लिम्बू संसार

ताप्लिजोङमा विशाल लिम्बुवानी आमसभा सम्पन

2010-10-02T22:42:00.000-07:00

याङ्वरकथुम, तेल्लोक ताप्लिजोङ, लिम्बुवानमहान लिम्बुवानी विभूति सिरिजङ्गको जन्मस्थल तोप्लिजोङको तेल्लोकमा यही असोज ४ गते संघीय लोकतान्त्रिक राष्ट्रिय मञ्च सम्बद्ध संघीय लिम्बुवान राज्य परिषद मातहतको लिम्बुवान भोलेण्टियर्स एलभीं याङ्वरकथुम कमाण्डको आयोजनामा विशाल लिम्बुवान आमसभा तथा एलभी प्रदर्शनी कार्यक्रम सम्पन्न भयो ।उक्त लिम्बुवानी आमसभालाई सम्बोधन गर्दै प्रमुख अतिथि संघीय लोकतान्त्रिक राष्ट्रिय मञ्चका तथा माचसम्बद्ध संघीय लिम्बुवान राज्य परिषदका अध्यक्ष कुमार लिङ्देन ‘मिराक’ले भने- “आजभन्दा तीनसय वर्षअघि यही तेल्लोकमा जन्मेका महान लिम्बुवानी विभूति सिरिजङ्गाको सपनाअनुसार नै अहिलेको लिम्बुवान आन्दोलन अघि बढिरहेको छ । तीनसय वर्षअघि नै उनै सिरिजङ्गाले लिम्बुवानको मुन्धुम, भाषा र लिपिको रक्षाको लागि हाँसी-हाँसी आफ्नो ज्यान वलिदान गरेका थिए । तर, आजको एक्काइशौं शताब्दीमा पनि केही लिम्बूहरु नै लिम्बुवानको लागि लागिपर्न हिच्किचाइरहेका छन्, त्यो एकात्मक दासत्वको उदाहरण हो । अहिलेका युवापुस्ताले लिम्बुवानमाथि र यहाँका जनताको दिमागमा जबर्जस्त थोपरिएको एकात्मक दासताको साङ्लोलाई कुनै हालतमा चुडाएरै छाड्नेछन् र सिरिजङ्गाको सपना पूरा गरेरै छाड्नेछन् । संघीय लोकतान्त्रिक गणतन्त्र नेपालअन्तर्गत अरुण-सप्तकोशीपूर्वको नौ जिल्लालाई लिम्बुवान स्वायत्त राज्य घोषणा गराउन सम्पूर्ण लिम्बुवानवासी जनताहरु एकतावद्ध भई आन्दोलनमा लामवद्ध हुनैपर्दछ । विशेषगरी लिम्बुवानी युवा विद्यार्थी र एलभीहरु जुर्मुराएर उठ्नैपर्दछ ।”
यसैगरी, उक्त आमसभालाई सम्बोधन गर्दै मञ्चसम्बद्ध संघीय लिम्बुवान राज्य परिषदका सचिवालयस सदस्य दॆउबहादुर खुदाङ, केन्द्रीय सदस्य तथा ताप्लिजोङ इञ्चार्ज कृतिमान मादेन, ताप्लिजोङ जिल्ला अध्यक्ष होम तुम्बाहाङ्फे, जिल्ला सचिव रणध्वोज ताम्लिङ, महिला परिषद उपाध्यक्ष इन्दिरा मेन्याङ्बो, विद्यार्थी केन्द्रीय सचिव दिनेश तुम्बापो, युवा मञ्च पान्थर अध्यक्ष सुनिल लिम्बू, एलभी सिनियर उपकमाण्डर मुक्साम लाबुङलगायतले लिम्बुवान प्राप्तिको आन्दोलनलाई अघि बढाउन जस्तोसुकै वलिदान दिन तयार रहेको र हुनुपर्ने विचार व्यक्त गरेको थिए ।उक्त आमसभा याङ्वरक थुम् एलभी सिनियर उपकमाण्डर विकल्प लिङ्देनको अध्यक्षतामा सम्पन्न भएको थियो भने परिषदका याङ्वरकथुम सचिव भूपेन्द्र माबोले स्वागत मन्तव्य र एलभी सिनियर सिभिल कमाण्डर ज्वलन माङ्मूले कार्यक्रमको उद्घोषण गरेका थिए । यस कार्यक्रममा सयौं एलभीहरुको प्रदर्शन र संघीय लिम्बुवान कलाकार परिषदको तर्फबाट आकर्षक साँस्कृतिक कार्यक्रमसमेत प्रस्तुत गरिएको थियो ।
- डीबी आङ्बुङ, फोटोः मुक्साम लाबुङ, ताप्लिजोङ

अनेरास्ववियुको राष्ट्रिय सम्मेलनमा आजदेखि बन्दसत्र सुरु ।।

2010-10-02T22:40:00.001-07:00

असोज १६विष्णु पौडेल
जनकपुरमा जारी नेकपा एमालेको भ्रातृ सङ्गठन अनेरास्ववियुको २० औं राष्ट्रिय सम्मेलनमा आजदेखि बन्दसत्र सुरु हुँदैछ । आजदेखि सुरु हुने बन्दसत्रमा राजनीतिक, साङ्गठनिक प्रतिवेदन, आर्थिक प्रतिवेदन र विधान संशोधनको मस्यौदा प्रस्तुत हुने र आजै प्रतिवेदनमाथिको छलफल सुरु हुने बताइएको छ । भोलिसम्म चल्ने बन्दसत्रले प्रतिवेदनहरु पारित गर्ने र पर्सि नया नेतृत्वका लागि चुनाव हुने कार्यक्रम तय भएको छ । नयाँ नेतृत्वका लागि अध्यक्ष पदमा वर्तमान उपाध्यक्ष सोभियन ढकाल र महासचिव माधव ढुंगेलबीच प्रतिस्पर्धा हुने भएको छ । सर्वसम्मत नेतृत्व चयनका लागि प्रयास गरिने भए पनि सहमतिको सम्भवना कम रहेको प्रतिनिधिहरुले जनाएका छन् । हिजोदेखि सुरु भएको राष्ट्रिय सम्मेलनको एमाले अध्यक्ष झलनाथ खनालले उद्घाटन गर्नुभएको थियो ।सम्मेलनमा एमालेका शीर्ष नेताहरुले सम्बोधन गरेका थिए । सम्मेलनमा देशभरिबाट झन्डै दुई हजार प्रतिनिधिले भाग लिइरहेका छन् ।

कांग्रेस महाधिवेशनमा कतारबाट सहभागिता/ वैदेशिक रोजगारीलाई समेट्न माग

2010-10-02T22:36:00.000-07:00

दीपक पौडेल / दोहा
नेपाली काँग्रेसको हालै सम्पन्न १२ औं महाधिवेशनमा कतारबाट पनि सहभागिता जनाइएको छ । काँग्रेसको कतारस्थित भातृसंस्था नेपाली जनसम्पर्क समिती कतारका ७ जना प्रतिनिधिहरूले महाधिवेशनमा सहभागिता जनाएका हुन् ।१ देखि ५ असोजसम्म काठमाडौंमा आयोजित कांग्रेस महाधिवेशनमा कतारबाट महाधिवेशन प्रतिनिधिकारुपमा नरेन्द्र भाट (डडेलधुरा), विमल सुवेदी (कास्की), युवराज पाठक (नवलपरासी), अर्जुन खड्का (दाङ्ग), ई. महेश जोशी (डोटी), मोहम्मद शाकिर अलि (सिराहा) र तारा मङ्गोल (गुल्मी) ले सहभागिता जनाएका हुन् । कांग्रेसले कतारस्थित जनसम्पर्क समितीबाट ७ जना महाधिवेसन प्रतिनिधि र ३ जना महासमिती सदस्य चयन गर्ने अवसर दिएको थियो । जनसम्पर्क समितीले गत २० अगस्तमा आयोजना गरेको नेपाली काँग्रेसका क्रियाशिल सदस्यको एक भेलाबाट ती प्रतिनिधिहरू सर्वसहमतिको आधारमा चयन भएका थिए । कतारबाट महासमिती सदस्यमा नरेन्द्र भाट, विमल सुवेदी र युवराज पाठक रहेका छन् ।जनसम्पर्क समिती कतारले कांग्रेसको १२ औं महाधिवेशनलाई ३ मिनेट सम्बोधन गर्ने अवसर पनि पाएको र समितिका सभापति नरेन्द्र भाटले सो सम्बोधन गरेको महामन्त्री विमल सुवेदीले बताए । काँग्रेसको महाधिवेशनमा बैदेशिक रोजगारीलाई मर्यादित र ब्यवस्थित बनाउनेवारे कांग्रेसजनको ध्यान आकर्षण गराएको र रिपोटर्स क्लवमा आयोजित एक साक्षात्कारमा पनि जनसम्पर्क समिती कतारले सोवारेमा आङ्खना धारणाहरू थप स्पष्ट पारेको महामन्त्री सुवेदीले बताए । बैदेशिक रोजगारीमा रहेका नेपालीकावारेमा समावेश गरिनुपर्ने एजेण्डाका सम्बन्धमा जनसम्पर्क समितिले यसअघि सार्वजनिक गरेको प्रतिवेदन काँग्रेस महाधिवेशनमा पनि प्रस्तुत गरिएको सुवेदीले बताएका छन् ।सो प्रतिवेदनमा कृषि–आश्रीत नेपालकोे अर्थव्यवस्थामा रेमिटेन्सले ३३ प्रतिशित ओगटेको चर्चा गर्दै पार्टीको अवको दस्तावेजमा समाजबादलाई कृषि अर्थतन्त्रमा मात्र व्याख्या नगरी, कृषि, बन्द व्यवासाय, वैदेशिक रोजगारी तथा प्रविधिको विकास विचको फयूजनबाट समाजवादलाई ब्याख्य गरिनुपर्ने सुझाव दिइएको छ । नेपाली काँग्रेसको दस्तावेजमा नै वैदेशिक रोजगारीलाई समेट्नुपर्ने माग सो प्रतिवेदनको मुख्य विषय रहेको यिो । वैदेशिक रोजगारीमा देखिएका समस्या र सो सम्बन्धमा पार्टिले लिनुपर्ने अवधारणवारे प्रतिवेदनमा विस्तृत चर्चा गरिएको थियो ।जनसम्पर्क समितिका महामन्त्री सुवेदीले कांग्रेसको नयाँ नेतृत्वले प्रवासमा रहेका नेपालीका आवाजलाई गम्भिरतापुर्वक लिने आशा ब्यक्त गरेका छन् । ‘७ जना महाधिवेसन प्रतिनिधि र ३ जना महासमिती सदस्यको अवसरसहित कांग्रेसले कतारमा रहेका कार्यकर्ता, समर्थक एवं शुभेच्छुकलाई उच्च प्राथमिकता दिएको छ’ सुवेदीले भने– ‘आशा छ, यहाँका सवै नेपालीका तर्फबाट हामीले राखेका आवाजहरूमा पनि कांग्रेसले अवश्य उचित ध्यान दिनेछ ।’ महाधिवेशनले पार्टीमा नयाँ रक्तसञ्चार गरेको र युवा जगतलाई अगाडि बढ्न प्रेरणा दिएको उनले बताए । जनसम्पर्क समितिमा ५ सयभन्दा बढि क्रियाशिल सदस्यहरू आवद्व रहेको बताइन्छ ।

ताम्सालिङ नेपाल राष्ट्रिय दलद्धारा भोलेन्टियर्स अफ ताम्सालिङ नेपाल गठन

2010-10-02T22:35:00.000-07:00

तामाङ बाहुल्य रहेको क्षेत्रलाई ताम्सिलिङ स्वायत्त प्रदेशको माग गर्दै आएको ताम्सालिङ राष्ट्रिय दलले पन्ध्र वटा जिल्लाका तामाङ युवालाई युद्ध कौशल तालिम दिइरहेको छ । राष्ट्रिय स्वाधिनता, जातिय, लैंगिक, क्षेत्रिय, वर्गीय मुक्तिको लागि आन्दोलन गर्न दस्ताले बताएको छ । सैनिक पोशाक सहित सार्वजनिक गरिएको दस्ताले शोषित पीडित जनताको सुरक्षा गर्दै संगठन विस्तारको काममा गर्ने अध्यक्ष परशुराम तामाङले दावी गरे ।
राज्य पुनःस्थापना समितिले तामाङको बसोबास रहेको क्षेत्रलाई टुक्रयाएर नारायणी, सुनकोशी, शेर्पा लगायतका प्रदेशमा विभाजन गरिएकोप्रति असहमति जनाउँदै संविधानसभामा दवाव दिन भोलेन्टियर्सले शान्तिपुर्ण आन्दोलन गर्ने समेत तामाङले बताए। तालिममा धादिङ, नुवाकोट, रसुवा, मकवानपुर, काभे्, सिन्धुपाल्चोक लगायत पन्ध्र जिल्लाका एकसय युवा सहभागी छन् ।

ग्लोबल पिस फेस्टिबल उद्घाटनः

2010-10-02T22:24:00.000-07:00

प्रधानमन्त्री माधवकुमार नेपालले श्रमको सम्मान र शोषणको मुक्तिबाट मात्र समाजमा स्थायी शान्ति कायम हुनसक्ने बताउनुभएको छ ।ग्लोबल पिस एसोसिएसनद्वारा शुक्रबार आयोजित 'ग्लोबल पिस फेस्टिबल साउथ एसिया २०१०' समारोहको उद्घाटन गर्दै प्रधानमन्त्री नेपालले आदिमकालदेखि हाम्रा पूर्वजले आत्मिक र वैयक्तिक शान्तिको खोजी गर्दै अहिलेको अवस्थामा आइपुगेको हो भन्नुभयो ।

काँग्रेसले उम्मेदवारी फिर्ता लिनु हुँदैन -मैनाली

2010-10-02T22:21:00.000-07:00

नेकपा -माले) का महासचिव सीपी मैनालीले शान्ति, संविधान र सुशासनका लागि राष्ट्रिय सहमतिसहितको साझा कार्यक्रम नबनेसम्म नेपाली काँग्रेसले प्रधानमन्त्रीको उम्मेदवारी फिर्ता गर्न नहुने बताउनुभएको छ ।
नेकपा -माले) जिल्ला कमिटी झापाले बिर्तामोडमा शनिबार आयोजना गरेको पत्रकार सम्मेलनमा बोल्दै उहाँले काँग्रेसले हतारमा प्रधानमन्त्रीको उम्मेदवारी फिर्ता लिने गल्ती गरे राष्ट्र अर्को दुर्घटनामा फस्ने दाबीसमेत गर्नुभयो ।
उहाँले एमाले र एमाओवादीले काँग्रेसलाई प्रधानमन्त्रीको दाबी फिर्ता लिन दबाब दिएर शङ्कास्पद राजनीति गरिरहेको टिप्पणी गर्नुभयो ।
असोज १ गते एमाओवादी र एमालेले गरेको तीनबुँदे सहमतिले मालेलाई समेत सशङ्कित बनाएको छ, उहाँले भन्नुभयो- जेठ १४ गते भएको सहमति कार्यान्वयन गर्न ठूला तीन दल असफल भएको बेला एमाले र एमाओवादीले अर्को सहमति गरेर गल्ती गरेका छन् ।
महासचिव मैनालीले एमाओवादीको वाम भ्रान्तिकारी दृष्टिकोणका कारण राष्ट्र अनिर्णयको बन्दी बनेको दाबी गर्दै विगतमा सात दल, अनमिन र सरकारसँग भएको सहमति र समझदारी कार्यान्वयन गर्न एमाओवादी तयार भए देशले निकास पाउने ठोकुवा गर्नुभयो ।
एमाओवादीको सरकार राष्ट्रले अस्वीकार गरेको बताउँदै उहाँले एमाले अध्यक्ष झलनाथ खनालले माओवादी अध्यक्ष प्रचण्डको एजेन्डामा हिँड्दा राष्ट्र सङ्कटमा फस्दै गएको समेत बताउनुभयो ।

हङकङभित्रै हराए माओवादी अध्यक्ष प्रचण्ड

2010-01-07T21:52:00.000-08:00

पार्टीका वरिष्ठ नेताहरुलाई समेत जानकारी नदिई बुधवार मध्यराती अचानक हङकङ प्रस्थान गरेका माओवादी अध्यक्ष प्रचण्ड एकाएक हङकङ भित्रै हराएका छन् ।नेपाली जनसरोकार समाज हङकङद्धारा आयोजित एक औपचारिक कार्यक्रमलाई सम्बोधन गरेपछि आफ्ना सहयोगीहरुलाई समेत छाडेर अध्यक्ष प्रचण्ड अचानक अज्ञात स्थलतर्फ हानीएको जनपुकारका प्रतिनिधले जनाएका छन् । एक स्रोतका अनुसार अध्यक्ष प्रचण्ड चीनिँया नेताहरुसँगको गोप्य भेटवार्ताको लागि अज्ञात स्थलतर्फ लागेका हुन् । दाहाल पार्टीको एक विशेष कार्यक्रमलाई समेत छोडेर अज्ञात स्थलतर्फ गएपछि कार्यक्रम नै रद्द गरीएको छ । अचानक हङकङ हानिएका प्रचण्डको भ्रमणलाई नेपाली राजनीतिमा अर्थपूर्ण रुपमा हेरीएको अवस्थामा प्रचण्ड अज्ञात स्थलतर्फ हानिनुलाई झन शंका गरिएको छ । दाहाल विदेश विभाग प्रमुख कृष्णबहादुर महराका साथ बिहीबार बिहान ड्रागन एयरको उडानबाट ६ बजरे ४० मिनेटमा पुगेका थिए । दाहाललाई हङकङ अन्तर्राष्ट्रिय विमानस्थलबाट यहाँस्थित महाबाणिज्यदूतावासको गाडीले चिम सा चोयस्थित होटल होलिडे इनमा छाडेको थियो । सभालाई सम्बोधन गर्दै दाहालले इतिहास र जनयुद्धकालका पुराने कुरामा भाषण टुंग्याए । 'हङकङलाई माओवादी पार्टीको अन्तर्राष्ट्रिय विभाग अन्तर्गत पुर्वी एसियाको केन्द्र बनाउन चाहेको अध्यक्ष प्रचण्डले बताए । यसैबीच प्रधानमन्त्री माधवकुमार नेपालले एकीकृत माओवादीको अराजक व्यवहार नसुधारे उ आफैँ समाप्‍त हुने चेतावनी दिनुभएको छ। चितवनको सौराहास्थित साप्ताहिक पाक्षिक पत्रिका सञ्जालको केन्द्रीय भेला उदघाटन गर्न आज बिहिबार मध्यान्ह चितवन पुग्नु भएका प्रधानमन्त्री नेपालले भरतपुरमा सञ्चारकर्मीहरुसँग कुराकानी गर्दै माओवादीको व्यवहारमा कुनै सुधार नआएको बताउनुभयो । उहाँले माओवादीको व्यवहारमा सुधार नआएकै कारण मुलुकमा संकट गहिरिएको दावी समेत गर्नुभयो । उहाँले राजनीतिक गतिरोध अन्त्यका लागि उच्चस्तरीय राजनीतिक संयन्त्र निर्माण हुन लागेको बताउँदै त्यसमा सामेल नेता र दलले पालना गर्नुपर्ने आचारसंहिता आवश्यक रहेको बताउनुभयो । उहाँले माओवादी सेना समायोजन हुनुपर्ने जोड दिंदै भन्नुभयो- जुनसुकै हालतमा पनि माओवादी सेना समायोजन गरी शिविरहरु खाली गरिनेछ ।

मल्म प्रवासी युवा सेवा समाज, दोहा-कतारको योगदान

2010-01-07T21:47:00.001-08:00

दोहा कतार/ झापाली :- देश छाडेर प्रदेशिएका बागलुङ जिल्ला मल्म गा. बि. स. का स्थानिय युवाहरुले रोजगारिको क्रममा कतार आई २००६ मा "मल्म प्रबासी युवा सेवा समाज, दोहा-कतार" नामक एक सामाजिक सस्थाको स्थापना गरेकाछन । परिवारलाई सुखका साथ राख्ने,मिठो सपना बोकेर मुगलान तिर पलायन भएका मल्म गा. बि. स. का युवाहरु, परिवारमा मात्र निहित रहेनन् । उनिहरुले कडा परिश्रमको बाबजुत पाउने पारीश्रामिक मध्ये केही रकम छुट्याएर मल्म गा. बि. स. का बिभिन्न शैक्षिक सस्था, खेलकुद तथा असाहय पीडितलाई समेत आर्थिक सहयोग गर्दै आईरहेकाछन । उक्त सामाजिक सस्था "मल्म प्रबासी युवा सेवा समाज, दोह-कतार"मा रहेर महत्वपूर्ण भूमिका निर्बाह गर्नु हुने समितिहरु :-अध्यक्ष :- श्री थम्मन बस्नेत उपाध्यक्ष :- श्री पदम बहादुर थापा सचिब :- श्री राजेन्द्र थापा सह- सचिब :- कृष्ण बहादुर थापा कोसाध्यक्ष :- दुर्गा बहादुर बि. क. सद्स्यहरु :- बम बहादुर थापा, टक बहादुर थापा, खिम बहादुर बि.क., भिम बहादुर खड्का, प्रकाश बस्नेत, मिठु खड्का र हर्क बहादुर साहानी साथै यस सस्थालाई कसरी र कुन रुपले यसको क्रमिक बिकास गराउने भन्ने तर्फ बिशेष सल्लाहकारमा रहनु हुने बिष्णु भण्डारी र छबिलाल खत्रीको पनि उत्तिकै महत्त्वपूर्ण भूमिका रहेको सस्थाका सचिब राजेन्द्र थापाले बताउनु भयो ।
यस "मल्म प्रबासी युवा सेवा समाज,दोहा-कतार"ले, बागलुङ जिल्लामा स्थापित "घुम्टे युवा परिवार मल्म" बागलुङ्गेको यही फागु पुर्णिमाको अबसरमा २०६६/ ११ / १३ गते देखी १६ गते सम्म आयोजना हुन लागेको २५ औ रजत जयन्तिको कार्यक्रमहरु मध्ये," खुल्ला भलिबल प्रतियोगिताको प्रथम पुरस्कार स्वरुप नगद रु. १५,०००/- यस "मल्म प्रबासी युवा सेवा समाज,दोहा-कतार"का उपाध्यक्ष श्री पदम बहादुर थापा र कोसाध्यक्ष श्री दुर्गा बहादुर बि. क. को हातबाट बिजेता टिमलाई पुरस्कार प्रदान गर्न कतारबाट नेपाल जादै हुनु हुन्छ ।
यस अघी पनि धवलागिरी अञ्चल, बागलुङ जिल्ला, मल्म गा. बि. स. अन्तर्गत श्री जनहित माध्यमिक बिधालय मल्म गल्कोट, बगलुङका लागि, यस " मल्म प्रबासी युवा सेवा समाज, दोहा-कतार"ले सहयोग स्वरुप नगद रु. १५,००० हस्तान्तरण गरेको कुरा समाजका सचिब राजेन्द्र थापाले अबगत गराउनु भएको थियो ।

आशफोर्ड लन्डनमा नेपाली बालबच्चाहरुले सृजनाद्वारा नववर्ष २०१० लाई स्वागत गरे

2010-01-06T19:35:00.000-08:00

आशफोर्ड लन्डनमा नेपाली बालबच्चाहरुले सृजनाद्वारा नववर्ष २०१० लाई स्वागत गरे
आशफोर्ड लन्डनमा डिसेम्बर ३१, २००९ का दिन दशजना नेपाली बालबच्चाहरुले कथालेखनसम्बन्धी कार्याशाला गोष्ठीमा भाग लिएर नववर्ष २०१०-शुभागमनको उत्सव मनाए । सबै बालबालिकाहरुले एकएकवटा कथा लेखी वाचनसमेत गरेका थिए । श्री रामकुमार श्रेष्ठद्वारा संयोजित यस कार्यशाला गोष्ठीमा डा. कविताराम श्रेष्ठले कथालेखन विधिबारे प्रशिक्षण दिनुभएको थियो र वालवालिकाहरुका संरक्षकहरु समेतले पर्यवेक्षण गरेका थिए ।

संघिय लिम्बुवान राज्य परिषदको हङ्गकङ्ग प्रवास कार्य समीति गठन

2010-01-05T11:20:00.000-08:00

हङ्कङ्, अव वन्ने नेपालको संघिय स्वायत्त राज्यहरुमा लिम्बुवान पनि एउटा विशिष्ट स्वायत्त राज्य हुनु पर्ने र त्यसको भौगोलिक सिमाना ऐतिहासिक दस्तावेज तथा प्रमाणहरुको आधारमा नेपालको संखुवा खोला - अरुण - सप्तकोशी नदीपूर्वको नौंवटा जिल्लाहरु हुनु पर्छ भन्ने दृढ संकल्पका साथ संघिय लोकतान्त्रिक राष्ट्रिय मञ्च सम्वद्ध संघिय लिम्बुवान राज्य परिषदको हङ्गकङ्ग प्रवास कार्य समीति गठन भएको छ । ३ जनुवरी २०१० का दिन याउमातेइ, काउलून स्थित हङ्गकङ्ग वर्कस युनियनको सभा कक्षमा एक कार्यक्रम गरी गठन गरिएको हो । सो कार्यक्रममा श्री नवराज काम्वाङ्ग लिम्बुलाई निर्विरोध अध्यक्षमा चयन गरिएको छ । त्यस्तै उपाध्यक्षमा श्री विष्णु इङ्नाम, सचिवमा श्री श्याम.इङ्नाम, अर्थ सचिवमा श्री एच वाइ थाम्सुहाङ्ग, सदस्यहरुमा क्रमश हेम लावती, गज वहादुर काम्वाङ्ग, मन प्रसाद आङ्देम्वे, कुल वहादुर मादेम्वा, लाल वहादुर लिम्बु, वम वहादुर काम्वाङ्ग, प्रेम वेघा, श्री प्रसाद योङ्गहाङ्ग र डम्बर कुमार काम्बाङ्ग चुनिएका छन् । सो गठन पश्चात संघिय लिम्बुवान राज्य परिषदको भात्रृ संगठन संघिय लिम्बुवान गोर्खा भु.पु सैनिक तथा सिंगापुर प्रहरी परिषद गठनको लागि मन प्रसाद आङ्देम्वेलाई प्रमूख तथा संयोजकको जिम्वेवारी तोकिएको छ । सलिराप हङ्गकङ्ग प्रवास कार्य समीतिले निकट भविश्यमा नै सल्लाहकार समीति र हङ्गकङ्गको विभिन्न क्षेत्रमा इलाका कार्य समीतिहरु गठनको लागि पहल गर्ने वुभिएको छ । संघिय लिम्बुवान राज्य परिषद नेपालको हङ्गकङ्गमा कार्य समीति ढिलै गठन भए पनि अन्य देशहरु वेलायत, मल्लेशिया, गल्फ कन्ट्रीहरु र अन्य देशहरुमा पहिले नै गठन भइसकेको समाचार छ ।

माओवादीको चौथो चरणको आन्दोलनका कार्यक्रमको पूर्ण विवरण

2010-01-05T11:00:00.000-08:00

एकीकृत नेपाल कम्युनिष्ट पार्टी माओवादी
केन्द्रीय समिित
प्रेस विज्ञप्ति
एकीकृत नेपाल कम्युनिस्ट पार्टी (माओवादी) को केन्द्रीय समितिको आकस्मिक बैठकद्वारा पारित चौथो चरणको सङ्घर्षको कार्यक्रम-· बुकटलेट, पर्चा वितरण, पोष्टरिङ्ग, भित्तै लेखन, अन्तरक्रियासमेत पौष १०-२५ गतेसम्म· अन्तरक्रिया कार्यक्रम: पौष २१-२६· काठमाडौं - २३ गते -क. प्रचण्ड· पोखरा - २४ गते - क. देव गुरूङ· विराटनगर - २५ गते क. बाबुराम भट्टराई· धनगढी - २५ गते - क. लीलामणि पोख्रेल · जनकपुर - २५ गते - क. सीपी गजुरेल· नेपालगञ्ज - २६ गते - क. नारायणकाजी श्रेष्ठ 'प्रकाश'· बुटवल - २६ गते रामबहादुर थापा 'बादल'पौष ३० गते १९५० लगायतका असमान सन्धी सम्झौताहरू देशव्यापी रूपमा जलाउनेपौष २५ - माघ १० अभियानात्मक कार्याक्रमहरू - जस्तै: प्रचार सामग्री वितरण, भित्तेलेखन, सांस्कृतिक कार्यक्रम, साहित्यिक कार्यक्रम, र्याली, मार्च, पत्रकार सम्मेलन, सीमा प्रभावित क्षेत्र अवलोकन, सभा, कोणसभा आदि । संयुक्त सभा माघ ५-१० · माघ ५ गते कोचिलांमिथिला - क. नारायणकाजी श्रेष्ठ 'प्रकाश'· माघ ६ गते लिम्बुवानंकिरातंशेर्पा - क. सीपी गजुरेल· माघ ७ गते भोजपुरांनारायणींअवध- क।रामबहादुर थापा 'बादल'· माघ ७ गते थारुवानंसेती-महाकालींभेरी-कणर्ालींभोटे लामा - क. पोष्टबहादुर बोगटी 'दिवाकार'· माघ ७ गते तमुवानं मगरात - क.बाबुराम भट्टराई· माघ १० गते नेवां ताम्सालिङ - क. प्रचण्डपौष २७ गते अतिक्रमित सीमा क्षेत्र भ्रमण तथा सभा· महाकाली - क. प्रचण्ड· पशुपतिनगर - क. किरण· सुस्ता - क. बाबुराम भट्टराई· लक्ष्मणपुर बाँध - क. नारायणकाजी श्रेष्ठ 'प्रकाश'· खुर्दलोटन बाँध - क. रामबहादुर थापा 'बादल'पौष २१ देखि माघ १० सम्म देशव्यापी राष्ट्रघाती, दलाल, अपराधी तथा भ्रष्ट तत्वहरूको भण्डाफोर कार्यक्रममाघ ५ गते भारतीय दुतावास र सिंहदरबार अगाडि विरोध प्रदर्शन नाराहरू पार्टीको मूल कार्यनीतिलाई केन्द्रमा राख्दै तत्कालीन कार्यनीतिक शृङ्खला यसप्रकार रहने छ:राष्ट्रिय स्वाधीनता, नागरिक सर्वोच्चता, शान्ति, नयाँ संविधान र राष्ट्रिय संयुक्त सरकार । त्यसका आधारमा निम्न नाराहरू निश्चित गरिएका छन्:मूल नाराहरू:सम्पूर्ण देशभक्त तथा गणतन्त्रवादी शक्तिहरू एकजुट होऔं !
राष्ट्रिय स्वाधीनताको रक्षा गरौं !!
अन्य नाराहरू:राष्ट्रपतिको असंवैधानिक कदम खारेज गर !!नागरिक सर्वोच्चता कायम गर !प्रतिक्रान्तिकारी षडयन्त्रलाई बन्द गर !!
शान्ति र नयाँ संविधान निर्माण सुनिश्चित गर !
सम्पूर्ण वामपन्थी, देशभक्त तथा गणतन्त्रवादी शक्तिहरू एकजुट होऔ !!
प्रतिक्रान्तिको षडयन्त्रलाई असफल पारौं !
सम्पूर्ण वामपन्थी, देशभक्त तथा गणतन्त्रवादी शक्तिहरूको संयुक्त मोर्चा निर्माण गरौं !!
राष्ट्रिय स्वाधीनताको रक्षा गरौं, नागरिक सर्वोच्चता कायम गरौं, शान्ति र अग्रगामी नयाँ संविधान सुनिश्चित गरौं !
जनताको संघीय गणतन्त्र- जिन्दावाद !!
सन् १९५० को सन्धिलगायत सम्पूर्ण असमान सन्धि, सम्झौताहरू खारेज गर !
सीमा अतिक्रमण बन्द गर, अतिक्रमित भूभाग फिर्ता गर !!
भारतीय सेना- नेपाली भूमि छोड !
भारतीय विस्तारवाद- मुर्दावाद !!
स्वायत्त गणराज्यहरू एक होऔं !
आन्तरिक राष्ट्रिय एकता सुदृढ पारौं !!
राष्ट्रिय स्वाधीनताको रक्षा गरौं !
राष्ट्रघाती, दलाल, भ्रष्ट तथा अपराधी तत्त्वहरूको भण्डाफोर गरौं !!
बढ्दो महँगी नियन्त्रण गर !
भ्रष्टाचारीहरूलाई कार्वाही गर !!

जापानको सुन्द नगरी टोयोटा शिमा भब्यताका साथमा प्रिती भोज सम्पन्न

2010-01-05T10:49:00.000-08:00

जापानको आइचिकेन स्थित सुन्दर नगरी टोयोटा शीको आर्केदिया भवनमा यही गत आइतबार एक भब्य कार्यक्रमका बीच खोटाङ निबासी श्री भुवन राइ र सतिस्धन ७ झापाकी सुश्री रितु लिम्बु (नेयोङ्हाङ )को प्रिती भोज सम्पन्न भएको छ बुवा काशी राइ र आमा लक्ष्मी राइको कोखबाट पुर्बी पहाडी जिल्लामा जन्मनु भई काठमाडौं मा स्थाइ बसोबाश गर्दै आउनु भएका राइ हाल
जापानको चिबा युनिभरसिटी मा हर्तिकल्कर बिशयमा बिद्याबारिधी गर्दै हुनुहुन्छ भने ,बुवा दिल बहादुर लिम्बु (नेयोङ्हाङ )र आमा धन माया लिम्बु (नेयोङ्हाङ )को कोख बाट सतिसधन ७ झापामा जन्मनु भई ललितपुर सातदोबाटो स्थाइ बसोबास गर्दै आउनु भएका सुश्री रितु लिम्बु दुई दाजु हरुका साथ हाल आइचिकेन को निशिओ सहरमा कार्यरत हुनुहुन्छ वहाँहरुको नव दाम्पत्य जीवनको पूर्ण सफलता र उत्तोतर प्रगतीको कामना बिभिन्न गर्न अर्केदिया को खचाखच हलमा शेर्पा संघ जापानका पासाङ सेर्पा ,तमुधिका डमर बहादुर गुरुङ ,थकाली सेवा समितिका सन्देश सेरचन ,सुर्य लिम्बु ,मगर सेवा समितीका ज्ञान पुन मगर ,आदिबासी जनजाती महासंघ का सुर्य तमाङ ज्युले पनि नव दाम्पत्य जीवनको पूर्ण सफलता अनी उत्तोतरप्रगतीको हार्दिक कामना ब्यक्त गर्नु भएको थियो भने राज थापा मगर ज्युले लिम्बु धर्म ,सास्क्रिती र परम्परा अन्तर्गतको मुधुम ,धननाच र फेदामाको बारेमा प्रकाश पार्नु भएको थियो बेहुला भुवन राइ ज्युको टोस्त तथा खाम्पाइ संगै जलपान तथा सास्क्रिति कार्यक्रममा प्रबेश गरेको उक्त प्रिती भोज सौहाद्रपुर्ण बाताबरणमा साझको ९ बजे सम्म चलेको थियो
-- तारा राना मगरनागोया जापान ।

