...बरु कला क्षेत्र नै त्याग्छु

सुसना


सफल नायिका बन्ने लक्ष्यसहित कलक्षेत्रमा दिनरात लागि परेकी छिन्- सुसना । आफूलाई सबैका सामु चिनाउन अरु क्षेत्रभन्दा कमै संर्घष गरे पनि चर्चा बढी पाइने भएर कला क्षेत्र नै रोजेकी बताउँछिन्- सुसना अर्थात् सुसाना पचेङ कला क्षेत्रमा अगाडि बढ्नका लागि परिवारबाट नै विशेष साथ र सहयोग पाएको बताउने उनी आफूलाई परिवारको सहयोग र हौसलाले कलाक्षेत्रमा संर्घष गर्न सजिलो भइरहेको बताउँछिन् । कला क्षेत्रप्रति हेर्ने दृष्टिकाण सबको सकारात्मक नभएको बताउने सुसना कलाकक्षेत्रमा पुरुषको तुलनामा नारीलाई संर्घषगर्न कठिन भएको बताउँछिन् ।

विदेशमा जुनसुकै क्षेत्रमा पनि नारीलाई प्राथमिकता दिने भए पनि नेपाली परिवेशनमा त्यसो नभएर अलि सकारात्मक दृष्टिले नहेर्ने गरेको पाइन्छ भन्ने सुसना झनै कला क्षेत्रमा लाग्ने महिलाहरूका लागि हेर्ने दृष्टिकोण नकारात्मक रहेको बताउँछिन् ।

उनी भन्छिन्- महिला नराम्रो क्रियाकलापमा लागेको खण्डमा जुन क्षेत्रमा लागे पनि राम्रो हुँदैन । कला क्षेत्रमा लाग्नेको नराम्रो क्रियाकलाप अरु क्षेत्रमा भन्दा छिटो सबैले थाहा पाउने भएर पनि कला क्षेत्रलाई त्यति राम्रोसँग नहेरिने उनको तर्क छ ।

नायिका बनेर राष्ट्रियस्तरमा मात्रै हैन अन्तर्राष्ट्रियस्तरमा समेत आफ्नो नामका अतिरिक्त देशको कला संस्कृतिको पहिचान गराउने उद्देश्य लिएकी सुसना आफ्नो फेस सेन्टिमेन्टल भूमिकामा सुहाउने भएकाले त्यही भूमिका मनपर्ने बताउ छिन्, उनी ।

नेपाली कला क्षेत्रमा महिला कलाकार निर्माता निर्देशकको यौन शोषणमा पर्ने गरेको पटकपटक सामाचार माध्यमबाट सुन्दै आएको भए पनि आफू अहिलेसम्म त्यस्तोमा नपरेको बताउने उनी- नाम र दाम कमाउनका लागि कला क्षेत्रमा शारीरिक सम्झौता गर्नु गलत हो भन्छिन् । आफू नाम र दामको लागि शारीरिक सम्झौता पनि कहिल्यै नगर्ने बताने सुसना भन्छिन्, 'शारीरिक सम्झौताभन्दा कला क्षेत्र नै त्याग्छु । '

कलाकार हुनका लागि अभिनयलाई बुझ्नपर्छ र त्यसमा आवश्यक सबै विधाको ज्ञान हुन आवश्यक हुने बताउने उनी प्रशिक्षणपश्चात् मात्र यस क्षेत्रमा प्रवेश गरेको बताउँछिन् । उनी भन्छिन्, सानैदेखिको रुचि, विद्यालय जीवनमा नै डान्स गर्थे, सबैमा पुरस्कृत हुन्थे, सबैबाट राम्रो छ, कला क्षेत्रलाई नै अगाडि बढाउने प्रेरणा पाएपछि मात्र आफूलाई यस क्षेत्रमा लाग्न थप हौसला र सन्तुष्ट मिलेको उनी बताउँछिन् ।

जुनसुकै सुन्दर चिज जोगाउनु नै सबैभन्दा सुन्दरता हो भन्ने सुसना अंग प्रदर्शनलाई ग्ल्यामर त मान्छिन् तर सुन्दरता मान्दिनन् । उनी भन्छिन् नारीको सुन्दरता उसको शिलस्वभावमा हुन्छ । आफूले नायिकाको रुपमा अंगप्रदर्शन गर्नु परे पनि फेसन अनुसारभन्दा आवश्यकता र कथावस्तु अनुसार गर्ने बताउने सुसना अंग प्रदर्शनले चलचित्र चल्छ भन्नु भ्रम मात्र भएको बताउँछिन् । उनी भन्छिन्- चलचित्र चलनका लागि कथावस्तु अनुसार सबै चिज हुनुपर्‍यो, अंग प्रदर्शन क्षणिक हो । धैर्यता, आत्मविश्वास, लगनशीलताले सदावहार नायिका हुन सकिने बताउने उनी कला क्षेत्रभन्दा पनि मोडलिङका लागि घरपरिवारबाट प्रेसर भएको बताउँछन् ।

महिला कलाकार पारिश्रमिक हिसाबले अलि शोषित भएको बताउने सुसान त्यसको समाधानका लागि सबै महिला कलाकार एक भएर हक हितका लागि आवाज उठाउनु पर्ने बताउँछिन् । आफनो शरीरको सबैभन्दा सुन्दर अंग ओठ र आँखा रहेको बताउने सुसना आफूलाई चलचित्रका अफर आइरहेको भएपनि कथावस्तु र कलाकार मन परेको कारण नखेलेका बताउँछिन् । नेपाली चलचित्र क्षेत्रमा राजेश हमालको तुलनामा अभिनय गर्न सक्ने कुनै पनि कलाकार नभएको बताउने सुसना राजेशसँग हिरोइन बन्ने फिल्म आँखा चिम्लेर गर्ने बताउँछिन् । उनी भन्छिन्, "आफ्नो मन परेको हिरोसँग खेल्न पाउनु धेरै राम्रो कुरा हो ।"

नवलपरासी कुमावर्ती-७ गोछडामा जन्मिएकी सुसना आधादर्जन म्युनिक भिडियाको अभियनपछि मात्र ठूला पर्दाका चलचित्रमा हात हालेकी हुन् । रामपुरको वस्ती, आजका युवा आदि ठूला पर्दाका चलचित्र सफलतापूर्वक आफ्नो प्रतिभा प्रस्तुत गरेकी उनी नेपाल टिभिबाट प्रशारण हुने चेतनामूलक सिरियलप्रति साह्रै लोभिएकी छिन् । उनी भन्छिन्-'चेतनामुलक सिरियल खेल्ने साह्रै इच्छा छ ।

अविवाहित सुसना विवाहका लागि लगन न आइपुगेको बताउँछिन् । कला क्षेत्रको अहिलेको अवस्था खस्कँदो भएकोले कला क्षेत्रमा नै बाँच्न अहिले गाह्रो भएको बताउने उनी कलाक्षेत्रको भविष्य राम्रो रहेको बताउँछिन् ।