आधारभुत पत्रकारिता तालिम शुरु

धरान । संघीय राज्य व्यवस्था र पत्रकारिता सन्र्दभमा एकहप्ते आधारभुत पत्रकारिता तालिम शनिबारदेखि धरानमा शुरुभएको छ । आगामी साउन २ गतेसम्म सञ्चालन हुने सो तालिम किरात राई पत्रकार संघ सुनसरीको आयोजनामा शुरुभएको हो ।धरान १०स्थित यलम्बर स्मृति संग्राहलयमा सञ्चालित सो तालिमको उद्घाटन प्रमुख अतिथि रहनुभएका नेपाल पत्रकार महासंघका केन्द्रीय सदस्य एवं पूर्वाञ्चल संयोजक किसोरकुमार कार्कीले गर्नुभएको थियो । तालिम उद्घाटन गदै प्रमुख अतिथि कार्कीले नेपालको पत्रकारिता गम्भीर चुनौती र अवसरको संघारमा उभिएको बताउनुभयो । पत्रकारहरुमा धम्की, आक्रमण र हत्या भइरहेकोले पत्रकारिता पेशामा सुरक्षाको चुनौती थपिएको उल्लेख गदै उहाले यथेष्ठ अवसरहरु पनि रहेको बताउनुभयो ।एक हातमा चुनौती छ भने अर्को हातमा अवसर नै अवसर छ ः प्रमुख अतिथि कार्कीले भन्नुभयो ःनेपाली पत्रकारिता पनि उद्योगको रुपमा स्थापित हुनथालेकोले यो पेशामा थुप्रै अवसरहरु छन् । तर अवसरलाई हात पारेर अघि बढ्ने क्षमता सबैमा हुनुपर्छ ।लोकतान्त्रिक गणतन्त्र स्थापनाका नेपालको पत्रकारहरुको महत्वपूर्ण भुमिका रहेको चर्चा गर्नुहुदै उहाले संघीयतालाई स्थापित गर्नपनि महत्वपुर्ण जिम्मेवारी रहेको बताउनुभयो । साथै, पत्रकारितालाई मर्यादित पेशा बनाउनुका साथै समाज र जनताप्रति उत्तरदायि बनाउने जिम्मेवारी पनि पत्रकारहरुको दायित्व भएको उहाको धारणा थियो ।यसैगरि, शुभकामना मन्तव्य व्यक्त गदै नेपाल पत्रकार महासंघ सुनसरीका उपाध्यक्ष जनकऋषिर् चाम्लिंग राईले मुलुक संघीय संरचनामा जानलागेकोले पत्रकारितालाई पनि संघीय स्वरुपमा बदल्न जरुरी भएको बताउनुभयो । संघीयतालाई भुगोलसंग मात्र हेर्न नहुने बताउदै उहाले समुदायको विकास र उत्थानको लागि संघीयताको माग भएको उल्लेख गर्नुभयो ।शुभकामना मन्तव्यकै क्रममा संचारिका समुहकी पूर्वाञ्चल अध्यक्ष निलिफा सुब्बाले पत्रकारिता क्षेत्रमा महिला पत्रकारहरु कम संख्यामा भएकोले महिलाहरुले तालिम लिएपछि पत्रकारिता क्षेत्रलाई निरन्तरता दिन आग्रह गर्नुभयो । साथै, कम संख्यामा महिला पत्रकारहरु भएकोले लैंगिक विभेद हुने गरेको उहाले चर्चा गर्नुभयो । यसैगरि, प्रेस चौतारी सुनसरीका उपाध्यक्ष भिम राई ज्वालाले पत्रकारिता पेशा असुरक्षित बनिरहेपनि युवाहरुमा ज्यादै आकर्षण बढेको बताउनुभयो । पेशा प्रति इमान्दार र प्रतिवद्ध पत्रकार भएमा थुप्रै अवसरहरु पाउने उहाले उल्लेख गर्नुभयो ।यसैगरि, क्रान्तिकारी पत्रकार संघ सुनसरीका उपाध्यक्ष महेश श्रेष्ठले पत्रकारितामा चुनौती भएपनि बढ्दो युवाहरुको सहभागीताले उत्साह थपिएको बताउनुभयो । मुलुक संघीय स्वरुपमा परिणत हुनलागेकोले संघीय पत्रकारिताबारे तालिम र छलफल गर्न आवश्यक भएको उहाको धारणा थियो । एकहप्ते तालिमको उद्घाटन समारोह किरात राई पत्रकार संघ सुनसरीका अध्यक्ष श्रीशीशा राईको सभाध्क्षमा सम्पन्न भएको थियो । कार्यक्रममा स्वागत मन्तव्य संघका उपाध्यक्ष कृष्ण राईले गर्नुभएको थियो ।साउन २ गतेसम्म सञ्चालन हुने सो तालिममा विभिन्न स्थानका ७६ जना प्रशिक्षर्थीहरु सहभागी भएको संघले जनाएको छ । तालिममा वरिष्ठ पत्रकार एवं प्रशिक्षक यज्ञ शर्मा, गोपाल देवान, किसोरकुमार कार्की, गणेश राई-काठमाण्डौं) र जसकुमार राईले प्रशिक्षण दिने संघले जनाएको छ ।