तीन दलका नेता भए एकै ठाउँमा

2010-01-05T07:54:00.001-08:00

राजनैतिक गतिरोध बढ्दै जाँदा प्रमुख तीन दलका शीर्ष नेताहरु एकै स्थानमा भेला भएका छन् ।
लामो समयपछिको संबाद हिनतालाई तोड्दै तीन दलका नेताहरु एकै ठाउँमा भेला भएका हुन् ।
राजनीतिक गतिरोध अन्त्यको उपाय खोज्न प्रमुख तीन दलका शीर्ष नेताहरुको बैठक सुरु भएको हो ।होटल अन्नपूर्णमा तीन दलका शीर्ष नेताहरुको बैठकमा प्रधानमन्त्री माधवकुमार नेपालसहित तीन ठूला दलका शीर्ष नेताहरुको सहभागिता रहेको थियो । बैठकमा माओवादी अध्यक्ष पुष्पकमल दाहाल, उपाध्यक्ष बाबुराम भट्टराई र नेता देव गुरुङ, कांग्रेस संसदीय दलका नेता रामचन्द्र पौडेल र कृष्णप्रसाद सिटौला तथा एमाले अध्यक्ष झलनाथ खनाल, गृहमन्त्री भीम रावल र नेता प्रदीप ज्ञवाली सहभागी रहेका थियो ।
बैठकमा वर्तमान गतिरोध अन्त्यलाई प्रमुख बिषय बनाईएको छ ।

वल्लो किरात स्वायत्त प्रदेशको माग

2010-01-04T20:31:00.000-08:00

विभिन्न समुदायले विभिन्न प्रदेशहरुको माग गरिरहेका बेला वल्लो किरात स्वायत्त प्रदेशको समेत माग गर्न थालिएको छ ।
पुर्वमा दुधकोसी, दक्षिणमा भोटेकोसी, उत्तरमा हिमालसम्मको पुर्वमा दुधकोसी, दक्षिणमा भोटेकोसी, उत्तरमा हिमालसम्मको भुभागलाई वल्लो किरात स्वायत्त प्रदेश बनाउन माग गर्दै सभासद दालकुमारी सुनुवारको नेत्रित्वमा जाने टोलीले आज सभामुख सुवासचन्द्र नेम्बाङलाई ज्ञापनपत्र बुझाउदै छन् । सभामुखको कार्यकक्ष सिंहदरबारमा विहान साढे ११ बजे ज्ञापनपत्र बुझाउने सभासद सुनुवारले जानकारी दिनुभयो । वल्लो किरातमा रामेछाप, दोलखा ओखलढुङ्गा, सिन्धुली, उदयपुर लगायतका जिल्लाहरुलाई समावेश गर्न माग गरिएको छ ।

गजल

2010-01-04T09:45:00.000-08:00

- आशा गुरुङ, हाल इजरायल

जुनी जुनी भरिलाई माया तिमिसगैँ लाएँ

कहिले नछुटिने कसम तिमीसगैँ खाएँ

एक्लास जीवनमा तिमी बहार बनि आयौ

आँखाभरी नअट्ने सपना तिमीसगैँ पाएँ

मन्-मन्दिर , गाउँ शहर सवैतिर चहाँरे

केवल तिम्रै वरिपरी मेरा नयनहरु धाएँ

खै तिमीसँग के छ र जादु त्यस्तो प्रिय ?

हर खुशी तिमी नै,आखिरमा तिमीसगैँ आएँ

तिमीले मलाई आभास गर्यौ कि गरेनौ कुन्नि

आत्मादेखि म तिम्रो मनको बस्ति-बस्तिमा छाएँ

मुस्कानहरु त सधैं फुलिरहुन् गमला भरि

बाधा, पिडा सगैँ बाँड्न तिम्रो हात थमाएँ

कोरियामा एक प्रवासी नेपालीको दुःखद दुर्घटनामा गुरुङसा गुम्बा फेरी रोयो

2010-01-04T09:30:00.000-08:00

सुरज गुरुङ गणतन्त्र कोरिया स्याङ्गजा जिल्ला आरु खर्का गा.वि.स. वडा नं. १ गलेम गाउ हाल पोखरा बगाले टोल वडा नं. ८ का निवासी श्री प्रेम बहादुर गुरुङ र श्रीमती सन्त कुमारी गुरुङसेनीका कान्छा छोरा लगभग एक वर्षकी काखकी छोरी र खाउखाउ लाउलाउ भन्ने उमेरकी श्रीमतीलाई समेत छोडेर सुख समृद्धि कमाउन भनेर सन २००० मा यस द. कोरियामा प्रवेस गरेका स्व. स्याम गुरुङ विभिन्न ठाउमा काम गर्दै जाने क्रममा उनी बसेका ससान शहरको एक मोटेलको काउन्टरमा अचानक आगलागी हुदा सो आगलागीमा परी श्याम गुरुङको मृत्यू हुन पुगेको थियो। यस दुःखद दुर्घटनाले कोरियामा रहेका तमू परिवार लगायत नेपाली साथी भाईलाई मात्र दुःखित तुल्याएन गुरुङसा का प्रमुख लामा 'अ सान भान जङ्ग उ' लाई झन बढि दुःखित र चिन्तित भई त्येस दुर्घटनासंग सम्बन्धित कागजात क्षेतिपुर्ति सम्बन्धि कुराकानी र उनका बाबा, आमा, श्रीमति र मामाको आउने जाने खाने बस्ने व्यवस्था समेत गरेको जानकारीमा आएको छ। आज २०१० जनवरी २ का दिन मृतक श्यामको यस अन्तिम दाहा संस्कार कार्यक्रममा सम्मिलित हुनको निमित्त नेपालीहरुका लागि सउलको दोङ्गदेमुनबाट याङ्गसान सिटीको तोङ्गदोसा गुम्बाको घाट सम्म जाने आउने बसको व्यवस्थाको साथै भोजनको व्यवस्था समेत मिलाएको थियो। जस्को व्यवस्थापनको जिम्मा गुरुङसा गुम्बाका सचिव 'किम सान गिल' ले लिनुभएको थियो। सो दाहसंस्कार कार्यक्रममा नेपालीहरुकी आमा लि कुम हयुन, गुरुङसाका प्रमुख लामा 'अ सान भान जङ्ग उ', लगायत थुपै लामा लगायत भिक्षु, भिक्षुणीगणको उपस्थिति थियो भने नेपाली संघसस्थाबाट तमू धीं का अध्यक्ष रामकाजी गुरुङ, नेपाल आदिवासी जनजाति महासंघका अध्यक्ष चङ्ग कुमार गुरुङ, नेपाल संम्पर्क समितिका अध्यक्ष डेबिड राई, मगर संघका अध्यक्ष झक थापा, प्रगतिसिल मोर्चाका अध्यक्ष एल.वी.प्रधान र स्याङ्गजा परिवारका अध्यक्ष इश्वर गुरुङ पनि उपस्थित हुनुहुन्थ्यो। लामाहरुलाई मात्र दाहसंस्कार गरिने (फाबिजल–एब्द्यक्ष्व्ग्ल्न्) त्यस विशिष्ट घाट (फाबिजल–एब्द्यक्ष्व्ग्ल्न्) मा मृतक श्यामको शवलाई अन्तिम विदाई भाबपूर्ण श्रदाञ्जलीका साथ गरिएको थियो भने उन्की भर्खरकी श्रीमतीको हृदय विदारक रोदन र आमा बाबाको रोदनले उपस्थित हुनुभएका सबै महिला तथा सज्जन बृन्दको गह रसिएको थियो।
अझै बढि दुःखको कुरा त के बित्न गयो भने मृतककी दिदी श्रीमती तारा गुरुङको पनि लगभग १५ वर्ष अगाडि यही कोरियामा मृत्यू हुन गएको थियो र स्व. ताराको पनि दाहसंस्कार कार्यक्रमको सम्पूर्ण व्यवस्था पनि यहि गुरुङ्गसा गुम्बालेनै गरेको थियो। स्व. श्यामको दुर्घटना स्थलदेखि अस्पतालसम्मको सोधपुच्छ र मृतकको परिवार र गुरुङ्गसा बीच संम्पर्क गराउने र सहयोग गर्ने काम तमू धीं द. कोरियाका प्रतिनिधि तथा स्वयंभू रेष्टुरेण्का मालिक बुद्धि गुरुङले गर्नु भएको थियो। तर विडम्बना यस द. कोरियाका समस्त नेपालीहरुका निमित्त दुःख–आपतमा साथ दिने भनेर स्थापना भएको दुतावासबाट भने एकजना प्रतिनिधि पनि उपस्थित थिएन। रोएन।

जापानमा तमु तो-ल्होसार महोत्सव भव्य रुपमा सम्पन्न

2010-01-04T09:27:00.000-08:00

ओम गुरुङ,

नेपालबाट आमन्त्रित अतिथि कलाकार राजु गुरुङको प्रमुख आकर्षण र स्थानिय कलाकर्मीहरुको विविध साँगीतिक प्रस्तुतीहरुकाबिच सोमबार टोकियोमा अति नै धुमधामकासाथ ल्होसार मनाइयो । तमू धीं जापानका अध्यक्ष दिनेश गुरुङको सभापतित्व र नेपाली आदिबासी जनजाती महासंघ जापानका अध्यक्ष ओम गुरुङको प्रमुख आतिथ्यतामा भएको ल्होसार कार्यक्रममा उपाध्यक्ष हर्क गुरुङको स्वागत भाषण रहेको थियो । गुरुङ भाषामा निर्मित थूप्रै चलचित्रका नायक, दोहोरी तथा लोक गायक अतिथि कलाकार राजुद्वारा तमू भाषाको राष्ट्रिय गीतबाट शुरुभएको सो ल्होसार कार्यक्रममा मीना, अमर तमु, पुष्प गुरुङ, अम्बर गुरुङ लगायतका स्थानिय कलाकारहरुको पनि साँगीतिक प्रस्तुती रहेको थियो । अतिथि कलाकार राजुले दरुन्ग सुरुबारी, सालैजो (कौडा) सालैजो (सोरठी), झोडा र बुट्टेचोली जस्ता तमुहरुको सस्क्रिति झल्काउने अत्यन्त परम्परगत लोकप्रिय गीतहरु गाएर दर्शकहरुलाई भरपुर मनोरञ्जन प्रदान गराई सबैलाई नचाएका थिए भने दर्सकहरु पनि अतिनै रोमान्चित भै मन्च मै उक्लिएर खादा लगाई दिई अतिनै सम्मान हर्दिक्ता दर्साएका थिए ! कार्यक्रममा अतिथि कलाकार राजु गुरुङलाई धींका अध्यक्ष दिनेश गुरुङले फूलको गूच्छाले हार्दिक स्वागत गरेका थिए । टोकियो सिन्जुकुस्थित युनिभर्सल स्टुडियोमा भएको सो कार्यक्रमको प्रमुख अतिथि ओम गुरुङले उदघाटन गरि शुभ कामना मन्तब्य दिनु भएको थियो । NRNA ICC का प्रबक्ता डा. कुमार बस्नेत लगाएत बिभिन्न सन्घ सस्थाका प्रतिनिघि ज्यु हरुले शुभकामना मन्तब्य प्रकट गर्नु भएको थियो ! पहिलो चरणको औपचारिक कार्यक्रम धींका महासचिव रामबहादुर गुरुङ र साँगीतिक कार्यक्रम कुमार गुरुङले सञ्चालन गरेका थिए । कार्यक्रममा हाल जापानमै रहेका वरिष्ठ कलाकारहरु कोमल ओली, प्रजापति पराजुली, कृष्णभक्त महर्जनको पनि साँगीतिक प्रस्तुती रहेको थियो यसैगरी कार्यक्रममा सोही दिनको पूर्वान्हमा भएको साधारण सभाकोसर्बसम्मतिबाट गठित नयाँ कार्यसमितिको घोषणा समेत गरिएको थियो । जसअनुसार अध्यक्षमा याम गुरुङ, उपाध्यक्षद्वयमा हर्क गुरुङ र भीम गुरुङ, महासचिवमा राम गुरुङ, सचिव कुमार गुरुङ, कोषाध्यक्ष खड्गसिंह गुरुङ, सहकोषाध्यक्ष प्रकाश गुरुङ, साँस्कृतिक बिभाग संयोजक जीतमान गरुङ रहनुभएको छ । यसैगरी सदस्यहरुमा क्रमशः पदम गुरुङ, पदमबहादुर गुरुङ, सुरज गुरुङ, बिष्णु गुरुङ, ताइकाजी गुरुङ, अनिला गुरुङ, बुद्ध गुरुङ, टेकमान गुरुङ, शान्ति गुरुङ, हिमानी गुरुङ, कर्ण गुरुङ, युक्तमान गुरुङ, बिजय गुरुङ, श्री गुरुङ, तारा गुरुङ, कुश गुरुङ, हेमा गुरुङ र अम्बर गुरुङ रहनुभएको छ । यसैगरी सल्लाहकारहरुमा चेनबहादुर गुरुङ, ओम गुरुङ, ओमप्रकाश गुरुङ, दिनेश गुरुङ, इश्वर गुरुङ, नन्दराज गुरुङ र गणेश गुरुङ रहनुभएको छ । कार्यक्रममा जापानमा रहेका बिभिन्न संघसंस्थाका प्रतिनिधि लगायत उत्साहजनक जापानबासी नेपालीहरुको सहभागिता रहेको थियो । *

बैसाखी टेक्दै एल्बम बेच्दै

2010-01-03T11:15:00.000-08:00

मोहन भट्टराई, विराटनगर/ नवगायिका समला हुमु्रङ राई अचेल झोलाभरि ए माया सरर एल्बम बोकी दुई बैसाखीको सहारामा विराटनगर आसपासका पसल धाइरहेको देखिन्छिन् । आफूले निकालेको पहिलो एल्बम बिक्री गर्नका लागि पूर्वी सहरका पसल तथा श्रोतामाझ पुगिरहेकी उनी शारीरिक रूपमा अशक्त भए पनि सांगभन्दा छुट्टै पहिचान बनाउने प्रयासमा छिन् । तीन महिनाको हुँदा आगोले पोलेर देब्रेखुट्टा गुमाएकी खोटाङ जाल्पाकी राई एउटा खुट्टा नभए पनि रत्तिभर विचलित नभएको बताउँछिन् । ०६२ मा एसएलसी पास गरेपछि लागेकी हुन् समला संगीतकर्ममा । 'एसएलसीपछि सांगीतिक यात्रा अगाडि बढाउने सोचले काठमाडौं पुगेँ,' गायनमै करिअर बनाउने ध्याउन्नले पढाइ बिट मारेको बताउँदै उनले भनिन्, 'सानैदेखि सफल गायिका र नायिकाका रूपमा स्थापित हुने सपना बुनेकी थिएँ ।' आँखाभरि सपना बोकेर काठमाडौं छिरेकी उनले तीन महिनाअघि पहिलो गीति एल्बम ए माया सरर श्रोतामाझ ल्याउन सफल भइन् । पहिलो एल्बमबाटै आफूले नसोचेको सफलता पाएको बताउँदै उनले भनिन्, 'पूर्वमा त यही एल्बमबाट चिनिएकी छु । सबैले सहयोग गरेका छन् ।' गायनमा अघि बढ्नका लागि घरपरिवार, संगीतकार शान्तिराम राई, इन्द्र पियजन राई, पुष्पा राई तथा श्रोताले निकै सहयोग गरे पनि राज्यले भने आफूजस्तो अशक्तलाई कुनै सहयोग नगरेकोमा भने उनको गुनासो छ । सरकार तथा विभिन्न निकायले अशक्तलाई विशेष रूपमा हेर्नुपर्ने बताउँदै अशक्तलाई संगीत सिक्न छुट्टै विद्यालयको व्यवस्था गरिनुपर्ने माग उनको छ । 'हामीलाई निःशुल्क शिक्षा दिनुपर्छ,' उनले भनिन्, 'यातायातमा पनि सुविधा दिनुपर्छ । हामीलाई उपेक्षाको दुष्टिले हेरिनु भएन ।' तीन कक्षा पढ्दा गीत गाएर पुरस्कृत भएपछि गायनमा लाग्ने हौसला मिलेको थियो उनलाई । त्यसपछिका थुप्रै प्रतियोगितामा समेत पुरस्कृत भइसकेकी छिन् उनी । रेडियो नेपालबाट भ्वाइस टेस्ट पास गरेकी उनी पोखरामा अलिमिया तारामा उत्कृष्ट पाँचौँ स्थानमा पुगी सम्मानित भएकी थिइन् । उनको ए माया सररमा युवाप्रेम कथामा आधारित गीत पूर्वेली लोकभाकाका गीत छन् । जसका कारण आफ्ना गीत युवावर्गमा चर्चित भएको उनी बताउँछिन् । एल्बमका गीतको भिडियो बनाउने तर्खरमा जुटे पनि आर्थिक अभावका कारण अड्किएको उनी बताउँछिन् । भिडियो भने निकाल्न नसक्ने बताइन् । म्युजिक भिडियो आएपछि आफ्ना गीत अझ चर्चित हुने दाबी उनको छ ।

