हङकङमा भानुजयन्ती भव्यरुपमा सम्पन्न

देवराज र्राई, हङकङ - आफ्नो भाषा, साहित्य र संस्कृतिको सम्वृद्धिसँगै नेपाली समाज बसाऔँ भन्ने अभियोजना बोकेर हरेक वर्ष आयोजना हुँदै आएको भानुजयन्ती यसपालि पनि नेपालीहरुको व्यपाक उपस्थितिमा भव्यरुपमा हङकङमा सम्पन्न भएको छ । नेपाली विधार्थी, तिनका अभिभावकहरु, शिक्षक, विभिन्न संघसंस्थाका प्रतिनिधि, विभिन्न विद्यालयका प्रधानध्यापकहरुको उपस्थितिमा भानुजयन्ती धुमधाम मनाइएको थियो ।हङकङमा भानुजयन्ती जुलाई १३, २००९ अर्थात असार २९ गतेका दिन बेलुकी ७ बजे संचालन भएको थियो । युनलङ टाउनहल हङकङको सभाहलमा आयोजना गरिएको भानुजयन्तीको मूख्य आकर्षण रामायणको सम्पूर्ण कथालाई विभिन्न विद्यालयका विधार्थीहरुले प्रस्तुत गरेका थिए । भानुजयन्ती २००९ कार्यक्रमको अवलोकन गर्न आएका नेपालीहरु सिटको अभाव भएता पनि उभिएरै भएपनि हेरेका थिए । नेपाली भाषा, साहित्य र संस्कृति नै आफ्ना सकील पहिचानहरु हुन । नेपाली भाषा, साहित्य र संस्कृतिको जगेर्ना नै आफ्नै जगेर्ना हो भन्दै भानुजयन्ती विशेषरुपमा मनाइएको थियो । भानुजयन्तीमा भानुभक्त तथा नेपाली भाषालाई सम्बोधन हुनखालका विविध सांस्कृतिक कार्यक्रमहरु प्रस्तुत गरिएको थियो । हङकङ नेपलिज फाउण्डेशन्को संयोजन तथा हङकङ नेपाली साहित्य परिषद्को आयोजनामा विभिन्न सरकारी विद्यालयहरुमा अध्ययानरत नेपाली विधार्थीहरु एवं शिक्षकहरुको व्यापक सक्रियता देखिएको थियो । सुन्दर साजसज्ज्ा भएको कार्यक्रममा भानुभक्तको जिवनी तथा नेपाली भाषाकै सेरोफेरोमा रहेर बालबालिकाहरुले आफ्ना मौलिक गीत, कविताहरु वाचन गरिका थिए । टिके प्राथमिक विद्यालय, पीएच केन्द्रीय प्राथमिक विद्यालय, बेथल हाईस्कुल, पिके कलेज, सर एलिस कादुरी माध्यमिक विद्यालय, आईकेटी माध्यमिक विद्यालय चाईवानका नेपाली विधार्थीहरुले कविता, जिवनी र नृत्यहरु प्रस्तुत गरेका थिए । भानुभक्तद्वारा लिखित भानुभक्तिय प्रश्नोत्तरी, भक्तमालाको केही अंशहरु समेत पाठ गरिएको थियो ।
हङकङ नेपाली साहित्य परिषद्का अध्यक्ष एकराज र्राईले सम्बोधन गरी कार्यक्रमको आयोजना बारे स्पष्ट पार्नु भएपछि शुभारम्भको कार्यक्रममा, नेपालबाहिर नेपाली भाषाको महत्व, हङकङमा नेपाली भाषाको विकासक्रम बारेमा विभिन्न विद्यालयहरुका नेपाली शिक्षकहरुले प्रष्ट पारेका थिए । भानुभक्तको देन तथा नेपाली संस्कृति झल्कने नृत्यहरु प्रस्तुत गरिएका थिए । कार्यक्रममा स्थानीय सरकारी विद्यालय पीएच केन्द्रीय प्राथमिक विद्यालयका प्रधानअध्यापक चोङ का लेउङले भानुभक्तको तस्बीरमा माल्यर्पण गरी सम्मान व्यक्त गरेका थिए । टिके प्राथमिक विद्यालय, पीएच केन्द्रीय प्राथमिक विद्यालय, पीके कलेज, सर एलिस कादुरी, डेलिया मेमोरियल स्कुल आईकेटी कलेज चाईवान, बेथल माध्यमिक विद्यालयका छात्र छात्राहरुले उत्कृष्ट नृत्यहरु प्रस्तुत गरेका थिए । विभिन्न विद्यालयहरुले भानुजयन्तीलाई आफ्नो वाषिर्क कार्यक्रम पुस्तिकामा प्रकाशित गरेका छन् र नेपाली भाषालाई स्थापना गर्नकालागि वातावरण तयार गरेको अवस्थामा सम्बन्धित विद्यालयका चिनिया मूलका शिक्षकहरु, विदेशी मूलका शिक्षकहरुले कार्यक्रम सफल बनाउनलागि विशेष भूमिका निर्वाह गरेका थिए ।
कार्यक्रमको संचालन विधार्थीहरुद्घारा गरिएको थियो । कार्यक्रममा उपस्थित नेपालीहरुलाई नन्दलाल थकरले धन्यवाद सहित कार्यक्रमको अन्त्यौलि गरेका थियो । भानुुजयन्ती २००९ कार्यक्रमलाई एचकेनेपाल डटकमले अफिसियल मिडियाको विशेष भूमिका निर्वाह गरेको थियो ।