%5B1%5D.jpg)
उपराष्ट्रपति परमानन्द झाले पदमा रहने वा नरहनेबारे सात दिनभित्र टुंगो लाग्नेभएको छ । सर्वोच्च अदालतले विधिवत कार्यभार सम्हाल्न संविधानमा उल्लेख भएअनुसार सपथ लिनुपर्ने भन्दै सात दिनभित्र जवाफ पेश गर्न प्रधानमन्त्री तथा मन्त्रिपरिषदको नाममा आदेश दिएपछि यो अवस्था सृजना भएको हो ।
न्यायाधीशहरु तपबहादुर मगर, कल्याण श्रेष्ठ, प्रेम शर्मा, भरतराज न्यायाधीशहरु तपबहादुर मगर, कल्याण श्रेष्ठ, प्रेम शर्मा, भरतराज उप्रेतीलगायतको पूर्ण इजलाशले आदेश दिएपछि उपराष्ट्रपति झा संकटमा परेका छन् । उनलाई सपथ लिन या पद छाड्न दबाब परेको छ । यसअघि साउन ९ गते प्रधानन्यायधीश मीनबहादुर रायमाझी र न्यायाधीश बलराम केसीको फैसलाले उपराष्ट्रपतिको हिन्दीमा लिएको सपथलाई गैरकानुनी ठहर गरेको थियो । त्यसपछि सपथ विवाद चर्किएको छ । राजनीतिक दलहरुले भने सपथ विवाद सहमतिबाट टुंगाउने सहमति बनाएका छन् । त्यसका लागि संविधान संशोधनको सम्भावना बढेको छ ।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment