%5B1%5D.jpg)
सदन सुचारु गर्ने उपाय पत्ता लगाउन संविधानसभामा प्रतिनिधित्व गर्ने २४ दलको र्सवदलीय बैठक बैठक प्रधानमन्त्री कार्यालय सिंहदरबारमा बस्ने भएको छ ।माओवादीले सेनापति प्रकरण पछि चालिएका कदमप्रति असन्तुष्टि जनाउदै सदन अवरुद्ध गर्दै आएपछि निकासका लागि पहल भइरहदा बैठक बस्न लागेको हो । आज नेकपा एमालेले नेपाली कांग्रेस र नेकपा माओवादीसंग छुट्टाछुट्टै बैठक गरी निकासबारे छलफल गरेको छ ।कांग्रेस संसदीय दलका नेता रामचन्द्र पौडेलले सदनको अवरोध तत्काल अन्त गर्न एमाले र माओवादीले भूमिका निर्वाह गर्ने बताए । दुवै दलले आपसी सहमति बनाउनुपर्नेमा उनको जोड थियो । सेनापति प्रकरणमा राष्ट्र्पतिको कदम सही भएको भन्दै त्यसमा सम्झौता हुननसक्ने स्पष्ट पारे । सदन नचल्दा जनजीविका सम्बन्धि सवालहरुमा छलफल हुनसकेको छैन ।
चितवन युवा समूह द्वारा परदेशको जिन्दगी पब्लिक प्रदर्शन
इजरायलमा सांस्कृतिक साँझको पहिलो दिनको कार्यक्रम भव्यताका साथ सम्पन्न
तमु ल्होछार तथा नयाँ बर्ष सन २०१० को उपलक्ष्यमा गुरुङ समाज इजरायलद्वारा आयोजित दुई दिने तमु गुरुङ (ल्होछार) तथा विविध सांस्कृतिक कार्यक्रम २०६६ को पहिलो दिन शुक्रवारको कार्यक्रम भव्यताका साथ सम्पन भएको छ ।
इजरायलको प्रमुख शहर तेलअभिवको हगाना अवस्थित वेतवारवर हलमा आयोजित उक्त कार्यक्रममा उल्लेख्य दर्शकहरुको उपस्थिति रहेको थियो । कार्यक्रम पुर्व निर्धारित समय भन्दा करिव १ घण्टा ढिलो साझ ९ बजेदेखि शुरु गरिएको थियो ।
नेपाली राजदुतावास इजरायलका द्वितिय सचिव विष्णु प्रसाद गौतमको प्रमुख आतिथ्य रहेको उक्त कार्यक्रम दिप प्रज्वलन गरी शुरु गरिएको थियो भने कार्यक्रमको आयोजक प्रमुख तथा तमु समाज इजरायलका अध्यक्ष यम गुरुङले स्वागत मन्तव्य दिनुभएको थियो ।
कार्यक्रममा नेपालबाट आएका ख्याती प्राप्त कलाकारहरु लोक गायक राजु परियार, पप गायक द्वय रोज मोक्ताक र भुपेन्द्र गुरुङ तथा नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कट्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) हरुद्वारा विभिन्न मनोरञ्जनात्मक प्रस्तुतीहरु गरिएको थियो ।
नानु गुरुङ, मिलन गुरुङ र नेहा गुरुङद्वारा उद्घोषण गरिएको उक्त कार्यक्रमको शुरुमा विभिन्न संघसंस्थाका प्रतिनिधीहरुलाई अतिथीको आशन ग्रहण गराइएको थियो । कार्यक्रम शनिवार साँझ पनि सोही स्थानमै हुने संयोजकले जनाएका छन् ।
कार्यक्रमको भिज्युअल पनि यसै मिडिया मार्फत प्रस्तुत गर्ने छौ कृपया धैर्य गर्नु होला ।
स्मृति सम्बाहाम्फे
0 comments:
Post a Comment