कतारमा भब्यताका साथ तमू तो ल्होछार सम्पन्न

2010-01-03T10:24:00.000-08:00

बुधबल तमू/दोहा, जनवरी - १,
कतारवासी तमू -गुरुङ) हरुलेे तमूहरुको महान पर्व ल्होछार -नया" बर्ष यस बर्षो तो ल्होछार जनवरी १ तारिखका दिन दोहा सिटी प्लाजा होटलमा "तो ल्होछार मिलन समारोह २०६६" लाई "तान तमू घ्री तले, थेवा च्योंवा आविले, हृोसैं पे छ्या आपिले अर्थात सबै तमूहरु एक हौं, ठूलो सानो नभनौं, आप\mनो शास्त्र संस्कृति नछाडौं" भन्ने मूल नाराका साथ भब्य रुपले मनाए । कतारवासी तमुहरुको साझा संस्था तमू बौद्ध सेवा समिति कतारको आयोजनामा
सो कार्यक्रम सम्पन्न भएको हो ।
समितिका अध्यक्ष जगन तमूको अध्यक्षतामा सम्पन्न भएको सो कार्यक्रमको प्रमुख अतिथी नेपाली राजदुतावासका महामहिम राजदुत डा. र्सर्ूयनाथ मिश्र हुनुहुन्थ्यो । विशेष अतिथीमा नेपाल प्रवासी आदिवासी जनजाति महासंघ कतारका अध्यक्ष अमृत तमू र गैर आवासिय नेपाली संघ -एनआरएनए), अन्ताराष्ट्रिय समन्वय परिषद -आईसीसी) का उपाध्यक्ष सागर नेपाल हुनुहुन्थ्यो । हेमराज तमू र कल्पना तमूस्योले सञ्चालन गर्नु भएको उक्त कार्यक्रममा बिलबहादुर तमूको सहयोग रहेको थियो ।
ज्ञात अज्ञात सहिदहरुको सम्झनामा एक मिनट मौन धारणबाट सुरु गरिएको कार्यक्रममा राष्ट्रिय गीत प्रस्तुत गर्दै मातृभूमि प्रति सम्मान प्रकट गरिएको थियो । उक्त कार्यक्रमका अतिथीहरुमा एनआरएनए-आईसीसीका मध्य पर्ूव संयोजक बद्रिप्रसाद पाण्डे, सदस्यद्वय प्रज्ञान उदास र आशिष शेरचन, एनआरएनए-एनसीसीका अध्यक्ष नरेद्र भाट, महासचिव बिलबहादुर तमू, कोषाध्यक्ष पर्ूण्ाबहादुर के.सी., एनआरएनए-आईसीसीका पर्ूव सदस्य टी.बी. कार्की, उद्योग/व्यवसायी अमृत घले तमू, नेपाल पत्रकार महासंघ कतारका सभापति कुमार कार्की, प्रवासी नेपाली सर्म्पर्क मञ्चका सचिव रामहरी गैरे, नेपाली जनसर्म्पर्क समितिका महामन्त्री बिमल सुवेदी, नेपाली जनप्रगतिशील मञ्चका अध्यक्ष होमनाथ शर्मा, सेप\mटी अवेयरनेस सेन्टरका अध्यक्षर् इ. राधाकृष्ण देव, राजधानी अन्तर्रर्ााट्रय साप्ताहिकका कतार संयोजक दिपक पौडेल, कान्तीपुर प्रवास प्रकाशनका अरव व्यूरो सम्वाददाता दिनेश रेग्मी, किरात याक्थुङ्ग चुम्लुङका का.वा. अध्यक्ष ज्ञानेन्द्र सुब्बा, नेपाल प्रवासी मगर संघका का.वा अध्यक्ष प्रकाश आले मगर, थारु कल्याण कारीणी सभाका कोषाध्यक्ष सियाराम चौधरी, नेपाल प्रवासी दर्राई समाजका सल्लाहकार देवनारायण दर्राई, अर्न्तर्राष्ट्रिय कलाकार संघका अध्यक्ष डि.एन.मगर, बुद्धिजिवी दिलमान सिंह चन्द, आदि हुनुहुन्थ्यो ।
प्रमुख अतिथीले ब्यानर अनावरण गरेर कार्यक्रमको उद्घाटन गर्नु भएको थियो । साथै विशेष अतिथीद्वारा दिप प्रज्वलन गरि कार्यक्रमको शुभारम्भ गरिएको थियो । कार्यक्रममा उपस्थित अतिथी तथा सहभागिहरुलाई समितिका प्रथम उपाध्यक्ष लक्ष्मी कुमार तमूले स्वागत मन्तब्यद्वारा स्वागत गर्नु भएको थियो भने पश्चिमाञ्चल सर्म्पर्क सदस्य यम तमूले राष्ट्रिय पर्व तमू ल्होछार वारे प्रकाश पार्नु भएको थियो ।
विविध समस्याहरु र बाधा अवरोधका बाबजुद अन्तिम अवस्थामा मात्र कार्यक्रम हलको टुङ्गो लागेको भए तापनि करीब ४०० जना तमु तथा तमूस्योहरुको उक्त कार्यक्रममा उपस्थिती थियो । समितिको संरक्षकत्वमा स्थापित तमू सांस्कृतिक परिवारका कलाकारहरुले आकर्ष सांस्कृतिक कार्यक्रम प्रस्तुत गरेका थिए । राजन तमू, अरमान तमू, टौंमाया तमूस्यो, कल्पना तमूस्यो, अरुणा तमूस्यो, भीमप्रसाद तमू, सिर्जना लामा, र्सर्ूय तमू, बिमल तमू, टकप्रसाद तमू, तोकबहादुर तमू, हेमराज तमू, आशबहादुर तमू, दयाराम तमू, बिकास तमू, इन्दो लावर, आ"शु तमू, नरेन खड्का, आदि कलाकारहरुको सांस्कृतिक प्रस्तुतीले उपस्थित सहभागिहरुलाई ना"च्न बाध्य बनाएको थियो । विच विचमा कार्यक्रम संचालिका कल्पना तमूस्योले प्रस्तुत गर्नु भएको मुक्तक, गजल, गाउ" खाने कथाले वाहा वाहाको ताली बटुल्दै कार्यक्रमलाई थप मनोरन्जनात्मक बनाएको थियो । कलाकारहरुको प्रस्तुति कुनै पनि व्यवसायीक कलाकारहरुको भन्दा कम छैन भन्ने टिप्पणी दर्शक दिर्घर्ााट आएको थियो ।
सोही अवसरमा समितिका निर्देशक सल्लाहकार बुधबल तमूद्वारा समितिको गत डिसेम्बर १८ मा सम्पन्न छैटौं साधारण सभा तथा चौथो महाधिवेशबाट जगन तमूको अध्यक्षतामा निर्वाचित नया" कार्यसमिति र बिमल तमू र बुद्ध तमूको अध्यक्षतामा समितिको संरक्षकत्वमा स्थापित क्रमशः तमू सांस्कृतिक परिवार र तमू खेलकुद समितिको नया" निर्वाचित कार्य समितिलाई शपथ ग्रहण गर्राईएको थियो ।
कार्यक्रममा तमू समुदायमा पुर्‍याएको योगदानको कदर गर्दे समितिका सदस्यद्वय भेषबहादुर तमू र चेतु तमूलाई कदर पत्रद्वारा सम्मान गरिएको थियो । त्यस्तै तमू चेलीहरु टौमाया तमूस्यो र अरुणा तमूस्योलाई तमू ड्रेस उपहार प्रदान गरिएको थियो । तमू खेलकुद समितिका खेलाडीहरुलाई प्रशंसा पत्रका साथ उपहार प्रदान गरिएको थियो । तमू बौद्ध सेवा समिति, दोहा, कतार अङ्िकत ट्रयाकसुट उपहारको रुपमा खेलाडीहरुलाई प्रदान गरिएको थियो । खेलाडीहरुको उपहारको प्रायोजन उद्योग/यवसायी अमृत घले तमूले गर्नु भएको थियो ।
ल्होछार पर्व तमूहरुको नया" वर्षपनि भएकोले उक्त कार्यक्रममा अतिथिहरुले शुभकामना मन्तव्य समेत व्यक्त गर्नु भएको थियो । मन्तव्य व्यक्त गर्ने क्रममा प्रमुख अतिथि महामहिम राजदुत डा.र्सर्ुयनाथ मिश्रले कतारवासी तमूहरुले आप\mनो चार्डपर्वलाई प्रवासमा पनि विगतका वर्षरुदेखि मनाउदै आईरहेको पर्रि्रेक्षमा केहि वर्षेखि नेपाल सरकारले यसलाई राष्ट्रिय पर्वको मान्यता दिएकोले झनै यसको महत्व बढेको विचार व्यक्त गर्नु भयो । कतारमा अलपत्र परेका पिडितहरुको सहयोग गर्दै आएको यस समितिबाट आउने दिनमा पनि निरन्तर सहयोग पाउने अपेक्षा समेत व्यक्त गर्नु भयो । साथै भर्खर बनेको नया" कार्यसमितिका पदाधिकारीहरुलाई बधाई तथा सफलताको शुभकामना समेत व्यक्त गर्नु भएको थियो ।
कार्यक्रममा अतिथीहरुले तमू बौद्ध सेवा समिति कतारको खुलेरै प्रशंसा गरे । समितिले प्रवासमा पनि प्रतिभाहरु पहिचानको लागि एकल नृत्य प्रतियोगिता, खेल प्रेमीहरुको लागि खेलकुद मेला जस्ता उदाहरणीय र विविध सेवामुलक कार्यक्रमहरु सम्पन्न गरेकोमा धन्यवाद ज्ञापन गरे । नेपाली कला र संस्कृतिका धनि तमू समुदाय प्रवासमा रहेर पनि यसको संरक्षण र सर्म्बर्धनमा त्यतिकै दत्त चित्त भएर लागेकोमा वक्ताहरुले प्रशंसा गरेका थिए । यसरी मन्तव्य व्यक्त गर्नु हुने वक्ताहरुमा विशेष अतिथि द्वय अमृत तमू र सागर नेपाल साथै अतिथिहरुमा आशिष शेरचन, टि.बि.कार्की, रामहरि गैरे, बिमल सुवेदी, होमनाथ शर्मा, कुमार कार्की, सियाराम चौधरी, आदि हुनु हुन्थ्यो ।
कार्यक्रमका सभापति तथा समितिका अध्यक्ष जगन तमुले कार्यक्रममा उपस्थित अतिथीहरु, कार्यक्रम तथा समितिलाई सहयोग पुर्‍याउनु हुने समाजसेवीहरु, कलाकारहरु, स्वयंसेवकहरु एवं तमू दाजुभाई तथा दिदी बहिनीहरुलाई धन्यवाद दिनु भएको थियो । विशेषतः कार्यक्रम अवधिभर हामीसंगै रहेर यस पर्व र कार्यक्रमको गरिमालाई अझ उचो बनाई दिनु हुने महामहिम राजदुत डा.र्सर्ुयनाथ मिश्र, गाडिको व्यवस्था गरि दिनु हुने एनआरएनए-एनसीसी कतारका अध्यक्ष नरेन्द्र भाट र खेलाडीहरुको उपहार प्रयोजन गरि दिनु हुने उद्योग/व्यवसायी अमृत घले तमू प्रति कृतज्ञता व्यक्त गर्नु भयो । तो ल्होछारको उपलक्ष्यमा शुभकामना दिनु हुदैं सभापति जगन तमूले कार्यक्रमको समापन गर्नु भएको थियो । कार्यक्रमको अन्तमा स्योंकैको पनि व्यवस्था गरिएको थियो ।

आदिवासी/जनजाति बृहत मोर्चा, नेपालको नेपाल बन्द पूर्ण सफल

2010-01-02T22:43:00.000-08:00

डीबी आङ्बुङ

पुष १७, २०६६, नेवाः काठमाडौं /आदिवासी/जनजाति बृहत मोर्चा, नेपालले लोकतान्त्रिक गणतन्त्र, संघीयता, आत्मनिर्णयको अधिकार, जातीय स्वायत्तता र स्वशासन राजनीतिक अग्राधिकार, धर्मनिरपेक्षता, आदिवासी/जनजातिहरुको सामुहिक पहिचान, राज्यका सम्पूर्ण अङ्गहरुमा आदिवासी/जनजातिहरुको समानुपातिक प्रतिनिधित्व, र आदिवासी/जनजातिहरुका हक-अधिकारहरु भावी संविधानमा सुनिश्चित गराउनु पर्ने लगायतका मागहरु राखेर नेपाल सरकारसमक्ष ज्ञापन पत्र बुझाई संवाद धर्ना र चक्काजाम गर्दा पनि कुनै सुनुवाई नभएपछि पहिलो चरणको आन्दोलनको आखिरीमा पुष १७ गते प्रथम पटक गरेको नेपाल बन्द विभिन्न दवाब, धम्की, चुनौती र षडयन्त्रहरुका बावजुत पनि पूर्ण सफल भएको जनाएको छ ।
मोर्चाको उक्त शान्तिपूर्ण आन्दोलनमाथि पनि राज्यले प्रहरी हस्तक्षेप गरी ४० जनाभन्दा बढी आदिवासी/जनजाति बृहत मोर्चा, नेपालका नेता तथा कार्यकर्ताहरुलाई धरपकड गरी गिरफ्तार गरेकोमा सो कार्यको घोर निन्दा एवम् भत्स्रना गरेको छ । पक्राउ गरिएका सम्पूर्ण व्यक्तिहरुको विनाशर्त तुरुन्त रिहाई हुनपर्ने र रिहा नगरिएमा आदिवासी/जनजाति विरोधी सरकारविरुद्ध कडा कदम चाल्न बाध्य हुने जानकारीसमेत बन्दको समापन लगतै जारी गरिएको एक प्रेस विज्ञप्तिमा उल्लेख छ । मोर्चाले पुस १७ गते गरेको नेपाल बन्दको अघिल्लो दिन १६ गते साँझ शान्तिवाटिका रत्नपार्कमा हजारौं नेता तथा कार्यकर्ताहरु जम्मा भई बागबजार पुतलीसडक र प्रदर्शनीमार्गहुँदै भृकुटीमण्डप पुरानो बसपार्कमा पुगी कोणसभामा परिणत भएर समापन गरिएको थियो । सो राँके जुलुशको शुभाराम्भमा मोर्चाको तर्फबाट नेवाः देय दबूका अध्यक्ष नरेशकुमार ताम्राकारले सम्बोधन गर्नुभएको थियो भने अन्त्यमा संघीय लोकतान्त्रिक राष्ट्रिय मञ्च संघीय लिम्बुवान राज्य परिषदका महासचिव सूर्य माखिमले सम्बोधन गरी अन्त्य गर्नुभएको थियो । यसैगरी, राँके जुलुश लिम्बुवानको दमकलगायत अन्य ठाउँमा पनि गरिएको थियो ।सयभन्दा बढी आदिवासी/जनजातिसम्वद्ध राजनीतिक संगठन, जातीय संगठन र संघसंस्था तथा गैर सरकारी संस्थाहरुसमेतको सहभागिता रहेको उक्त मोर्चाले गरेको नेपाल बन्दको समापन प्रत्येक ठाउँमा खटिएका नेतृत्वहरुद्वारा सम्बोधन गरी गरिएको थियो ।
आदिवासी/जनजाति बृहत मोर्चा नेपाले उक्त नेपाल बन्द कार्यक्रमलाई भब्यतापूर्वक सफल बनाउन सहयोग गर्नुहुने सम्पूर्ण आदिवासी/जनजातिहरु, संघ संस्था, राजनीतिक व्यक्ति एवम् विभिन्न वर्ग, जाति, लिङ्ग, क्षेत्र, पेशा र व्यवशायका जनसमुदाय सबैमा हार्दिक आभार व्यक्त गरेको छ । र, भविष्यमा पनि यस्तै सहयोग एवम् समर्थन पाइरहने अपेक्षा गरेको छ । साथै, सारकारबाट मागहरुको सुनुवाई र सम्बोधन नहुने निश्चित भएकोले दोस्रो चरणको संघर्षको कार्यक्रम पनि छिट्टै नै सार्वजनिक गर्ने समेत जनाएको छ ।

तमु धि समाज कोलोराडोद्वारा आयोजित ल्होछार कार्यक्रम भब्यताका साथ सु-सम्पन्न

2010-01-02T22:24:00.000-08:00

भुपेन्द्र महत, कोलोराडो - तमु धि समाज कोलोराडोद्वारा आयोजित आठौ ल्होछार कार्यक्रम 01/01/10 का दिन भब्यताका साथ सु-सम्पन्न भएको छ । गुरुङ समुदाय भित्र मनाइने यो नयाँ बर्षको पर्ब सबै कोलोराडोका नेपालीहरुले हर्ष उल्लासका साथ मनाउदै आएका छन । धर्म, सँस्क्रिती ,भाषा ,भेषका लागि हामी नेपाली धनी छौ भन्ने कुराको पहिचान दिने यस्ता बिसुद्ध कला र संस्कृतिको झलक बोकेको यसकार्यक्रमले बिदेशिहरुको पनि ध्यान खिच्न सफल भएको थियो।पूजा आरधना बाट सुरु भएको तोल्हो ल्होछार (बाघ बर्ग )मनाउन कोलोराडोका तमु तथा गैर तमुको बिशाल उपस्थिती थियो। उदघोषक द्वय भजन तमु र पुनम तमुस्योले ल्होछारमा लगाउने पुरुष र महिलाको भेष भुषाको परिचयको साथै सम्पूर्ण उपस्थित पहुनाको स्वागत गरेका थिए। मुर्बै मासुरा बोलको तमु गीतमा बिजय तमु ,भजन तमु ,रिमा तमुस्यो र सोना श्रेष्ठबाट भएको न्रित्य पछि कहाँ बज्यो मुरली धुन भन्ने गीतमा निरज तमु ,धीरज तमु ,कल्पना तमुस्यो र प्रिया तमुस्यो को अर्को न्रित्य प्रस्सुत भएको थियो ।बिकास ,बजुल ,सुलभ ,प्रिया, बिन्दु र सोनाको आकर्षक न्रित्यलेले रोधिको झल्को दिएको थियो ।
बाल कलाकार आयुश तमाङले गीतार बजाउदै अग्रेजी गीत गएका थिए भने अर्की सानी बहिनी प्रेरणा पछाइले रमाइलो न्रित्य प्रस्तुत गरेकी थिन । तेस्तै धीरज तमु ,शिशिर कार्की अजुल तमाङ र सनीज गौलीको समुहले पप नेपाली गीत तथा निरज तमुले एकल गीतमा आफ्नो स्वोर दिएका थिए।कार्यक्रमलाई बिन्दु ,प्रिया र सोनाको नेपाली रिमिक्स फ्युजन तथा बिन्दु ,प्रिया, भाबिना र सोनाको गुँरास फुल्दा भन्ने न्रित्यले चरम उत्कर्षमा पुर्याएको थियो। अन्तमा तमु धि समाज कोलोराडोका अधक्ष्य अरुण गुरुङले आफ्नो मन्तब्य भाषणबाट कार्यक्रमको बिधिबत समापन भएको घोषणा गर्नु भएको थियो

जापानवासी नेपालीहरुले नव वर्श तथा 'घ्यु चाकु सन्हु 'मनाए

2010-01-02T21:20:00.000-08:00

२ जनवरी ने स ११३० ,कुमार बज्र ,तोकियो / जापानवासी नेपालीहरुले नव वर्श तथा 'घ्यु चाकु सन्हु 'मनाए नेवा: जागरण मन्च जापानले नव वर्श २०१० साल तथा ‘घ्यो चाकु सन्हु’ को उपलक्षमा आयोजना गरेको शुभकामना आदान प्रदान कार्यक्रम भब्यताका साथ सम्पन्न भएको छ / जनवरी १ तारेखका दिन दिउँसो १२ बजे देखी तोकियोको आकाशाका स्थित आकाशाका दाइनिङ मन्दलाको सभा हलमा आयोजना गरिएको शुभकामना आदान प्रदान एवँम मनोरन्जनात्मक कार्यक्रममा मन्चका अध्यक्ष सुनिल कुमार शाक्यले नव वर्शको शुभकामना दिँदै घ्यु ,चाकु र तरुल खाएर कार्यक्रमको आरम्भ गर्नु भएको थियो / शुभकामना दिने क्रममा मन्चका उपाध्यक्ष कृष्ण बदन जोशिले नव वर्शको स्वागत गर्नु हुँदै बिदेशमा बसेर पनि स्वदेशको सन्स्क्रिती झल्कने गरी ‘घ्यो चाकु सन्हु ‘ मनाउन पाएकोमा अत्यन्त खुशी भएको कुरा ब्यक्त गर्नु भएको थियो / सास्न्कृतिक कार्यक्रमका क्रममा स्थानिय कलाकार तेन्जिङ सेर्पा ,जनक राज शाक्य ,उमा तथा राउमा खडकाको गीतले उक्त कार्यक्रमको रौनक बढाएको थियो भने अनिल कुमार शाक्य र आजका कार्यक्रमका सबभन्दा जेठो ७८ वर्शिय हर्श रत्न शाक्यका ‘सम्हाया सँयाझ्या कुली कुली संका ‘ भन्ने गीतले सबै लाई धुमधाम सँग नचाएको थियो /उलेख्य रुपमा महिलाहरुको सहभागिता रहेको त्यस कार्यक्रममा नेपाली तथा नेवा: खानाले आफ्नो सन्स्क्रिती र मातृभूमी नेपालको सम्झना गराएको थियो /त्यस्तै नरेन्द्र कुमार र श्याम तन्दुकारको डिजे म्युजिकमा रबी श्रेष्ठ तथा रघु खडकाको डान्सले उपस्थित सबैलाई बेलुका एघार बजे सम्म उफ्री उफ्री नचाएका थिए / उक्त दिनको कार्यक्रमको सन्चालन मन्चका सदस्य काउशल्या बज्राचार्यले गर्नु भएको थियो /

२५९४ औं तो ल्होसार भव्यताका साथ सम्पन्न

2010-01-02T10:26:00.000-08:00

नेपाल तमु समाज मलेसियाले बर्षेनी मनाउदै आएको तमु ल्होसार कार्यक्रम अन्र्तगत यस बर्षको ल्होसार क्वालालम्पुरस्थित कोताराया कम्पेक्स्को छैटौं तलामा भव्यताका साथ सम्पन्न भएको छ । नेपालका चर्चित लोक दोहारी गायक, गायीका कृष्ण गुरुङ र शर्मिला गुरुङको प्रमु्ख प्रस्तुती रहेको सो कार्यक्रममा यहांस्थित स्थानीय कलाकारहरु रेखा राई, रबिन्द्र तमु, श्याम लामा, अमित सुनार, सन्तोष लामा, अगम तमु, डकेन्द्र तमु, अमर तमु, नारायण तमु, खिम बहादुर तमु, लगायत दर्जनौं कलाकारहरुले गीत, नृत्य प्रस्तुत गरेका थिए ।
कार्यक्रममा प्रमुख अतिथि यहांस्थित महामहीम राजदूत डा. ऋषिराज अधिकारी, यहांस्थित विभिन्न संघ संस्थाका प्रतिनिधीहरु अतिथि रहेका थिए । कार्यक्रमको अन्त्यमा कार्यक्रममा उस्थिती सहभागिहरुलाई टिकट सिं नं. लाई लक्की ड्र अनुरास विजेतालाई पुरस्कार प्रदान गरेका थिए । प्रथम पुरस्कार अन्र्तगत ल्यापटप, दोस्रो पुरस्कार, डिजीटल क्यामेरा, तेस्रो पुरस्कार मोबाइल फोन सेट प्रदान गरेका थिए । कार्यक्रम दिउंसो १२ बजेबाट शुरु भएर ५ बजेबाट समापन गरिएको थियो ।

बेलायतमा तमु तो-ल्होसार महोत्सव भव्य रुपमा सम्पन्न

2010-01-02T10:19:00.000-08:00

तमु प्ये ल्हु संघ युकेले तमु ल्होकोर अनुसार यस बर्ष तो ल्हो (बाघ बर्ग) आगमनको शुभ अवसरमा तो-ल्होसार मनाउनको लागि आयोजित तो-ल्होसार महोत्सव भव्यता पुर्वक सम्पन्न गर्यो । ओक फार्म कम्युनिटी हल फार्नबरोमा सम्पन्न तो-ल्होसार महोत्सव लाई भव्य रुपमा सफल बनाउन विभिन्न मिडियाहरु मार्फत प्रचार प्रसार गरिएको थियो ।
ल्होसार महोत्सवलाई सुगम र सहज बनाउन संघका अध्यक्ष जगत प्हच्यु तमुको प्रमुख संयोजकत्वमा तो-ल्होसार संयोजन मूल समिति गठन गरिएको थियो भने सल्लाहकार क्या. देवराज ङोप्छे तमु र उपाध्यक्ष सोम त्होर्जे तमु सह-संयोजक रहनु भएको थियो । महोत्सवलाई प्रभावकारी एवं सुविधायुक्त बनाउन कार्य विभाजन गरि विभिन्न काम बाँडफाँड गरिएको थियो जसमा सल्लाहकार क्या. डेम बहादुर योज तमुलाई साँस्कृतिक कार्यक्रम लगायत कलाकार संयोजन र भिडियो तथा फोटोग्राफको व्यवस्थाको जीम्मेवारी सल्लाहकार ले. मदल प्ल्हें तमुलाई औपचारिक कार्यक्रम लगायत अतिथि स्वागत तथा सत्कारको जीम्मेवारीडम्बर टु तमुलई धार्मिक कार्यक्रम लगायत धार्मिक सामाग्री प्रदर्शनी तथा संघको सर-सामान बिक्रीको जीम्मेवारी, धर्म कुप्छे तमुलाई स्वास्थ्य तथा सुरक्षा (हेल्थ एण्ड सेफ्टी) सुरक्षा (सेक्युरिटी) र पार्किङ्गको जीम्मेवारीगीर बहादुर लइ तमुलाई टिकट बिक्री तथा चेकिङ्गको जीम्मेवारी अनि अमर त्होर्जे तमुलाई स्योँकै (खाना) तथा हल व्यवस्थापनको जीम्मेवारी दिइएको थियो भने वहाँहरुको प्रमुख नेतृत्वमा पर्याप्त मात्रामा पुरुष तथा महिला गरि करिब सत्तरी जना स्वयं सेवक सदस्यहरु परिचालन गरिएको थियो । महोत्सवलाई धार्मिक, औपचारिक र साँस्कृतिक गरि तीन चरणमा संचालन गरिएको थियो । जसमा धार्मिक कार्यक्रम अन्तर्गत बिहान एघार बजेदेखि छ्योप त्हें (पूजा) गरि तो-ल्होको स्वागत र ल्वोँ-ल्होको बिदाई गरिएको थियो भने ल्हो आउने र जाने समयमा विभिन्न किसिमका अशुभ ग्रहदशाहरुले प्रवेश गर्न सक्ने भएकोले ती अशुभ ग्रहदशाहरुबाट मुक्ति दिलाउन पार्क त्हें गरिएको थियो साथै ती नराम्रा ग्रहदशा अर्थात थाः पन्छाउनको लागि थासों फाल्ने त्हें गरिएको थियो । यसरी पच्यु देव गरब्जको संयोजनमा छ्योप त्हेंपच्यु पैंडी चिवा यारजङ्ग क्रोम्छेको संयोजनमा पार्क त्हें र क्ल्हेप्री चिव मिन टुको संयोजनमा थासों फाल्ने त्हें गरी सामुहिक रुपमा तीन किसिमका त्हें एकै पटकमा गरिएको थियो । धार्मिक पूजामा अन्य खेगीहरु पच्यु जीत क्रोम्छे तमुपच्यु कृष्ण बहादुर ल्हेंगे तमुपच्यु मन प्रसाद क्रोम्छे तमुपच्यु बुद्धीमान कुप्छे तमुक्ल्हेप्री चिवा दान म्होब्छे तमु र हिरा म्होब्छे तमु सरिक हुनु हुन्थ्यो । तमु खेगीहरुको बाक्लो संख्याको कारणले नै बेलायतमा यस्तो सामुहिक यज्ञ (पूजा) गर्न सफल भएको हो ।
पूजा सकिएपछि धर्म गुरुहरुबाट उपस्थित भक्तजनहरुलाई रुप (प्हैरु) लगाई दिने र प्रसाद (कैंदुँ र फलफुल) बितरण गरिएको थियो । उपस्थित भक्तजनको भिडलाई रुप (प्हैरु) लगाई दिन सबै खेगीहरु निरन्तर लागि पर्दा पनि दुई घण्टाभन्दा बढी समय लागेको थियो । उक्त रुप (प्हैरु) लगाई दिदै गरेको दृश्यले भक्तजनहरुमा तमु खेगी र त्हेंप्रति विश्वास बढ्दै गएको पुष्टी गरि रहेको थियो । स्थापनाकालको शुरु-शुरुमा राम्रो जानकारी नहुनुको कारण भक्तजन तथा उपस्थित जन-मानसले रुप (प्हैरु) लगाउनप्रति त्यति रुचि राख्दैनथ्ये भने यसपालिको पूजामा अक्षताफलफुल चढाउने तथा खेगीहरुसँग आशिष थाप्ने भिडले खेगी (धर्म गुरु) हरुलाई निक्कै व्यस्त तुल्याएको थियो । धार्मिक पूजा सकिएपछि रुप (प्हैरु) लगाई दिदै गरेको समयमा पच्यु गुरु तथा क्ल्हेप्री गुरुबाट त्हेंको बारेमा छोटो जानकारी गराईएको थियो ।
धार्मिक कार्यक्रमको सबै काम सकिएपछि दिउसो करिब चार बजेतिर संघको आजीवन सदस्यता ग्रहण गर्नु हुने आजीवन सदस्यहरुलाई बेलायत र केन्द्रिय समिति नेपालको आजीवन सदस्यता प्रमाण पत्र प्रदान गरिएको थियो भने महोत्सवमा परम्परात रुपमा खाईने स्योंकैं स्वरुप खानाको व्यवस्था समेत गरिएको थियो । खेगीहरुबाट प्हैरु लगाई आशिष थापिसकेपछि खाना खानको लागि फुड हल टनाटन भरिएको थियो भने उपस्थित भिडलाई खाना खुवाउनमात्र पनि पाँच घण्टाभन्दा बढी समय लागेको थियो ।
कार्यक्रमको समय तालिका अनुसार औपचारिक कार्यक्रम दिउसो पाँच बजेदेखि शुरु गरिने भएकोले प्रमुख अतिथि तथा अतिथिहरुलाई दिउसो चार बजेको समय दिएर निमन्त्रणा गरिएको थियो । औपचारिक कार्यक्रमको लागि प्रमुख अतिथिको रुपमा रसमोर बरो काउन्‍सिलका मेयर रोजर किम्बरलाई आमन्त्रण गरिएको थियो भने क्याम्ब्रिज युनिभर्सिटी र अक्स्फोर्ड युनिभर्सिटीबाट दर्जनभन्दा बढी प्रोफेसर (गोरा) हरुलाई अतिथिको रुपमा निमन्त्रणा गरिएको थियो । तमु जाति नेपालको आदिवासी मूल जाति भएकोले बेलायतमा स्थापित विभिन्न आदिवासी जनजातिका जातिय संघ-संस्थाहरु तथा बिएफबिएस गोर्खा रेडियो र एनआरएन बेलायतलाई पनि अतिथिको रुपमा उपस्थित भई दिन निमन्त्रणा पठाईएको थियो
जस अनुसार कार्यक्रममा सरमोर बरो काउन्‍सिलका मेयर रोजर किम्बर र वहाँको धर्मपत्नि अक्स्फोर्ड युनिभर्सिटीका प्रोफेसर डा. सान्द्रा हाउस्नर र श्रीमती फ्लोरेन्स तमुक्याम्ब्रिज युनिभर्सिटीका प्रोफेसर डा. ओल्गा उल्तुर्गासेभा र वहाँकी साथीहरुको उपस्थिती रहेको थियो भने संघ-संस्थाको प्रतिनिधीहरुमा गोर्खा जिल्ला तमु समाज युकेका अध्यक्ष थप प्रसाद तमुपैंयुखोला तमु समाजका अध्यक्ष क्या. डेम बहादुर योज तमु तमु धीँ युकेका अध्यक्ष सुवासिङ्ग लेम तमु एनआएन युकेका अध्यक्ष सूर्य तमु मगर संघ युकेका अध्यक्ष थर्क बहादुर राना ठकुरी समाज युकेका अध्यक्ष मे. धन बहादुर चन्द युके शेर्पा किदुङ्गका अध्यक्ष आङ्गकल्जाङ्ग शेर्पा र बिएफबिएस गोर्खा रेडियो सेवाका प्रवन्ध निर्देशक तथा स्टेशन म्यानेजर खेम तमु र योगराज राई उपस्थित हुनु हुन्थ्यो ।
संघका अध्यक्ष तथा तो-ल्होसार संयोजन मूल समितिका प्रमुख संयोजक जगत प्हच्यु तमुको सभापतित्वमा सचिव भेग च्हाक्ली तमुले संचालन गरेको औपचारिक कार्यक्रमलाई प्रमुख अतिथि रसमोर बरो काउन्‍सिलका मेयर रोजर किम्बरद्धारा पानसमा बत्ती बालेर समुद्घाटन गरिएको थियो । समुद्घाटनको लागि पानसमा दिप जलनपछि राष्ट्रिय धुन बजाएर आफ्नो जन्मभूमि नेपाललाई सलामी चढाईएको थियो भने कार्यक्रममा धर्म कुप्छे तमुले हेल्थ एण्ड सेफ्टीबारे जानकारी संघका उपाध्यक्ष तथा तो-ल्होसार संयोजन मूल समितिका सह-संयोजक सोम त्होर्जे तमुले स्वागत मन्तव्य र संघको सल्लाकार नर बहादुर टु तमुले शुभ कामना मन्तव्य दिनु भएको थियो भने धर्म गुरु पच्यु पैंडी चिवा यारजङ्ग क्रोम्छे तमुले शास्त्रगत प्ये बाचन गरि शुभाशिष (मलाँ) दिनु भएको थियो जसमा पच्यु जीत क्रोम्छे र बुद्धीमान कुप्छेले साथ दिनु भएको थियो ।
औपचारिक कार्यक्रममा विगत बर्षहरुमा जस्तै बधाई तथा प्रशंसा पत्र वितरण गर्ने लगायत अभिनन्दन गर्ने कार्यक्रमहरु पनि समावेश गरिएको थियो जसमा एनआरएन युकेको अध्यक्ष पदमा विजयी हुनु भएका समाजसेवी एवं एनआरएनका निवर्तमान उपाध्यक्ष सूर्य तमुलाई तमु मौलिक परम्परा अनुसार क्रेंगी (फेटा) ओढाई अभिनन्दन गरि बधाई दिएको थियो भने विभिन्न युनिभर्सिटीबाट उच्चशिक्षा (बिद्यावारिधी) हासिल गरेका छात्र-छात्राहरुलाई प्रशंसा पत्र एवं क्रेंगी-पछ्यौरी ओढाई स-सम्मान बधाई ज्ञापन गरिएको थियो ।
प्रमुख अतिथिको आसनबाट बोल्दै सरमोर बरो काउन्‍सिलका मेयर रोजर किम्बरले भन्नु भयो - "तमु प्ये ल्हु संघ युकेले गरेको यो सम्मान तथा बधाई कार्यक्रम अति नै सराहनिय छ म यसबाट पूर्ण रुपमा प्रभावित भएकोछु र मलाई प्रमुख अतिथिको रुपमा निमन्त्रणा गरेर तमु जाति र तमु जातिको मौलिकता बारेमा बुझ्ने अवसर दिनु भएकोमा तमु प्ये ल्हु संघप्रतिमा आभारि छु ।"
सभापतिको आसनबाट बोल्दै तो-ल्होसार महोत्सव मूल संयोजन समितिका प्रमुख संयोजक तथा संघका अध्यक्ष जगत प्हच्युले ल्होसार पर्व ल्होसार महोत्सवको औचित्य र यसलाई मान्ने मौलिक परम्पराबारेमा जानकारी गराउदै पौष १५ अर्थात ल्होसार पर्वकै दिनमा क्याट्रिकवासी र केन्टवासीले तमु तो-ल्होसार मनाएकोमा खुशी व्यक्त गर्दै केन्ट तमु समाजका अध्यक्ष गुन बहादुर तमुले पठाउनु भएको शुभ कामना सन्देश पढेर सुनाउदै दोस्रो चरणको औपचारिक कार्यक्रलाई समापन गर्नु भएको थियो ।
कार्यक्रमको अन्तिम तथा तेस्रो चरणमा धार्मिक तथा विविध साँस्कृतिक कार्यक्रम प्रस्तुत गरिएको थियो । तमु वोन प्रार्थना गायनद्धारा शुभारम्भा गरिएको साँस्कृतिक कार्यक्रम निक्कै रमाईलो र मन्त्रमुग्ध थिए । संघका सचिव भेग च्हाक्ली तमुसुश्री लक्ष्मी प्ल्हें तमु र सुश्री चन्द्र क्रोम्छे तमुले संचालन गरेको साँस्कृतिक कार्यक्रममा समावेश गीत तथा नृत्यहरु सबै स्तरिय थिए । अझ पैंयुखोला तमु समाज युके र गोर्खा जिल्ला तमु समाज युकेले सहयोग स्वरुप सौजन्य गर्नु भएको नृत्यहरु मनमोहक एवं राम्रो थियो ।
;कार्यक्रममा प्रस्तुत स्टेज गीतहरु पनि कम रौनकको थिएन । भूपाल तमुहरिमान तमुनिराज तमु र गगन तमुको गीतले हल नै गुन्जयमान बनाएको थियो भने "चु नौलो नासरी रोधींरी खवा (तमु सालैजो)"कति राम्रो अलि अलि ढल्किएको छाँया", "लाहुरे दाईले खुकुरी भिरेछ"तले हो तले तेल तियाँ"कति माया लाग्छ ढुंग्री मुन्द्री"आयो ढल्काउदै झमझम स्टकोट" "आयो मैना गयो मैना (झोडा)", "मै मोरीलाई लिन परदेशी"माया भिवा तिं थोंवॆ सै मोमै (तमु)", "यो मन धुने केले हो (कौडा)"सबै डाँडाभन्दा धौलागीरि अग्लो सालैजो"बसन्त नै बस्न खोज्छ यहाँ"रातो राम्रो लालुपाते ए भेनाज्यु"कुस्माको पारि दम्घाको फाँट (सालैजो)"अच्छा लेकिन लाउरे म त गोर्खा पल्टनको (दोहोरी)"दिल यो मेरो दिल", "घान्द्रुककी ठिटी म त गाउकै गीत", "जाउ जाउ रेलैमा", जस्ता गीतमा प्रस्तुत जोडदार नृत्यहरु अति नै राम्रो थियो । अझ सोनिया तमुको "जाउ जाउ रेलैमा" र नमिता तमुको "घान्द्रुककी ठिटी म त गाउकै गीत" भन्ने एकल नृत्य अति नै राम्रो थियो भने "आयो मैना गयो मैना" र "कुस्माको पारि दम्घाको फाँट" भन्ने सामुहिक नृत्य उत्कष्ट थिए । तुलनात्मक रुपमा कोहीभन्द केही कम नभएका एकसेएक जोडदार नृत्यहरु प्रस्तुत गरिएको यो साँस्कृतिक कार्यक्रम बेलायतमै सबैभन्दा उत्कृष्ट रहेको कुरा उपस्थित दर्शकहरुले बताएका थिए ।
कार्यक्रममा हिपहप र ब्रेक डान्स् पनि समावेश गरिएको थियो जसलाई नव युवा पिंडीले वन्स् मोर भन्दै चिच्याई रहेका थिए भने कार्यक्रम अझ लामो भईदिए हुन्थ्यो भनेर दर्शकले मनोकामना गरेको कुरा सस्केरा बनेका थिए । उपस्थित दर्शकहरुलाई भरपुर मनोरन्जन गराउने उद्धेश्यले एक घण्टा खुल्ला रुपमा खुशीयालीको नाच नचाईएको थियो ।
तमु जातिको संस्कृति मौलिक पहिचान एवं मैलिक परम्परागत चाड पर्वहरुको बारेमा जान्न-बुझ्न तमु प्ये ल्हु संघमा जानु पर्छ भन्ने तथ्य हालसम्म आयोजना गर्दै आएको तमु प्ये ल्हु संघको कार्यक्रमहरु तथा गतिबिधिहरुले सिद्ध गरेकोछ । त्यसैले नै तमु प्ये ल्हु संघप्रति जनमानसको विश्वास बढ्दै आएकोछ ।

