पन्ध्रौं विश्व आदिवासी दिवश अधिकार प्राप्ति आन्दोलनको रुपमा मनाइयो

अगस्त ९, काठमाडौं/
पन्ध्रौं विश्व आदिवासी दिवश ‘स्वशासनको सहितको स्वायत्तता र आत्मनिर्णयको अधिकार, संघीय लोकतान्त्रिक गणतन्त्र नेपाल निर्माणको मूल आधार’ भन्ने नाराको साथ जातीय स्वायत्तता र अधिकार प्राप्तिको आन्दोलनको रुपमा नेपालको विभन्न ठाउँमा मनाइयो । नेपाल आदिवासी जनजाति महासंघलगायतका आवद्ध आदिवासी संघ सँस्था सम्मिलित विश्व आदिवासी दिवस २०६६ मूल आयोजक समितिले काठमाडौंको टुँडीखेल खुल्लामञ्चमा विभिन्न जातिको र्‍याली र झाँकी प्रदर्शनीका साथ एक वृहत जनस भाको आयोजना गरेको थियो ।
नेपाल आदिवासी जनजाति महासंघमा आवद्ध विभिन्न आदिवासी संघ संस्थाहरुको झाँकीसहितको र्‍याली काठमाडौंको विभिन्न स्थानबाट खुल्ला मञ्च टुँडीखेलमा ल्याइएको थियो । त्यसैगरी आदिवासी जनजाति सभासदहरुको र्‍याली सिंहदरवारबाट कार्यक्रम स्थलनमा आएको थियो ।
सभामा बोल्ने क्रममा महासंघका सल्लाहरकार डा. ओम गुरुङले अब आदिवासीहरुले पहिचानको आन्दोलनसँगै अधिकार प्राप्तिको लर्डाईंमा उत्रनु पर्ने कुरा औल्याँउनु भयो । मन्तव्यको क्रममा आदिवासी जनजातिको सभासद ककसका अध्यक्ष वर्षान पुन अनन्तले आदिवासी जनजाति सभासदहरु आदिवासी जनजातिको मुद्दामा एक भई संविधान सभाका संघर्ष गर्ने कुरा बताउनु भयो । अन्य सभासदले संविभानभित्र कुरा चर्काउन बाहिर सडकमा आन्दोनलको आवश्यकता पर्ने कुरामा जोड दिनु भयो ।
महासंघका अध्यक्ष पासाङ शेर्पाले भन्नु भयो- यो कार्यक्रम सुरुवात र साङ्केतिक मात्र हो । सम्पूर्ण आदिवासी जनजातिहरु एक भएर यो खुल्ला मञ्च भरिएको दिन नेपालको राजनीतिले नै कोल्टे फेर्नसक्ने खबरदारी गर्नुभयो ।
आदिवासीहरुको जनप्रदर्शन काठमाडौं, झापाको विर्तामोड, सुनसरीको इटहरी, उदयपुरको गाइघाट, सर्लाहीको लालबन्दी, चितवनको नारायणगढ, रुपन्देहीको बुटवल, तनहुँको दमौली, बाग्लुङ बाँकेको नेपालगन्ज र कैलालीको धनगढीमासमेत गरिएको थियो ।