव खिम बहादुर राना मगर‚ सचिव शरण थापा मगर‚ कोषाध्यक्ष गिरी प्रसाद काउछा मगर‚ सह-कोषाध्यक्ष योगेन्द्र बहादुर चिदी मगर त्यसैगरी सदस्यहरुमा डिल बहादुर थापा‚ नोख बहादुर सारु‚ भिम बहादुर मगर‚ दुर्गा दर्लामी‚ मोहन थापा‚ लिल बहादुर पुन‚ चेतन मगर हुनुहुन्छ भने बाँकी २ स्थान महिला सदस्यहरुको लागि सुरक्षित राखिएको छ ।
नयाँ कार्यसमितीको शपथ ग्रहण पछी नव निर्वाचित अध्यक्ष देव बहादुर राना मगरले नयाँ कार्यसमितीको तर्फबाट प्रतिबद्धता ब्यक्त गर्नुभएको थियो । कार्यक्रमको अन्त्यतिर निर्वाचन समितीका अध्यक्ष छत्र बहादुर घले मगरले नयाँ निर्वाचित कार्यसमितीलाई बधाई तथा शुभकामना दिएपछी निर्वाचन मण्डल बिघटन भएको घोषणा सँगै कार्यक्रमको बिसर्जन गर्नुभएको थियो ।