अलविदा ! भन्न आइपुगिन् सुनिला

2010-01-02T03:57:00.001-08:00

अपडेट: अमेरिका आइपुगे डंगोल परिवारउनीहरु स्थानिय समय अनुसार वेलुकी १०:२० मा लोगान इन्टरनेशनल एयरपोर्ट, वोष्टन आइपुगेका थिए । एयरपोर्टमा शुरुमा उनकी श्रीमती सुरुमा अन्यौलमा परेकी थिइन्। पछि आफन्तहरुलाई देखेपछि उनले मन थाम्न सकिनन् ।
सुनिला डंगोल स्वर्गीय सुरेन्द्र डंगोल एकमात्र नौं वर्षीया छोरी । उनी तीन चार महिनापछि अमेरिका आउने करिव पक्का जस्तै भएको थियो । उनको पिता सुरेन्द्र डंगोलले उनीहरुलाई अमेरिका ल्याउनको लागि चाहिने कागजपत्रहरु यहाँको इमि्रगेशनलाई बुझाईपनि सकेका थिए । तर दुर्भाग्यवश उनी अमेरिका अलि चाँडै आउँदै छिन्। उनको त्यो आगमन आफ्नो प्यारो वुवाको काखमा खेल्नको लागि होइन, आफ्ना दिव‍ंगत बुबालाई अलविदा भन्न र उनलाई अन्तिम श्रन्दाजली दिनको लागि हुनेछ । धेरै नेपाली लगायतका आप्रवासीहरु जस्तै सुनिलाको वुवा सुरेन्द्र डंगोल पनि अमेरिकी सपनाको साकार पार्नको लागि अमेरिका आएका थिए सन् २००४ मा । तर उनको अमेरिकी सपना दुस्वप्नमा परिणत भयो । शनिबार दिउँसो उनको हत्यासँगै अमेरिकी सपना पनि चकनाचुर भएको छ ।
बुबाको पुरानो कोठामा मृतक डंगोलकी छोरी सुनिलाः अब याद मात्रै बाँकी छ।शनिवार बोष्टनमा मारिएका नेपाली सुरेन्द्र डंगोलको श्रीमती र भाइलाई अन्तिम श्रन्दाजली दिनको लागि अमेरिका आउनको लागि अमेरिकी भिसा दिइएतापनि छोरी सनिलालाई भने भिसा दिइएको थिएन । उनको छोरीले भिसा नपाएको कुरा यहाँको स्थानीय मिडिया वोष्टन ग्लोव, बोष्टन हेराल्ड, फक्स न्युज, च्यानल सेभन लगायतले तुरुन्तै महत्वका साथ सम्प्रेषण गरेका थिए । त्यसको लगतै नेपालीहरुको पहलमा युएस कँग्रेसम्यान माइकल इ क्यापियानोले नेपालस्थित अमेरिकी दुतावासलाई सलिना डंगोललाई भिसा दिनको लागि पत्र लेखेका थिए । उनले पत्रमा भनेका थिए । “म अमेरिकन दुतावासको यो निर्णयलाई सम्मान गर्दछु तर म शोकको यस घडिमा उनको आमा र बच्चालाई छुट्याउन उचित ठान्दिन । त्यसकारण म नेपाल स्थित अमेरिकन दुतावासलाई सलिनालाई भिसा नदिने निर्णय माथि पुर्नविचार गर्न आग्रह गर्दछु ।”
त्यस्तै नेपाली राजदुतावास वािसंगटन अमेरिकाले पनि अमेरिकन दुतावासलाई भिसा दिनको लागि पुन: अनुरोध गरेर पत्र पठाएको थियो । र अन्त्यमा, अमेरिकी दुतावासले भिसा दिएको थियो । उनको परिवारिक श्रोतका अनुसार डंगोलको श्रीमती र भाई नेपाली समय ४ बजे हिड्ने भनेतापनि छोरीको भिसामा भएको ढिलाईको कारण राती ११:२५ को ड्रागन एयरको फ्लाइटबाट उडेका छन् । करिब ३६ घण्टा लामो यो यात्रा शोकाकुल डंगोल परिवारको लागि कति लामो लाग्छ संझिदा पनि कहाली लाग्छ । सलिना हंगकगं र सनफ्रांसिस्को हुँदै वोष्टन आउनेछिन् । एयरपोर्टको त्यो भिलिझिलीले ती अवोध बालिकालाई के छुन्छ होला र ? मनभरि पिडा वोकेको यो यात्रा कसरी सुखद यात्रा होला र कठै ।

कुवेतमा नेपाली युवकको असामयिक निधन

2010-01-02T03:50:00.000-08:00

स्याङ्ग्जा जिल्लाको पुतली बजार नगर पालिका, वार्ड नं. आठ, सतुङ्ग रजस्थल मैदान घर भएका रन बहादुर शाहको छोरा, कुवेतको एरिस्को कम्पनिमा सन् २००४ देखी सेक्युरिटी अफिसरको पोष्टमा कार्यरत ३८ वर्षिय युवक नरेश बिक्रम शाहको गत १५ डिसेम्वर २००९ को दिन अपरान्ह ३ बजे एक असामयिक निधन हुन पुगेको छ ।

एजिलिटी कम्पनिमा कार्यरत मृतकको एउटै गाउँमा घर भएका छिमेकी खेम के. सि. ले जानकारी गराउनु भए अनुसार मृतक शाहले १४ डिसेम्वरको दिन आफ्नो रुम पार्टनरसँग आफुलाई अली सन्चो नभएको र श्वास प्रश्वासमा केही कठिनाई भएको जानकारी दिएका थिए । साथै भोलिपल्ट १५ डिसेम्वरको बिहान जाहरा अस्पताल गई केही औषधीहरु लिई ११ बजेतिर कोठामै फर्की आएर नाईट ड्युटिवाला साथीहरुलाई औषधी समेत देखाएका थिए । त्यसपछी नाईट ड्युटीवाला साथीहरुसँगै उनले खाना खाएको र साथीहरुलाई मलाई अक्सिजनको कमी भएजस्तो लागि रहेको छ, मेरो सिटी र आफिसमा पनि जानु पर्ने काम छ भनेर गएको र करिब दिनको ३ बजेतिर बसमा फर्केर आउँदा आफु उत्रनु पर्ने बस स्टपमा नउत्रेर बसमा सँगै बसेका इण्डियनहरुले सुतेको होला भनी उठाउन खोज्दा शाहको शरीर चिसो र दह्रो भईसकेको पाएका थिए र उनै इण्डियनहरुले र बस ड्राइभरले नेपाली क्याममा गएर खबर गरेको र नेपालीहरुले जाहरा पुलिसमा रिपोर्ट गरी शाहलाई जाहरा अस्पताल लगेको तर अस्पतालले मृत घोषित गरी पार्थिव शरीरलाई फरवानियाँ अस्पतालमा रेफर गरेको र हाल मृतकको पार्थिव शरीर फर्वानियाँको मुर्दा कक्षमा राखिएको जानकारी हुन आएको छ । यसैगरी मृतकका छिमेकी खेम के. सि. लाई अन्य कानूनी प्रकृयाहरु के-के भई रहेछन भनी कुवेतनेपालले गरेको प्रश्नमा खेम के. सि. ले आफुले मृतक कार्यरत कम्पनिमा बुझ्दा कम्पनिले आवश्यक कागजात तयार गरी साउदी नेपाली दूतावासलाई पठाइसकेको साथै कम्पनिले मृतकले कुनै इन्सुरेंस नपाउने कुरा पनि खुलस्त बताएको र नेपाली दूतावास साउदीमा फोन गरी बुझ्दा फोन उठाउने कर्मचारीले आफुलाई थाहा नभएको र सबै कुरा बुझेर आज सनीवार (०२ जनवरी) मा जानकारी गराउने भनेको कुरा पनि बताउनु भयो ।

कुवेतमा नेपाली दूतावास स्थापनाको लागि कुवेतका लागि प्रथम नेपाली राजदूत नियूक्त भई गत ७ डिसेम्वरको साँझ कुवेत आउनु भएका महामहिम राजदूत मधुवन प्रसाद पौडेलले हिजो मात्र राखिएको स्वागत समारोहमा दूतावास संचालन नहुन्जेलसम्म आफुले कुनै पनि काम गर्न नमिल्ने कुरा बताउनु भएको छ । यसैगरी केही दिन पहिल्यै पत्रकार सम्मेलनमा पनि वहाँले जबसम्म साउदी नेपाली दूतावासबाट कुवेत सम्बन्धित सम्पूर्ण कागजात र फाइलहरु नेपाली दूतावास कुवेतलाई हस्तान्तरण गर्दैन तबसम्म यहाँका समस्याहरु आफुले हेर्न नमिल्ने र हल गर्न पनि नसक्ने कुरा बताउनु भएको थियो । त्यसैले हालमा केही समयको लागि भएपनी कुवेतवासी नेपालीहरुले साउदी दूतावासकै बाटो हेरी बस्नु पर्ने स्थिती कायमै छ ।

ब्रिहत आदीबासी मोर्चाद्वारा गरेको नेपाल बन्द पुर्ण रुपमा सफल

2010-01-01T08:26:00.000-08:00

काठमाण्डौ, पौष १७ गते ब्रिहत आदीबासी जनजाती मोर्चाद्वारा आवहवन् गरेको नेपाल बन्द पुर्ण रुपमा सफल भएको छ। आदिवासीजनजाति बृहत मोर्चा नेपाल अधिराज्यका १०५ भन्दाबढी संघसंस्थाहरुको संयुक्त मोर्चा हो । यस ब्रिहत मोर्चाले गरेको बन्दको क्रममा प्रहरी र बन्द आवहवनकर्ताहरु बिच ठाउठाउमा झडप भएका छन भने बानेस्वर, कोटेस्वर,
चक्रपथ लगायतको स्थानहरुबाट ३३ जना प्रदर्शनकारीहरु पक्राउ परेका छन।संविधानमा आदिवासी जनजातिहरुको आत्मनिर्णयको अधिकार, सामुहिक अधिकार, ऐतिहासिक पृष्ठभूमि र पुख्र्यौली भूमिको पहिचानसहितको जातीय स्वायत्तता र स्वशासनलगायतका अधिकारहरु संविधानसभा विषयगत समितिको मस्यौदा संविधान सुनिश्चित गर्नु पर्ने मागहरु रहेको छन भने उक्त मागहरु पुरा नभएमा फेरि दोस्रो चरणमा अर्को आन्दोलन गर्ने चेतावानी दिएका छन।
शेर्पा वर्ल्ड डट् कमको लागी तस्विर ङावाङ सोनाम शेर्पा काठमाण्डौ

जनजातीको आत्मनिर्णयको अधिकार सुनिश्चित नभए अर्को बिद्रोह हुने शेर्पाको चेतावनी

2010-01-01T08:20:00.001-08:00

आदिवासी जनजाती महासंघका सभासद पासाङ शेर्पाले आदिवासी जनजातीको आत्मनिर्णयको अधिकार सुनिश्चित नभए अर्को बिद्रोह हुने चेतावनी दिनुभएको छ । उहाँले जातिय स्वायत्तता सहितको जातिय पुनर्संर्चना, आदिवासी जनजातीको आत्मनिर्णयको अधिकार संबिधानमा मौलिक अधिकारका रुपमा नलेखिए जातिय बिद्रोह दिने र त्यो बिद्रोहले आफ्ना माग पुरा गराएरै छाड्ने बताउनु भयो ।
नेपाल आदिवासी जनजाती महासंघ जिल्ला समन्वय परिषद दोलखाको प्रथम जिल्ला अधिवेशनको उदघाट्न गर्दै अध्यक्ष शेर्पाले यस्तो बताउनु भएको हो । यसैबिच जनजाती महासंघको आव्हानमा गरिएको नेपालबन्द सकिएको छ । अहिले राजधानी लगायत मुलुकभरमा सवारी साधनहरु चल्न थालेका छन् भने पसलहरु खुलेकाछन् । केहि ठाउँमा छिट्फुट घट्ना भएको भएपनि बन्द पुर्णरुपमा शान्तिपुर्ण बनेको महासंले जनाएको छ ।

जनजातीको आत्मनिर्णयको अधिकार सुनिश्चित नभए अर्को बिद्रोह हुने शेर्पाको चेतावनी

2010-01-01T08:20:00.000-08:00

कुवेतमा कुमारी आमाहरु(विशेष रिपोर्ट)

2009-12-31T20:33:00.000-08:00

सरकारले खाडीमा घरेलु कामदारलाई रोजगारीमा जान प्रतिबन्ध लगाए पनि खुला सिमानाको ‘दुरुपयोग’ गर्दै भारतबाट उडेर जाने घरेलु कामदारमध्ये अधिकांश निकै कष्टपूर्ण अवस्थामा रहेको पाइएको छ । रोजगारीको अवसरका लागि खाडी लैजानेभन्दा मानवतस्करी र यौनपेसामा लगाउन नेपालदेखि खाडी मुलुकसम्म फैलिएका ‘एजेन्ट’ हरूले काम गरिरहेको प्रमाण प्रत्यक्ष-परोक्ष पाउन थालिएको छ ।चितवनकी सीता सापकोटा ३५ वर्षकी भइन् । २४ वर्षे उमेरमा कुबेत प्रवेश गर्दा उनले धन कमाउने, जीबन उज्ज्वल बनाउने सपना देखिकी थिइन् । त्यो सपना त्यतिखेर भंग भयो जब कुबेतमा जबर्जस्ती यौन शोषणमा परिन् । दुई वर्षसम्म घरको कामबाट निकालिँदा उनको पेटमा आठ महिनाको बच्चा हुर्किरहेको थियो । पछि छोरी जन्मिन् । अहिलेसम्म त्यही छोरीलाई बाबुको अधिकार दिलाउन कुबेती अदालतको ढोका ढकढक्याइरहेकी छन् ।कुबेतको मुद्दाइमास्थित एक मालिकको घर हेरविचार गरेर मासिक २५ हजार कमाउने सीता भन्छिन्- ‘छोरीको अधिकार दिलाएरै छाड्ने अठोटसाथ यहाँ पर्खिरहेकी छु ।’उनी अदातलतमा पुगेको १० वर्ष भइसक्यो । सुरुमा त मिलिभगतमा मुद्दा खारेज गरेर सीतालाईफर्काउन खोजिएको रहेछ । तर उनले मानिनन् । ‘अहिले उनलाई न्याय दिन सबै नेपालीले पनि साथ दिएका छन्’, कुबेतस्थित नेपाल कुबेट डट कमका प्रधान सम्पादक राजन रिमालले कान्तिपुरलाई भने, ‘दूतावास स्थापनाले उनलाई न्याय दिलाउन थप आशा मिलेको छ ।’अंग्रेजी, अरबी र नेपाली बोल्ने छोरी आरती आदेल -सापकोटा) लाई अधिकार दिलाउन सीता एकपटक मात्रै नेपाल फिरेकी छन् । गत वर्ष दसैंमा आएर तिहारमा फर्किन् । आरतीले बाबुको अधिकार नपाउँदा औपचारिक रूपमा पढ्न पाएकी छैनन् । ‘म अब आफूमाथि र नेपाली दिदीबहिनीमाथि भइरहेको दुराचारजन्य घटनाहरूबारे बोल्ने भएकी छु । मजस्तै अरू दिदीबहिनी पनि यस्तै अवस्थामा यहाँ प्रताडित भइरहेका छन्’, उनी भन्छिन्- ‘सेवा र सुरक्षाको ग्यारेन्टी नरहेको यो अँध्यारो ठाउँमा कसले, किन ल्याउँछ हाम्रा दिदीबहिनीहरूलाई । थाहा नपाएरै मजस्तै फस्नु एउटा कुरा हो तर थाहा पाएरै पनि यता आउनु भने आफंै आफ्नो दशा निम्ताउनु हो ।’बढ्यो गर्भवती कामदारकुबेत घरेलु कामदारका रूपमा जाने नेपाली महिलाको प्रमुख गन्तव्य हो । त्यहाँ झन्डै चालीस हजार नेपाली कामदार रहेको अनुमानित तथ्याङ्क छ जसमा झन्डै ८० प्रतिशत घरेलु महिला कामदार छन् । ‘अझ गैर कानुनी हैसियतमा बच्चा जन्माउने महिलाको संख्या विकराल रूपमा बढेको छ,’ रिमालले भने, ‘त्यस्ता महिलाको दुःख सुनिसाध्य छैन ।’यस्ता गर्भवती हुने महिलाहरू गैरकानुनी रूपमा बसेका हुन् । अधिकांश बच्चा र आमाको स्थिति नाजुक छ । काम गर्न गएकामहिलाहरूले अनिक्षित गर्भ बोक्न थालेपछि उनीहरू झन् बढी परनिर्भर बन्नुपर्ने स्थिति छ । ‘यो समस्याले विकराल रूप लिन थालेको छ’, कुबेतस्थित गैर आवासीय नेपाली संघ समन्वय समितिका अध्यक्ष राजेन्द्र तामाङले भने-’गर्भवती हुनेमा बढीजसो गैरकानुनी रूपमा बस्दै आएका महिला छन् ।’तामाङ्कका अनुसार बालबच्चा जन्माएर सम्पर्कमा आएका महिलाको सख्या दुई सय २३ पुगेको छ ।उनीहरू धेरैजसो बच्चासहितकुबेती जेलमा छन् । दुई दिनअघि मात्रै आठ महिना र पाँच महिनाको गर्भ बोकेका सन्तकुमारी गल्यान र काली तामाङ सम्पर्कमा आएका छन् । ‘घरेलु काममा आएका महिलाहरू घरमालिकको यातना सहन नसक्दा भाग्ने गरेका छन् । उनीहरू नेपाली, पाकिस्तानी, बंगालीको शरण पुगेका हुन्छन् । सँगै बस्ने क्रममा बच्चा जन्मिन थालेका छन्’, रिमालले भने- ‘यो दूतावास र सेफ हाउस नहुनुको परिणाम पनि हो ।’गैरकानुनी भएकोले ती महिलाले लुकीछिपी कोठामै बच्चा जन्माउने हुँदा बच्चा अधिकार पाउन वञ्चित छन् । कुबेती सरकारले अस्पतालमा जन्माएको बच्चालाई मात्रै मान्यता दिने गरेको छ । ‘कतिमय किशोरीहरू भने फ्ल्याट लिएर बसेका हुन्छन् । उनीहरूलाई खान बस्न व्यवस्था गर्नेको आवश्यकता पुरा गरिदिनुपर्ने बाध्यता महिलालाई छ’, उनले भने ।बेचिन्छन् पनि कुबेतमा दूतावास खोल्न पुगेका नेपाली राजदूत मधुवन पौडेल घरेलु कामदारको अवस्था नजिकबाट नियालिरहेका छन् । उनलाई सरकारले दुई महिना अगाडि नियुक्ति गरेको थियो ।
उनका अनुसार भारतीय नाका हुँदै ‘हाउसमेड’ मा पुगेका नेपाली महिला ‘बेचबिखन’ को सिकार हुने-गरेका छन् । तिनीहरूलाई त्यहाँको एजेन्सीले बिक्री गर्ने गरेको हो ।‘यहाँ आइपुगेका घरेलु महिला कामदारको समस्या श्रमसँग होइन बेचबिखनसँग सम्बन्धित छ,’ पौडेलले कान्तिपुरसँग भने, ‘उनीहरूलाई एजेन्सीद्वारा तोकिएको मूल्य तिरेर कुबेतीले निश्चित समयका लागि लैजान्छन् ।’ नेपाली महिलालाईदुई देखि पाँच सय दिनारमा बिक्री गरिन्छ । त्यस्ता एजेन्सी कानुनीरूपमै सञ्चालनमा छन् । एजेन्सीबाट खरिद गरेर लगिएको कामदारले ६ महिनासम्म काम नगरी फरार भएमा घरमालिकले पैसा पाउँछन् । कुबेतको कानुनअनुसार हरेक व्यक्तिले दुईजनासम्म घरेलु महिला कामदार राख्न पाउँछ ।घरेलु कामदारमा कुबेत जान सरकारले रोक लगाए पनि भारतीय बाटो हँुदै लाने गरिएको छ । घरेलु काम गरिरहेको ठाउँ छाडेर भाग्नेबित्तिकै गैरकानुनी होइन्छ । त्यस्ता घरेलु कामदार सबैभन्दा बढी बिक्री हुन्छन् । ‘मानव बेचबिखनको स्थिति यहाँ भयावह छ,’ उनले भने, ‘एक घरमा काम गर्न पुगेको नेपाली महिलालाई तीन दिन नपुग्दै भगाएर अर्को घरमालिकलाई बिच्ने गिरोह त्यतिकै सक्रिय छ ।’ उनीहरू घरमालिकबाट भन्दा बढी कामदार आपूर्ति गर्नेएजेन्सीबाट शोषित हुने गरेका छन् । ‘मैलै कुबेतका केही घरमालिकसँग हाउसमेडको बारेमा कुरा गरें’, उनले भने, ‘सबैले कामदार आफ्नै कारण दुःख पाइरहेको बताए ।’घरेलु कामदारमा साना उमेरका अनपढ किशोरीहरू पनि छन् । राजदूत पौडेलका अनुसार घरेलु कामदारसँग श्रम सम्झौता, डकुमेन्ट केही हुँदैन । ती कामदारलाई कुबेत पुर्‍याउन भारतीय र नेपाली दलालको ठूलो सञ्जाल छ । सबै भारतीय विमानस्थल प्रयोग गरी जाने गर्छन् । ‘सरकारले भारतीय विमानस्थलबाट श्रम सम्झौताको डकुमेन्टबिना जाने नेपाली महिलालाई रोक्ने व्यवस्था गर्नुपर्छ,’ उनले भने, ‘यो नभएसम्म कुबेतमा नेपाली महिला बेचिरहन्छन् ।’पौडेलका अनुसार दूतावास सञ्चालन हुनेबित्तिकै गैरकानुनी रूपमा बसेका घरेलु कामदार दूतावासको आश्रयमा आउने क्रम बढेको छ । ‘संगठनात्मक क्षेत्रमा त्यस्ता समस्या छैन, त्यहाँ तुलनात्मक रूपमा खाडीका अन्य मुलुकभन्दा राम्रो छ,’ उनले भने ।कबुेतमा बेपत्ता हुनेहरू पनि उत्तिकै छन । पौरखी नेपालका अनुसार याङजी शेर्पा, कृष्णामाया तामाङ, लक्ष्मी तामाङ, प्रेमककाला घिमिरे, सम्झना धामी, चन्द्रकुमारी राई, रेखामाया गुरुङ्ग, कोपिला दाहाल र तारादेबी भट्टराई बेपत्ता भएका छन् ।खुल्यो एमनेस्टी, परेन हाउसमेडकुबेत सरकारले गैरकानुनी कामदारलाई आफ्नो मुलुकबाट पठाउन ‘एमनेस्टी’ -गैरकानुनी कामदारलाई स्वदेश फिराउने अभियान) प्रत्येक दुई दुई वर्षमा गर्दै आइरहेको छ । यसपटक खुलाएको एमनेस्टीमा घरेलु कामदार परेनन् । यसको कारण स्वदेश फिर्तीको आशामा रहेका गैरकानुनी महिला कामदार स्वदेश फिर्ने अनिश्चित पर्खाइमा छन् । ‘अहिले कम्पनीबाट भागेर गएकाहरूको हकमा मात्रै यो लागू भएको छ,’ संघका अध्यक्ष तामाङले भने- ‘घरेलु कामदारको हकमा भने छैन् ।’कुबेतमा ६ हजार फर्जी भिसा जारी भएकोले ती भिसामा आएको कामदार मात्रै फर्काउने सरकारी योजना छ । घरफिर्न टिकट कोहीलाई कम्पनी नत्र कामदार आफैंले व्यवस्था गर्नुपर्नेछ ।
‘नेपालले भारतलाई पत्र लेखोस्’राजदूत हमिद अन्सारीसाउदी अरेबिया‘हरेक महिना अलपत्र परेपछि दर्जनौंको संख्यामा युवती दूतावासमा ल्याएर पाल्नु, तिनको औषधिमुलो गर्नु अथवा फिर्ती टिकटको प्रबन्ध गरेर घर फिर्ता पठाउँदैमा सधैंका लागि घरेलु कामदारको समस्या समाधान हुने देखिन्न ।रियाद दूतावासले पछिल्लो छ महिनामा मात्रै २ सयभन्दा बढी युवतीको एकदमैं आपत्कालीन अवस्थाबाट उद्धार गरेका छौं । फेरि हिजो -बुधबार) १५ जना उद्धार गरौं । कूटनीतिक नियोगको सम्पूर्ण जिम्मेवारी यसरी युवती उद्धार गर्ने मात्रै जस्तो भएको छ । यसकारण नेपाल सरकारले कूटनीतिक तहबाट भारत सरकारलाई पत्र लेख्नुपर्‍यो । घरेलु कामदार भिसामा आउने अथवा श्रम अनुमतिपत्र बेगर खाडीका लागि उड्ने युवतीलाई उडान अनुमति नदिनका लागि परराष्ट्रले पत्र लेखिदिनुपर्‍यो । यो नै सबैभन्दा दह्रो र प्रभावकारी उपाय हुन सक्छ ।
साउदी दूतावास भन्छ-१) कतिपय यस्ता घटना/समस्या हुन्छन्, राजदूतावासको नियन्त्रणभन्दा बाहिर हुन्छन् । तर त्यस्ता घटनाले बढी प्रचारप्रसार पाउने हुनाले खाडीक्षेत्र, महिला कामदारका विषयमा आमधारणाको निर्माणमा तिनीहरू बढी भूमिका खेल्छन् । उदाहरणार्थ सन् १९९८ को अन्त्यतिर कुवेतमा नेपाली महिला कामदार कानी शेर्पाको मृत्यु भएको थियो । समाचार स्रोतहरूका अनुसार उनी आफू काम गरिरहेको घरमा हुने यौन दुव्र्यवहार तथा यातनाबाट पीडित थिइन् र एक स्थानीय अस्पतालमा उपचारार्थ गएको बेला झ्यालबाट हामफालेर मृत्युवरण गरिन् । त्यस घटनापश्चात् नेपालमा देखापरेको आमआक्रोशका कारण नै खाडी राष्ट्रमा नेपाली महिलालाई काम गर्न सरकारले प्रतिबन्ध लगाएको थियो । यदि हाउसमेडका रूपमा काम गर्न आउने महिला कामदारहरू वैधानिक बाटोबाट खाडी क्षेत्रमा आउन सकुन् भन्ने भनाइको मूल आशय कानी शेर्पाको घटनापश्चात् लगाइएको त्यो प्रतिबन्धलाई फुकुवा गर्ने हो भने, कानी शेर्पाका जस्ता घटना पुनः घटेका छैनन् अथवा घट्दैनन् भन्न सक्ने अवस्थामा राजदूतावास रहेको छैन ।२) सरकारी निकाय, राजनीतिक तथा सामाजिक कार्यकर्ता र खाडी क्षेत्रमा काम गर्ने महिलाका आफन्तले महिलाका समस्याका विषयमा सानो सूचना प्राप्त गर्नेबित्तिकै सो महिलामाथि शारीरिक यातना भएको, यौन दुव्र्यवहार भएकोजस्ता अतिरञ्जनापूर्ण तथ्य अघिसारी निज महिलालाई तत्कालैै उद्धार गरिदिनु, नेपाल फर्काइदिनुजस्ता आदेश/निवेदन राजदूतावाससमक्ष पेश गर्ने देखिएको छ । यो प्रवृत्तिले एउटा गहिरो विरोधाभासलाई संकेत गर्दछ । एकातिर सार्वजनिक राष्ट्रिय बहसमा तिनै सरकारी अधिकारी राजनीतिक तथा सामाजिक कार्यकर्ता खाडी क्षेत्रमा असंगठित क्षेत्रमा कार्य गर्न महिलालाई नेपाल सरकारले लगाएको प्रतिबन्ध खारेज गर्नुपर्ने विचार प्रकट गर्छन् भने अर्कातर्फ कुनै महिला विशेषको विषय उठ्दा सिधै अतिरञ्जनापूर्ण निष्कर्ष निकाल्छन् ।३) महिला कामदार भएका सबै राष्ट्रका राजदूतावासले आफू काम गर्ने घरबाट भागेर हिंडेको अथवा कुनै कारणले अलपत्र परेका महिलालाई तत्काललाई आश्रय दिनका निमित्त एक छुट्टै घर भाडामा लिई सेफ हाउसको सञ्चालन गर्ने गरेको पाइन्छ । तर राजदूतावाससँग त्यस्तो सेफ हाउस सञ्चालन गर्ने क्षमता नभएको तथ्य टड्कारो छ ।४) कुवेत तथा ओमानमा रहने महिलाका विषयमा कुनै समस्याका बारेमा सूचना प्राप्त गरेपछि राजदूतावासले सम्बन्धित घर मालिकलाई फोन सम्पर्क गरेर अनुनय विनय गर्नुभन्दा अरू कुनै उपाय रहँदैन ।५) महिला आफू काम गर्ने घरबाट भागेर हिंडेको अवस्थामा राजदूतावास अथवा स्थानीय अधिकारीहरूको शरणमा पुग्न नसकेको अवस्थामा उनी नेपाल र्फकन सक्ने सम्भावना पनि एकदम कम रहन्छ । त्यस्ता महिलाहरू गलत व्यक्तिको चंगुलमा पर्ने सम्भावनालाई नकार्न सकिँदैन । अनौपचारिक रूपमा प्राप्त सूचनाअनुसार साउदी अरेबिया तथा कुवेतमा सोझासाझा महिलालाई फकाएर आफू काम गर्ने घरबाट भगाउने काममा नेपालीसमेत संलग्न भएका गिरोहहरू सक्रिय छन् ।

