%5B1%5D.jpg)
दलालहरुबाट ठगिएर हङकङ आइपुगेका चार नेपालीहरु, वीरबहादुर खत्री, निमबहादुर भण्डारी, इन्द्रबहादुर वली र अफत वली आज आइतबार ३० तरिख नेपाल फर्किएका छन् । करिव तीन महिना अगि मानव तस्करहरु मार्फत चाइनाको गोङजाउ हुँदै हङकङ ल्याइपुर्याइएका यी पीडितहरु हङकङ प्रहरीको कब्जामा परेर छुटेका थिए । आफूहरु ठगिएको चाल पाएपछि हङकङबाट संचालित अनलाइन पत्रीका मूलबाटो डटकमको समपर्कमा आई आफूहरुलाई को को दलालहरुले कसरी फसाए भन्ने सम्पूर्ण विवरण दिएका थिए । सो समाचार सम्प्रेषण भएपछि गैरकानूनीरुपमा नेपालीहरुलाई हङकङ छिराउने गिरोहहरु मध्य उक्त गिरोहको कर्तुत छताछुल्ल भएको थियो ।हङकङ प्रवेस गर्दा नगर्दै प्रहरीको कब्जामा परेका यी पीडितहरु दलालले सिकाय मुताविक नेपालमा आफ्नो जिउज्यानको सुरक्षा नभएकोले ज्यान बचाउन देशबाट भागेको भन्ने बेहोराको कपोकल्पित बयान दिएपछि हिरासतबाट छुटी हङकङ स्थित युएनएचसीआरको कार्यलयमा सरनार्थी दर्ता गराउन पुगेका थिए ।यी पीडितहरु मार्फत ति दलालहरुको सम्पूर्ण पोल खुलेपछि उनीहरुले पीडितहरुलाई बस्नको लागि बन्दोबस्त गरिदिएको कोठाको बाहाल नतिर्दिएकाले र यहाँ कानुनत: उनीहरुले कुनै पनि रोजगारी नपाउने भएकाले उनीहरु विचल्लीमा पर्न गएका थिए । यो अफ्ठेरो परिस्थितिमा पुन: मूलबाटो डटकमको सम्पर्कमा आई उनीहरुले नेपाल फिर्नको लागि सहयोग गरिदिन अनुरोधगरेपछि उनीहरुलाई नेपाल फर्कन लाग्ने खर्चको प्रवन्ध मिलाई दिन मूलबाटो डट कमले हङकङ नेपाली फूटबल एसोसिएसनसंगको संयुक्त आयोजनामा च्यारेटी फूटबल प्रतियोगिता गर्दै हङकङ नेपाली महासंघलगायत यहाँ स्थापना भएका विभिन्न संघ-संस्थाहरु तथा ब्यक्तिहरुलाई सहयोगको लागि अनुरोध गरेको थियो । यो कार्यमा नव निर्मित नेपाली पत्रकार सघंको तर्फबाट ऐभरेष्ट साप्ताहिकका सम्पादक किशन राईको पनि पूर्ण सकृयता रहेको थियो भने नेपाल फिर्न चाहने उक्त चार जनालाई हङकङ स्थित नेपाली महावाणिज्यदूतावासको कार्यलयले निसूल्क यात्रा अनुमति पत्र तथा हङकङ सरकारलाई आवश्यक सिफारिस गरिदिएको थियो ।यस अनलाइन पत्रीका मूलबाटो डट कम तथा अन्य सहयोगीहरुको अनुरोधमा यथासक्य आर्थिक तथा अन्य सहयोग गर्नुहुने संस्था तथा ब्यक्तिहरुको नामावली हार्दिक्ताकासाथ सधन्यवाद पुनस्च प्रकासित गरेकाछौँ । हङकङ नेपाली फूटबल एसोसिएसनको सहयोगमा आयोजित च्यारेटी म्याचबाट- २१००, ठकुरी समाज हङकङ- २०००, किरात राई चाम्लिङ खाम्मातिम हङकङ- ७५०, किरात राई यायोक्खा हङकङ- ५००, खोटाङ समाज हङकङ- ५००, यसरी नै ब्यक्तिगत सहयोग गर्नुहुनेमा, कुमार सामपाङ- ५००, ——-राई- २००, वाईबी राई-१००, चनेन्द्र तामाङ- १००, जजिन राई १०० रहनु भएको छ । यसै गरी आयोजित चयारेटी फूटबल म्याचमा पिउने पानीको प्रायोजन डिसप चिम्साचुइँले गरिदिएको थियो भने उक्त कार्यक्रमको लागि आवश्य ब्यानर, पोष्टर तथा प्रमाण-पत्रहरु अनलाइन सर्भिस यमातेईले निसूल्क उपलब्द गराईदिएको थियो ।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment