कतारवासी तमूहरुको अधिवेशन डिसेम्बर १८ र तो ल्होछार पर्व जनवरी १ मा मनाउने निर्णय

बुधबल तमू ÷ बिलबहादुर तमू
नोभेम्बर ७ दोहा । गत नोभेम्बर ६ तारिख शुक्रवारका दिन कतारवासी तमूहरुको साझा संस्था तमू बौद्ध सेवा समिति कतारका अध्यक्ष जगन तमूको अध्यक्षतामा बसेको बैठकले विभिन्न निर्णयहरु गरेको समाचार प्राप्त भएको छ । उक्त बैठकमा समितिका सल्लाहकारहरु बिलबहादुर तमू अमृत तमू र राम तमूको समेत उपस्थिती रहेको कुरा समाचारमा जनाईएको छ । बैठकमा भएको निर्णय अनुसार समितिको अधिवेशन तथा साधारण सभा २००९ डिसेम्बर १८ मा हुने भएको छ । यस साधारण सभाबाट आगामी २ वर्षको लागि नयाँ कार्यसमितिको समेत चयन हुने छ । तेश्रो कार्य समितिको लागि आयोजना गरिने छैठौंं साधारण सभामा कतारवासी तमूहरुलाई बढी से बढी सहभागि गराउन समितिले सम्पूर्ण तमू दाजु भाई तथा दिदी बहिनीहरुलाई आग्रह पनि गरेको छ । यसका साथै समितिले तमूहरुको महान पर्व ल्होछार सन् २०१० जनवरी १ तारिखका दिन भब्य रुपमा मनाउने भएको छ । यस वर्षको तो ल्होछार पर्व भव्य रुपमा मनाउन अध्यक्ष जगन तमूको संयोजकत्वमा ूतो ल्होछार मिलन समारोह समिति २०६६ू गठन गरेको छ । यस समितिको सदस्यसचिवको जिम्मेवारी महासचिव कृष्ण तमूलाई दिइएको छ । ल्होछार पर्वलाई विभिन्न सांस्कृतिक कार्यक्रम सहित भव्य रुपमा मनाउनको लागि सांस्कतिक कार्यक्रम संयोजनको जिम्मेवारी तमू साँस्कृतिक परिवार कतारका अध्यक्ष बिमल तमूलाई दिईएको छ । वश्वभरिका मुस्लिमहरुको महान पर्व बक्र ईदमा प्रथम पि्रमियर सो हुन गई रहेको नेपाली कथानक चलचित्र ूसपना हो की विपनाू मा समितिले सकि्रय सहयोग गर्ने निर्णय गरेको छ । समितिका महासचिव कृष्ण तमू तथा सदस्य भेष तमूद्वारा निर्माण गरिएको तमू संस्कृतिमा आधारित उक्त चलचित्रमा नेपालका र कतारका स्थानिय नेपाली कलाकारहरुको अभिनय रहेको छ । यस वक्र ईदको पहिलो र तेश्रो दिन दोहा सिनेमा हलमा उक्त चलचित्र प्रदर्शन गरिने छ भने दोश्रो दिन होमसाईडमा प्रदर्शन गरिने कुरा निर्माता तथा कलाकार भेष तमूले बताउनु भएको छ । नेपाल अधिराज्य भरीमा तमू भाषा पठन पाठन हुने एक मात्र विद्यालय देवदह मदर टङ्गस एकेडेमी रुपन्देही सम्बन्धि बृत्तचित्रको २ वटा भि।सी।डी।लाई कतारवासी तमूहरु विच प्रदर्शन गर्ने र तमू पहिचान बोकेको उक्त विद्यालयलाई सक्दो सहयोग गर्ने निर्णय समेत गरिएको छ ।