%5B1%5D.jpg)
गाउँगाउँबाट उठ बस्ती बस्तीबाट उठ, यो देशको मुहार फेर्नलाई उठ ……….।
सर्वदा वाङ्मय प्रतिष्ठानको युएईशाखाले लक्ष्मीप्रसाद देवकोटाको एक सयौं जन्म जयन्तीको अवसर पारेर अबुधावीमा आयोजना गरेको साँस्कृतिक कार्यक्रममा लोकपि्रय जनवादी गायक मञ्जुलको गीतसँगै दर्शकहरु ताली बजाएर नाचे । तिख्खर स्वरका धनी कवि तथा साहित्यकार मञ्जुल आफैंपनि नाचे र भर्खरै युएइमा आएकी श्रम सहचारी पार्वता अर्याललाईपनि नचाए । ठट्यौला, र रमाइला यी कलाकारको स्वरलाई दर्शकले खुब मन पराए, रमाए र ‘वन्स मोर’ का आवाजले हौस्याइरहे ।यता युएइका कलाकारलेपनि आफ्ना अग्रजको अगाडि जमेर नाचे र गीतका भाका हाले …….
देख्दिन म फूलेको पालुवा, जता देख्यो बालुवै बालुवा
तातो हावा चल्छ सरर, हावा सरर
गाउँघरलाई संझेर, पोल्छ छाती रुन्छु धरर………।
प्रवासी व्यथालाई समेटेर गिती एल्बम मार्फत युएइमा नाम कमाएका असीम महतको यो गीतको यो भाकालाई विमलाले जवाफ फर्काइन् ….
तिमी भयौ अरबको भूमिमा, रातो दिन संझेर रुनेम
तातो हावा चल्छ सरर, हावा सरर
जे हुने भैहाल्छ, गाउँघर संझी नरोउ धरर……।
कार्यक्रमका प्रमुख अतिथि युएइका राजदूत अर्जुनबहादुर थापाले कलाकार तथा साहित्यकार मञ्जुललाई युएइमा स्वागत र शुभकामना व्यक्त गरेका थिए भने कार्यक्रमका अध्यक्ष तथा सो प्रतिष्ठानका उपसभापति लक्ष्मण सापकोटाले उनको व्यक्तित्वको चर्चा गरेका थिए । एनआरएन, युएइका अध्यक्ष चुडामणी ढकालले अन्यायको विरुद्धमा आवाज उठाउने मंजुललाई अब ५५ देशका छरिएर रहेका नेपालीहरुको संदेश वाहक भैदिन आग्रह गरे । त्यसै गरी नेपाली समाज तथा जनजाती महासंघका अध्यक्षद्वय क्रमशः यमप्रसाद तमु र भुवन राईले उनको कृति र व्यक्तित्ववारे चर्चा गरेका थिए ।
सोही कार्यक्रममा भर्खरै एनआरएनको केन्द्रीय कोषाध्यक्षमा निर्वाचित हुन सफल भएकोमा रामेश्वर शाहलाई एनआरएन एनसीसी, सर्वदा वाङ्मय प्रतिष्ठान, प्रवासी नेपाली संघ, जनजाती महासंघ लगायतका विभिन्न संघ संस्थाले फूलमाला र अविरले स्वागत गरेका थिए । त्यसै गरी युएइकोलागि नवनियुक्त श्रमसहचारीका पार्वती अर्याल तथा प्रवासी पत्रकार सञ्जायलका संयोजक जाकीर हुसैनलाई पनि फूलमाला तथा अबिरले स्वागत गरिएको थियो । स्वागतगाह्री शाहले सामूहिक लगानीको अवधारणा मार्फत् अनुत्पादक क्षेत्रमा खर्चिदै आएको रकमलाई एकीकृत गर्दै लाने एनआरएको कार्यक्रममा सहयोग गर्न आग्रह गरे । कवि, साहित्यकार तथा गायक मंजुलले प्रवासीले दुख वा सुखले सिकेको सीपले नेपाल बनिन्छ भन्दै सिकेको सीपलाई नेपाली भूमिमा खर्चिन आग्रह गरे ।असीम महत, शिशिर थापा, सूर्य केसी, विमला श्रेष्ठ, पूजा लामा, आशिष राई, मेघ थापा, दिपिका, पूजन, निखिल आदि युएइमा स्थानीय कलाकारका गीत र नृत्यले सिंगारिएको सो कार्यक्रम सो प्रतिष्ठानका उपसभापति अर्जुन सापकोटाको स्वागत तथा संचालनमा कृष्ण देवकोटा तथा सांस्कृतिक पक्ष असीम महत र सूर्य केसीले संहालेका थिए ।कार्यक्रममा प्रतिष्ठानले प्रकाशन गरेको कविता संग्रह ‘कविता सर्वदा’ को राजदूत थापा तथा विशेष अतिथि मञ्जुद्वारा संयुक्त रुपमा विमोचन गरिएको थियो ।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment