दुई शब्द भानु जयन्तीमा

आशा गुरुङ,इजरायल

नेपालको शान तिमी,तनहुँको नाम तिमी,

जो प्रेरित भयौ सामान्य घाँसिको कुराबाट

अन्तत चिनियौ आदिकबि भानुभक्त बाट..

जन्मदाता तिमी नेपाली भाषाको,

हिमाल,पहाड र तराइलाई एउटै मालामा गाँसी..

उल्था गर्यौ रामायण मातृ भाषामा,

सारा जनलाई बुझायौ शब्द र अर्थ यसको..

कर्मदाता हौ तिमी नेपाली साहित्य र संस्कृतिको,

थियौ खानी तिमीमा अनेक बिबिधताको..

नेपाली भाषा,साहित्य र संस्कृति

तिम्रो थियौ अमुल्य धन..

बाँच्यौ यिनैसँग तिम्रो पुरै जिबन,

छर्दै ज्ञानको भण्डार नेपाली धर्तीमा..

बिबेकताको धनी तिमी,आफ्नै मौलिकतामा रमाउने..

ललाटको तिम्रो सुन्दर टिका र कालो टोपी जस्तै,

आफ्नै नेपाली भेषभुषामा रमाउने..
गर्छु म कामना,भई नेपाली तिमी जस्तै,

तिम्रा प्रतिबिम्बहरु प्रतिबिम्बित भैइरहोस्

प्रत्येक नेपाली मनहरु र तनहरुमा..

जहाँ गहिरिन सकोस,घोत्लिरहन सकोस र बुझ्न सकोस्,

बिशाल आकाशको छातीभित्र
असिमित नेपाली साहित्य बाँचिरहेछ..

मुर्त रुप दिन यसलाई ती ताराहरुलाई पर्खिरहेछ..

समयको बनावटसगैँ यो परिबर्तित भैइरहेछ..

नब स्रष्टा र उनिहरुको दृष्žटिकोणहरुसँगै,

परिमार्जित हुँदै दुबो झै मौलाई रहेछ..

हाम्रो आफ्नै पुर्वीय भाषा र संस्कृति नै प्यारो,

जहाँ हामी पोख्न सक्छौ अन्तर हृदय बाट

कसैको नक्कल नगरी..

ती मौलिक शब्द र भावहरु नै मिठो,

जहाँ हामी अनुभुत गर्न सक्छौ,

आफ्नै घर आँगन्, चाडपर्व र रितिरिवाजहरु..

नेपाली माया र मित्रताको सँगालोहरुसँग

बाँच्दाको मिठास नै बेग्लै ,

जहाँ नेपाली साझा फुलबारीहरु फक्रिरहेछन..

चार वर्ण र छत्तिस जातका आ-आफ्नै

सुगन्ध र महत्व लिई एकताको सुत्रसँगै...

तिमी त गयौ देह त्यागी यो भवसागर बाट,

तर आत्मा त आज पनि तिम्रो अमर छ...

तिम्रा योगदानहरु र कर्महरुले तिमीलाई चिनाइरहनेछ,

जब सम्म रहन्छ नेपाल र नेपाली...

तिमी उसै गरी चम्किरहन्छौ साहित्य आकाशमा,

जसरी सुर्य,तारा र जुन बिना
कल्पना गर्न सकिन्न आकाशको महिमा...
नेपाली भाषा र साहित्यको सागरमा तिमी,

कहिल्यै बिलाउदैनौ न त हराउछौ कतै..

तिमी नै हौ आदि यसको र अस्तित्व पनि..
तिम्रा अमुल्य कृतिहरु र रचनाहरु ,

प्रेरणाको स्रोत हाम्रो लागि

अनि हरेक नयाँ पुस्ताको लागि..
म कसरी सिमित पार्न सक्छु र तिमीलाई ?
केबवल दुइचार शब्दहरुमा,

तिम्रो जन्म जयन्तीमा..

बाँचिरहनेछौ तिमी बर्षौ बर्ष उसरी नै नेपाली माटोमा,

उदाहरणीय बनिरहनेछौ नेपाली भाषा र साहित्यको भुमीमा..

हरेक फाँट्,बेसी र भंज्याङहरुमा..

तिमी झल्मलाइरहनेछौ ती आँखाहरुमा उस्तै किरण लिई,

जहाँ प्यारो छ आफ्नै मौलिकता नेपाली हुनुको गर्वमा..