जहाँ जुट्छ उसैको नेतृत्वमा सरकार गठन हुनुपर्छ : यादव

मधेशी जनअधिकार फोरमका अध्यक्ष उपेन्द्र यादवले सहमति जहाँ जुट्छ उसैको नेतृत्वमा सरकार गठन हुनुपर्ने वताएका छन् । मंगलवार विहान विराटनगरमा आयोजित पत्रकार सम्मेलनमा अध्यक्ष यादवले राष्ट्रिय सहमतिको सरकार वनाउनुपर्ने वताएका हुन् ।उनले सरकार गठनका लागि सवै पार्टीका मुद्दाहरुमा वहस र छलफल हुनुपर्ने वताउदै भने, 'जब सवै मुद्दाको छिनोफानो हुन्छ त्यसपछि राष्ट्रिय सहमतिको सरकार गठन हुन्छ । कसको नेतृत्वमा भन्दा जहाँ सहमति जुट्छ त्यही सरकार निर्माण हुने वताउदै यादवले भने 'यसका लागि अव ढिला गर्नु हुन्न ।' माओवादीले पनि कव्जा गरेको सम्पत्ति फिर्ता, संसद सुचारु र आफ्नो माग संसदमै वहस गर्नुपर्नेमा यादवले जोड दिएका थिए ।
औपचारिक रुपमै फोरम फुटेपछि प्रतिपक्षमा वसेको फोरमले देशभरी वहस र छलफल गर्नेक्रममा नेताहरु विराटनगर आइपुगेका हुन । त्यसैगरि, फोरमकै उपनेता जयप्रकासप्रसाद गुप्ताले यो सरकारको आयु धेरै छैन भन्दै क्षणभरको सरकारको संज्ञा दिदै भने- 'मधेश मुद्दाप्रति चिन्तित नभएको सरकारको कुनै औचित्य छैन ।'फोरम फुटाउन एमाले, काग्रेस मात्रै नभएर मधेशवादी दलहरु तमलोपा, सद्भावना पनि लागी परेको उनले वताए । गुप्ताले फोरमलाई फुटाएर मधेशको नेतृत्व गर्न खोजेको जिकिर गरे । फोरम संख्यामा भन्दा मधेश मुद्दामा केन्दि्रत भएको वताउदै गुप्ताले भने 'अव चाडै तेश्रो मधेश आन्दोलन हुने छ । विजयकुमार गच्छेदार जस्ता नेतालाई पार्टीमा भित्रयाएर गलत भएको टिप्पणी समेत गुप्ताले गरे ।