%5B1%5D.jpg)
ब्यवस्थापिका संसदको वर्षे अधिवेशन बुधबार दिउँसो ३ बजेदेखि सुरु भएको छ । संविधानसभाका अध्यक्ष सुवास नेम्वाङको सिफारिसमा राष्ट्रपति डा. रामवरण यादवले अपरान्ह तीन बजे संविधानसभा भवनमा अधिवेशन आह्वान गर्नुभएको थियो । अधिवेशनको पहिलो दिन बुधबारको बैठक स्थगित भएको छ।
बैठक सुरु भएलगत्तै संविधानसभाका अध्यक्ष सुवास नेम्वाङले राष्ट्रपतिबाट प्राप्त पत्र अनुसार बिहीबार दिउँसो ४ बने राष्ट्रपति डा. रामवरण यादवले सरकारका नीति तथा कार्यक्रम प्रस्तुत गर्ने जानकारी दिनुभयो । सम्वोधनलगतै सदनले राष्ट्रपतिका लागि धन्यवाद प्रस्ताव पारित गर्ने छ ।
संसदले २८ गतेसम्ममा सरकारका नीति तथा कार्यक्रम पारित गर्ने र २९ गते अर्थमन्त्री सुरेन्द्र पाण्डेले आर्थिक बर्ष ०६६ / ०६७ को बजेट प्रस्तुत गर्ने कार्यक्रम छ । राष्ट्रपतिको सम्बोधनका लागि आवश्यक तयारी संसद् सचिवालयले गरिसकेको सभामुख नेम्बाङले बताए। तयारीलाई अन्तिम रुप दिन बुधबार बिहान कार्यव्यवस्था परामर्श समितिको बैठक बसेको थियो। बैठकमा संसद्मा रहेका सबै दलको प्रतिनिधित्व थियो। राष्ट्रपतिको सम्बोधनलगत्तै संसद्को बैठकमा धन्यवाद प्रस्ताव पेस गरिने परम्परा छ। राष्ट्रपतिले वाचन गरेको नीति-कार्यक्रममाथि छलफल गरी संसद्बाट धन्यवाद प्रस्ताव पारित भएपछि नीति-कार्यक्रम पारित भएको मानिन्छ। पारित नीति कार्यक्रमकै आधारमा बजेट पेस गर्ने परम्परा छ।
सरकारले बजेट भाषणसँगै विनियोजन विधेयक पेस्की खर्च विधेयक पनि संसद्मा प्रस्तुत गर्नेछ। पेस्की खर्च विधेयक असार ३१ गतेभित्रै पारित गर्ने व्यवस्था मिलाइएको सभामुख नम्बाङले जानकारी दिए । मन्त्रालयपिच्छेको बजेटको छुट्टाछुट्टै छलफलका लागि भने विनियोजन शीर्षकमाथिको छलफलका लागि पछि समय तोकिने छ। सांसद्को धारणा बुझेर त्यसैका आधारमा बजेट बनाउने प्रयोजनका लागि ल्याइएको पूर्व बजेट छलफलु भने दलहरुबीच समयमै सहमति हुन नसकेका कारण यस वर्ष पनि हुन सकेन। संसद्को कार्यसाचालन नियमावलीको नियम ८९ ले गरेको व्यवस्था अनुसार विनियोजन विधेयक प्रस्तुत गर्नुपूर्व सभामा बजेट तयारीका लागि विनियोजन विधेयकका सिद्धान्त र प्राथमिकता सम्बन्धमा छलफल गरियोस् भनी अर्थमन्त्रीले प्रस्ताव पेस गर्ने र त्यस्तो छलफल सभामा विनियोजन विधेयक प्रस्तुत हुनुभन्दा कम्तिमा १५ दिन पूर्व नै समाप्त भइसक्नुपर्ने छ।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment