चितवन युवा समूह दोहा कतार द्धारा बृहद स्रष्टा सम्मान कार्यक्रम सम्पन्न

किरण मरहठ्ठाचितवन । चितवन युवा समूह दोहा कतार द्धारा चितवनका वरिष्ठ ६ साहित्यिक स्रष्टाहरुलाई सम्मान गर्ने कार्य रत्ननगर उद्योग वाणिज्य संघ टाँडीको सभाहलमा भव्यताको साथ सु-सम्पन्न भएको छ । उक्त स्रष्टा सम्मान कार्यक्रममा विभिन्न राजनीतिक दलका व्यक्ति, समाजसेवी, बुद्धिजिवी, प्राध्यापक, साहित्यसर्जक, पत्रकार तथा व्यवशायीहरुको समुपस्थितिमा आयोजित कार्यक्रमको सभापतित्व रवि भट्टले गर्नुभएको थियो भने विशिष्ट अतिथीको रुपमा गैर आवासीय नेपाली संघ अन्तर्राष्ट्रिय समन्वय परिषदको चौथो विश्व सम्मेलनबाट उपाध्यक्ष पदमा विजयी व्यत्तित्व साथै चितवन युवा समूह दोहा कतारका संस्थापक अध्यक्ष तथा संरक्षक सागर नेपाल हुनहुन्थ्यो ।
त्यस्तै गरी प्रमुख अतिथीमा निर्मोही व्यास र विशेष अतिथीमा गैर आवासीय नेपाली संघ जापान च्याप्टरका संयोजक डा. सुदिप अधिकारीको पनि उपस्थिती रहेको थियो । अन्य अतिथी गणहरुमा रत्ननगर उधोग वाणिज्य संघका अध्यक्ष राजेन्द्र श्रेष्ठ, रत्ननगर नगरपालिकाका संस्थापक अध्यक्ष नारायण वन, प्राध्यापक तथा साहित्यकार प्रेम रिमाल, चितवन युवा समूह दोहा कतारका निवर्तमान अध्यक्ष रामहरि गैरे र समाजसेवी तथा व्यवशायी हरिशरण पाठकको पनि उपस्थिती रहेको थियो ।
रवि भट्ट रोषीको स्वागत मन्तव्य बाट शुरु भएको सो कार्यक्रममा प्रमुख अतिथी द्धारा पानसमा दीप प्रज्वलन गरेपछि विभिन्न वक्ताहरुले आआफ्नो मन्तव्य राख्नुभएको थियो । स्रष्टा सम्मान कार्यक्रममा ६ वटा फरक फरक विधामा साहित्यिक योगदान दिने सम्मानित ६ स्रष्टाहरुमा केशवराज आमोदी, केदारनाथ खनाल, प्राध्यापक डा. नारायण प्रसाद खनाल, रामबावु घिमिरे, गोविन्द राज विनोदी र धनराज गिरी हुनुहुन्थ्यो ।
मन्तव्यको क्रममा आफ्नो भनाई राख्दै ऐक्यवद्धता मासिककी प्रधान सम्पादक मीना शर्मा तिवारीले चितवन युवा समूहले मुलूक भित्र होस् वा बाहिर होस् सामाजिक क्षेत्रहरुमा पुर्याएको योगदान यो पहिलो पटक नभएर यसभन्दा अगाडि पनि चितवनको हरेक क्षेत्रलाई समेट्दै शिक्षा, स्वास्थ्य, खानेपानी तथा कतारमा नै बिचल्लीमा परेका नेपालीहरुलाई आवास, खाना, औषधी उपचार तथा नेपाल फिर्ती टिकटको समेत प्रबन्ध गरी नेपाल फर्काउनेजस्ता कार्यहरु सेवाभावले उत्प्रेरित भई आर्थिक तथा भौतिक जस्ता कालजयी सेवा पुर्याएको जानकारी गर्दै चितवन युवा समूहको यस्तो अतुलनीय तथा सह्रानीय कामको आफ्नो मिडिया (ऐक्यवद्धता ) को माध्यमबाट विश्वभरि पुर्याएको र आगामी दिनहरुमा पनि चितवन युवा समूहको यस्ता सुकार्यलाई विश्वभरि पुर्याईरहने बचनबद्धता गर्नुभयो ।
मन्तव्यको क्रममा अर्का बक्ता नारायण वनले चितवन युवा समूह दोहा कतार जस्तो सामाजिक संस्था होस् वा गैर आवासीय नेपाली संघ नै किन नहोस् हामी कसले कति लगानी गरिदिन्छ, कुन क्षेत्रमा लगानी गरिदिन्छ भनेर आशामुखी हुनुभन्दा पनि चितवन युवा समूह जस्ता प्रवासी युवाहरुको जोश, जाँगर र आफ्नो देश र समाज प्रति देखाएको चासो र माया देखेर हामी मुलूकमा बस्ने नागरिकले देश र समाजलाई अहिले सम्म के दिन सकेका रहेछौं भन्दै लज्जित हुनुपर्ने भएको छ । तसर्थ राज्य र अन्य सामाजिक संघ संस्था संग परनिर्भरी भएर बसिरहनुभन्दा पनि चियुसको यस अभियानको हामी सबैले होस्टेमा हैासे गर्दै हामीहरु पनि चियुस जस्तो विशुद्ध सहयोगी संस्थासंग सहकार्य गर्दै समाज निर्माणको बाटो तिर लाग्नुपर्ने भएको छ भन्नुभयो ।
कार्यक्रमका प्रमुख अतिथी निर्मोही व्यासले आफ्नो भनाई राख्दै भन्नुभयो हामीले हिजो सम्म सोच्ने गरेका थियौं कि कतार जस्तो खाडी मुलूकमा काम गर्न जानेहरु सबै गरीब हुन्छन् र मानसिकता पनि गरीब हुन्छन् भनेर हेयको दृष्टिले हेरिने हाम्रा मानसिकता कति दरिद्र रहेछन् भन्ने सोचलाई यस कार्यक्रमले धेरै नै फितलो बनाइदिएको छ । खाडी राष्ट्र जानेहरु सबै अशिक्षित हुन्छन् र सामाजिक सेवाभाव बाट धेरै टाढा हुन्छन् भन्ने हामी मुलूकवासीहरुको सोचलाई कतारमा रहने चितवन युवा समूहका साथीहरुले यस स्रष्टा सम्मान कार्यक्रमको आयोजना गरी हामीलाई जति आभारी बनाएको छ त्यत्तिकै लज्जित पनि बनाएको छ भन्दै स्रष्टाको सम्मान गर्ने यो स्वर्ण अभियानको शुरुवातलाई नेपालका समग्र साहित्यिक मञ्चले सधैा सकारात्मक रुपले हेर्नेछ भन्नुभयो ।
त्यस्तै गरी गैर आवासीय नेपाली संघ जापान च्याप्टरका संयोजक डा. सुदिप अधिकारीले जापानबाट पनि हामीले यस्ता च्यारिटी प्रोग्रामहरु चितवनको शिक्षा क्षेत्रलाई लक्ष्यित गरी शक्तिखोरका अति गरिब तथा पिछडिएका चेपाङ्ग बालबालिकाहरुको शैक्षिक अवस्थालाई मध्यनजर गर्दै स्कुलमा नाम रजिष्टर भए पनि उल्लेख्य रुपमा बिद्यालयमा उपस्थिती नहुने जानकारीमा आएपछि गैर आवासीय नेपाली संघ जापान च्याप्टरको तर्फबाट त्यस्ता स्कुलहरुमा खाजाको प्रबन्ध गरिएको र खाजा खान पाईन्छ भन्ने सोचले स्कुलमा आउनेको संख्यामा बृद्धि भएमा यसलाई निरन्तरता दिादै जाने र अन्य त्यस्तै क्षेत्रहरुमा नेपाल अधिराज्यभरि नै थप च्यारिटीहरु बिस्तार गर्दै लैजाने जानकारी दिनुभयो ।
कार्यक्रमका बिशिष्ट व्यक्तित्व तथा गैरआवासीय नेपाली संघका नवनिर्वाचित उपाध्यक्ष तथा चितवन युवा समूह दोहा कतारका संरक्षक सागर नेपालले भन्नुभयो , हामी सबै सर्वगुण सम्पन्न छैनौं, सबै राम्रा पनि छैनौं , राम्रो र नराम्रोको बीचबाट नै सहमतिका साथ राम्रो काम गर्नुपर्ने बेला आएको छ भन्नुभयो । राजनीतिक दलहरुकोमात्र भर परेर देश बन्ने सपना देख्नु असम्भव भएको हुादा अब तल्लो तहबाट नै समाज बिकासको लागि जुट्नुपर्ने भएको छ भन्दै राज्यले गैर आवासीय नेपालीहरुको देशभित्र लगानि गर्ने उद्येश्य प्रति सधैा आश्वाशनमात्र दिने र मौन भएर बसिदिने प्रक्रियाले गर्दा राजनीतिक दलहरु कुन विन्दुमा रहेछन् भन्ने सबैलाई प्रष्ट भईसकेको बताउनुभयो । हामी सबैले राजनीति भन्दा माथि उठेर गाउा बनाउादै शहर पस्नुपर्छ , शिक्षालाई प्रथम प्राथमिकता दिएमा शिक्षित नागरिकबाट राज्यले धेरै कुराहरु पाउन सक्छ भन्नुभयो । हामी प्रवासिएका नेपालीहरु खान नपाएर विदेश पलायन भएका हैनौं, कमाएर सफलता हासिल भईसकेपछि नेपालमा बसेर के पो हुन्छ र भन्ने उदासिन सोच लिएर सधैा बिदेशमा बस्ने सोच पनि हाम्रो होइन, यत्ति हो कि हाम्रा सीप र आर्थिक लगानि गर्ने वातावरण सरकारले बनाईदिनुपर्छ भन्ने चाहना हो । देशमा राजनीतिक स्थिरता हुनुपर्छ, हामी स्वदेश फिर्न चाहन्छौं । हाम्रो श्रम र सीप देश भित्रै लगानि गर्न ईच्छुक छौं भन्नु भयो । हामी केहि लिन आएका हैनौा , केहि दिन आएका हौा तर जुन राजनीतिक दलहरुपनि सत्तासीन भएपछि गैर आवासीय नेपालीहरु प्रति किन उदासिन बन्छ ? भनेर प्रश्न गर्नुभयो ।
हाल काठमाण्डौंमा आयोजित चौथो विश्व सम्मेलनको अवसरमा हरेक राजनीतिक दल र सत्तारुढ दलहरुको गैर आवासीय नेपालीहरु प्रतिको सकारात्मक अभिव्यक्तिले धेरै आशावादी भएको बताउादै कार्यक्रम प्रति केन्दि्रत हुादै नेपालले भन्नुभयो , हामीले चितवन युवा समूह भन्ने संस्था कतारमा जब खोल्यौं ,त्यसताका चितवनका साथीहरुलाई बटुल्न धेरै कष्ट बेहोर्नू पर्यो । ५० डिग्री तापक्रममा पसिना चुहाउादै काम गर्ने चितवने साथीहरुको सहयोगबाट संकलित रकमले हामीले देशको उत्पादनशील क्षेत्रमा प्रयोग गर्न सक्यौं भने देशमा रहने सबैले शिक्षा तथा स्वास्थ्यमा राहत महसुस गर्न पाउने थिए भन्ने उद्येश्यलेनै हामीले यसो गरेका हौं । कार्यक्रमको अवसरमा पूर्वी चितवनमा एउटा पोलिटेक्निक इन्सटिच्युट खोल्ने कुरामा हामी पनि सकारात्मक छौं । तर सबैको सोच र विकासनीतिमा एकरुपता हुनुपर्नेछ भन्नु भयो । कतारमा गठित थुप्रै संघसंस्थाहरु मध्ये यो संस्था अग्रपंक्तिमा पर्नुपनि समाज विकासमा योगदान दिनुनै प्रमुख कारण हो भन्नुभयो । चितवन युवा समूहको सामाजिक क्रियाकलाप दोहामा पनि त्यत्तिकै शसक्त भएको जानकारी गराउादै हाम्रा चितवन युवा समूहले कतारको दोहा महानगरपालिकाको संलग्नतामा दोहामा पनि थुप्रै सामाजिक योगदान दिादै आएको हुादा कतारको महानगरपालिकाबाट सम्मान तथा कदरपत्र पाउनुनै निस्वार्थ रुपमा हामिले गरेको सहयोगको प्रमाण हो भनी बताउनुभयो । सभापति रवि भट्टको समापन मन्तव्य पछि कार्यक्रम समापन भएको थियो ।