नेपाली कलाकारहरु इजरायलमा

2009-12-31T20:28:00.000-08:00

वर्ष तमु ल्होसार एवं नयाँ बर्ष सन् २०१० को उपलक्ष्यमा तमु समाज इजरायलद्वारा आगामी १ जनवरी शुक्रवार र २ जनवरी शनिवारको दिन तेल अभिवको हगाना अवस्थित वेतवारवर हलमा आयोजना गरिने मनोरन्जनात्मक सांस्कृतिक साँझको प्रस्तुतिकोलागि नेपाली कलाकारहरु इजरायल आइपुगेका छन् ।
आफ्नो गायन क्षेत्रमा प्रवेश गरेपछि हालसम्म ८००० भन्दा वढि गितहरु रेकर्ड गराउन सफल प्रसिद्ध लोक गायक राजु परियार लगायत पप गायकद्वय रोज मोक्ताक र भुपेन्द्र गुरुङ र नेपाल टेलिभिजनबाट प्रसारण गरिंदै आएको प्रसिद्द नेपाली कमेडी सिरियल मेरी वास्सैका कलाकारहरु सिताराम कत्याल (धर्मुस), केदार घिमिरे (माग्ने बुढा), र कुन्जन घिमिरे (सुन्तली) सहित छ जनाको टोली मंगलवार साँझ करिव ५:१५ बजे इजरायलको वेनगुरियन एयरपोर्टमा आइपुगेका थिए । इन्डिया, जोर्डनको राजधानी अमान हुँदै कलाकारहरु इजरायल आइपुगेका हुन । कलाकारहरुलाई इन्डियामा इमिग्रेसनले धेरै बेर सोधपुछ गरेको थियो तर कलाकारहरुले नेपाली राजदुतावास इजरायलद्वारा लेखिएको पत्र देखाएपछि उनीहरुलाई सजिलो भएको वताएका छन् । संयोजक यम गुरुङका अनुसार नेपाली राजदुतावासबाट उक्त पत्र हाँसिल गर्न ठुलो मिहेनेत गर्नुपरेको थियो जव की नेपाली कलाकार आउने भनेपछि उच्च उत्सुकता सहित उक्त पत्र दुतावासले सजिलै उपलव्ध गराउनु पर्नेमा संयोजक यम गुरुङ लगायतका व्यक्तिहरुको दवावमा मात्र दुतावासले पत्र दिन राजी भएको संयोजक गुरुङले हामिलाई वताउनु भयो ।
कलाकारहरुलाई स्वागत गर्न मनोरन्जनात्मक सांस्कृतिक साँझका संयोजक तमु समाज, इजरायलका अध्यक्ष यम गुरुङ, एन आर एन, इजरायलका कार्यवाहक अध्यक्ष नयन्द्र चेम्जोंग, तमु समाज, इजरायलका उपाध्यक्ष बसन्त गुरुङ, तमु समाज इजरयलकै कोषाध्यक्ष वेल वहादुर गुरुङ सहितको टोलि वेनगुरियन एयरपोर्ट पुगेको थियो त्यहाँ उनीहरुले कलाकारहरुलाई सम्मनपनि गरेका थिए ।
कलाकारहरु करिव ५ दिनसम्म इजरायलमै रहने कार्यक्रम रहेको कार्यक्रमका संयोजक गुरुङले जानकारी दिनुभयो ।

पूर्वराजा शाह जुनसुकै मूल्यमा पनि भारतलाई राजसंस्था पुनर्बहालीका लागि सहमत गराउने अभियानमा

2009-12-31T20:18:00.000-08:00

प्रकाश तिमल्सिना ,काठमाडौं। आफ्नो पुनर्बहालीको वातावरण बनिरहेको विषयमा भारतीय नेताहरूलाई कन्भिन्स गराउन दिल्ली पुगेका पूर्वराजा ज्ञानेन्द्र शाहले लामो पर्खाइपछि पनि महत्वपूर्ण नेताहरूसाग भेटघाट पाउन सकेनन्। आफ्ना नातेदारको विवाह कार्यक्रमको सिलसिलामा एक साता राजस्थानको जोधपुर बसेपछि उनी नौ दिनअघि नयाादिल्ली प्रस्थान गरेका थिए। आफ्ना फुपाजु एवं कंग्रेस आईका प्रभावशाली नेता करण सिंहको माध्यमबाट उनले ११ तारिखका दिन प्रधानमन्त्री मनमोहन सिंहलाई भेट्ने, १६ तारिखका दिन कंग्रेस आईकी अध्यक्ष सोनिया गान्धीलाई भेट्ने, त्यसपछि अर्थमन्त्री र विदेशमन्त्रीलाई भेट्ने एवं अन्तिममा १८ तारिखका दिन प्रमुख प्रतिपक्षी दलका नेता लालकृष्ण आडवाणीलाई भेट्ने समय मिलाएका थिए। तर भेटघाटको कार्यक्रम अचानक क्यान्सिल भयो। प्रधानमन्त्री सिंह र नेतृ सोनियाले मात्र होइन, विदेशमन्त्री र अर्थमन्त्रीले समेत भेट नदिएपछि निराश बनेर पूर्वराजा शाह हिजो आइतबार पुनः राजस्थानको जोधपुर फर्केका छन्। ?दिल्लीमा नौ दिनसम्म रहादा उनी होटल ओबरायमा बसेका थिए। भेटघाट उपलब्धिपूर्ण हुने अनुमान गर्दै उनले प्रभाकरशमशेर राणा, अशर्फी शाहलगायतका सहयोगीहरूलाई पनि अचानक दिल्ली बोलाएका थिए। तर भेटघाट किन क्यान्सिल भयो? भन्ने रहस्य अझै खुल्नसकेको छैन। उनको दिल्ली बसाइको सम्पूर्ण खर्च र सुरक्षा प्रबन्ध भारत सरकारले नै बेहोर्ने भनिए पनि अचानक क्यान्सिल भएको छ। सागर तिमिल्सेनाका नाममा होटल ओबरायमा बुक गरिएका आठवटा कोठामा पूर्वराजा शाहको दलबल बसेको थियो। जसमध्ये उनका लागि बुकिङ गरिएको सुइटको मूल्य दैनिक ६० हजार भारु र अन्य सात कोठाको १३/१३ हजार भारु थियो।भारतले सुरक्षा प्रबन्ध नगरिदिएपछि नेपाल सरकारको तर्फबाट गएका तीनजना सुरक्षाकर्मीहरूले नै उनको पहरा दिइरहेका छन्। नौ दिनको दिल्ली बसाइका क्रममा उनी होटलको मूलगेटबाट बाहिर ननिस्केका मात्र होइनन् कि होटलभित्रकै कुनै रेस्टुरेन्ट र बारहरूमा समेत छिरेनन्। खानासमेत सुइटमै मगाए थिए। आइतबार पूर्वराजा शाह सपरिवार जोधपुर फर्के पनि प्रभाकरशमशेर राणा दिल्लीमै बसेर भेटघाटको व्यवस्था मिलाउन लबिङमा लागिरहेका छन् भने दिल्लीले पत्याएका डा.असर्फी शाह भने काठमाडौं आइसकेका छन्। ?समाचार स्रोतका अनुसार माओवादीलाई जातीय गणराज्य घोषणा गर्न लगाउने र चीनसाग मित्रता गाासिदिने मामिलामा दरबार निकटहरूको भूमिका देखिएको सूचना पाएपछि राजसंस्था पुनर्बहाली गर्ने योजनालाई भारतले क्यान्सिल गरेको हो। जातीय गणराज्य घोषणा गर्दै विद्रोहद्वारा जनवादी गणतन्त्र स्थापना गर्ने चरणमा माओवादी पुगेको र चीनले नेपालका माओवादीमार्फत भारतका माओवादीलाई हतियार सप्लाइ गर्न थालेको सूचना पाएपछि राजसंस्था पुनर्बहाली गरेरै भए पनि यो संकट टार्नुपर्ने निष्कर्षमा भारत पुगेको बताउनेहरू पनि थिए। सोही योजनाबारे छलफल गर्न पूर्वराजा शाहलाई दिल्ली बोलाइएको थियो। माओवादीलाई यस्ता गतिविधिमा लाग्न दरबारले नै सहयोग पुर्यारइरहेको सूचना प्राप्त भएपछि भारत झस्केको हो पनि भनिन्छ। तर पूर्वराजा शाह भने जुनसुकै मूल्यमा पनि भारतलाई राजसंस्था पुनर्बहालीका लागि सहमत गराउने अभियानमा छन्। भारतीय नेताहरूलाई भेटेर आगामी जनवरी ९ तारिखमा राजा ज्ञानेन्द्रले स्वदेश फर्किने कार्यक्रम बनाएका छन्।tarun weekly

जनजातीको बन्द जनजीवन प्रभावित

2009-12-31T20:13:00.000-08:00

सयुक्त राष्ट्रसंघ महासन्धी १ सय ६९ कार्यान्वयन गर्नमाग गर्दै विभिन्न आदिवासी जनजाती मोर्चाले आज नेपाल बन्द गरेकोछ । आदिवासी-जनजाति बृहत मोर्चा नेपालले संविधानसभामा स्वतन्त्र पुर्वजानकार माजुरीको संयन्त्र निर्माण गरी महासन्धि कार्यान्वयनको माग गरेका छन् । बन्दका कारण काठमाण्डु उपत्यका लागायत बाहिरका जिल्ला पनि प्रभाव परेको छ । गाडिहरु चलेका छैनन भने पसलहरु पनि छन् ।
नयाँ संविधानमा आदिवासी-जनजातिको आत्म नयाँ संविधानमा आदिवासी-जनजातिको आत्म निर्णयको अधिकार सामूहिक अधिकार ऐतिहासिक पृष्ठभुमि र पुख्यौली भूमिको पहिचान सहितको जातीय स्वायत्तता हुनुपर्नै मोर्चाले माग गरेको छ । बन्दमा प्रेस मानवअधिकारकर्मी रेडक्रस र कुटनीतिक नियोगका यातायातको साधनको आवगमनमा कुनै अवरोध नगरिने मोर्चाले निकालेको विज्ञप्तिमा उल्लेख छ ।
यसैबीच सरकारले बन्द फिर्ता लिन जनजातीको मोर्चालाई आग्रह गरेको छ । गृहमन्त्रालयले एक विज्ञप्ती निकाली बन्दले कसैलाई फाइदा नपुग्ने भएकाले वार्ताबाट समस्याको समाधान खोज्न आग्रह गरेको छ । मन्त्रालयले बन्दका कारणमा तोडफोडका घटना भए सरकारले नियन्त्रणमा लिएरु कडाकारवाही गर्ने बताएको छ ।

Cheli Morcha protest roars all over Sikkim

2009-12-31T06:49:00.000-08:00

Our Bureau

December 30: The vaunted frontal organization of the ruling Sikkim Democratic Front, the Cheli Morcha made a strong statement today with huge protest rallies all across the State against the proliferation of sleazy anonymous pamphlets. The pamphlets are said to be in vogue in the State presently targeting certain leaders of the ruling front.The protest rally was staged after the SDF frontal organization took the decision on December 26 as anonymous pamphlets started doing rounds causing considerable flutter in the ruling front.Recent controversies notwithstanding, hundreds of Cheli Morcha hit the streets across the State protesting against the elements behind the anonymous pamphlets.GANGTOK: Marking a strong protest against the circulation of the anonymous pamphlets in Sikkim, the Cheli Morcha members of all the 12 constituencies of East district staged a mammoth protest rally in the capital. The Cheli Morcha members gathered today early morning at Paljor Stadium carrying placards and holding banners against the forces behind the sleazy pamphlets.A strong contingent of Sikkim Armed Police had been deployed in the field along with Gangtok police to prevent any law and order problem during the protest rally.The rallies started from Paljor stadium at 11 am in the morning took a round of Zero Point along the national highway and ended up at SDF Bhawan located at Indra Bye Pass. The traffic along the national highway in the capital came to standstill during these rallies.The MLAs of the respective constituencies and the party office bearers of the party also made a special appearance in the rally which was led by Tilu Gurung, the in-charge of the East District. “The participation of Cheli Morcha members was overwhelming as we never expected such a huge participation”, said Lakila Tongden, the East District Cheli Morcha convener of SDF party while talking with Sikkim Express. Tongden said the party has recorded participation of almost 10,000 members of Cheli Morcha in the rally today. Terming the protest rally as a successful endeavor, Tongden said that the Cheli Morcha strongly condemn and protest any kind of defamation words against the women in Sikkim. “Any one who defames the prestige of Sikkimese women is an anti social element and deserves a severe action”, Sakun Gurung, the vice-convener of Cheli Morcha said. GEYZING: The Cheli Morcha members of all the eight constituencies in West Sikkim led by their respective area MLAs today joined their counterparts in other parts of the State to protest against the circulation of anonymous pamphlets.Around 5000 women supporters of the ruling front gathered at Kyongsa ground here and took out a massive protest rally. They shouted slogans against those elements behind the anonymous pamphlets besides listening to addresses from the party leaders.The Cheli Morcha convener Indra Maya Gurung reminded that it was only the SDF government which has really empowered the Sikkimese women.The rally concluded at Geyzing bazaar. SOUTH: The Cheli Morcha protest rally for South Sikkim was staged at Namchi where hundreds of women and party supporters participated.The rally started from Bhaichung Stadium, proceeded through the district administrative road and concluded at Namchi bazaar. Hundreds of Cheli Morcha members from all the eight constituencies of South Sikkim took part in the protest rally waving placards, banners and shouting slogans.The rally was followed by a series of public speeches at Bhaichung Stadium where Cheli Morcha South Vice-Convener Aruna Mangar, publicity secretary Tirtha Subba and other party functionaries addressed the crowd. In their addresses, the party functionaries underlined the various development and empowerment measures initiated by the SDF government for the Sikkimese women. No other party can do so much for the Chelis, they said. MANGAN: Hundreds of Cheli Morcha members today took out a protest rally in Mangan against the anonymous pamphlets. The rally was coordinated by Dzongu MLA SG Lepcha, Lachen-Mangan MLA TW Lepcha, Kabi-Lungchok MLA TT Bhutia, minister Neeru Sewa, SCPCR chairperson C Saring, Upadhyaksha PD Bhutia, Cheli Morcha North convener Phurmit Lepcha and others.The protest rally started from Lower Mangan Bazaar and concluded at public ground here.The Dzongu MLA in his address said that the prestige of Sikkimese women is at stake as the anonymous pamphlets are meant to defame the Sikkimese women. The rally is against these pamphlets and to provide security to the Chelis of Sikkim, he said highlighting the steps taken by the SDF government to empower the Sikkimese women.The Kabi-Lungchok legislator said the party has always given priority to the women in the State for their upliftment. Our party’s motive towards the development of Sikkimese women is very clear, he said.Minister Neeru Sewa in her address underlined the strength of the ruling party and thrust given by the SDF government on development of Sikkim and Sikkimese people. The allegations put by anonymous elements are nothing but injustice to all the Sikkimese women and party workers, she said.We are not ending the matter with the protest rally as the government will find out those behind these anonymous pamphlets and take action against them, Sewa promised.

युके नेपाली समुदाय बिच सबै भन्दा ठुलो संस्था तमुधी युके द्वारा ल्होसार

2009-12-31T05:14:00.000-08:00

युके नेपाली समुदाय बिच सबै भन्दा ठुलो संस्था तमुधी युके द्वारा बिगत मा झैं यस बर्ष पनि यहि आउदो जनवरी २ तारिक शनिवारका दिन बिभिन्न कार्यक्रम सहित गाई वर्ग (लंग्ल्हो) लाइ बिदा गर्दै बाघ वर्ग (तोल्हो) स्वागत गर्दै भब्य र बृहत रुपमा कार्यक्रम गरिने कुराको जानकारी उक्त संस्थाका अध्यक्ष सुवास सिंग गुरुङ ले दिनु भएको छ।ल्होसार पर्वको लागि नेपालबाट चर्चित तमु कलाकार धन गुरुङ र अन्य चर्चित कलाकार गायिका कल्पना गुरुङ, गायक सुदिप गुरुङ र दिपु गुरुङ का साथै युके मा बस्ने स्थानिय कलाकारहरुको पनि बेजोड प्रस्तुती हुने छ। युके को इतिहासमै सब्बै भन्दा बढी मानिसहरुको सहभागिता हुने यस कार्यक्रमको संसारमा रहेका नेपालीहरु माझ सबै भन्दा लोकप्रीय र सबै भन्दा ब्यस्त नेपाली वेभसाईट डिसीनेपाल डट कम द्वारा प्रतक्ष्य प्रसारण गरिने कुराको जानकारी गर्न चाहान्छौं।प्रतक्ष्य प्रसारण को लागि सम्पर्करमेस बाबु श्रेष्ठ४४७-५०१३७-५७६८
कार्येक्रम हुने मिति र समय-शनिवार, जनवरी ०२, २०१०Rivermead Leisure Complex Richfield Avenue Reading, Barkshire RG1 8EQउद्दघाटन कार्यक्रम दिउँसो ४ बजे सास्कृतिक कार्यक्रम ६ बजे देखि.

आदिवासी/जनजाति बृहत मोर्चा नेपाल प्रेस विज्ञप्ती

2009-12-31T05:05:00.000-08:00

प्रेस विज्ञप्ती
आदिवासी/जनजाति बृहत मोर्चा नेपालले मंसिर ११ गते संविधानसभाको अध्यक्ष र मंसिर १२ गते प्रधानमन्त्रीलाई ज्ञापनपत्र बुझाएर मंसिर १९ गते भित्रमा संविधानसभामा स्वतन्त्र पूर्व जानकार माजुरीको संयन्त्र निर्माण गर्न र महासन्धि नं. १६९ कार्यान्वयन गर्न सरकारका विज्ञहरुको टोलीले तयार गरेर बुझाएको राष्ट्रिय कार्ययोजना लागू गर्नका लागि ज्ञापनपत्रहरु बुझाएको संविधानमा आदिवासी/जनजातिको आत्मनिर्णयको अधिकार सामुहिक अधिकार ऐतिहासिक पृष्ठभूमि र पुख्र्यौली भूमिको पहिचानसहितको जातीय स्वायत्तता र स्वशासनलगायतका अधिकारहरु संविधानसभा विषयगत समितिको मस्यौदा संविधान सुनिश्चित गर्नसमेत माग राखेका थियौं । राज्यबाट हाम्रा जायज र न्यायोचित मागको कुनै सुनुवाई नभएको हुनाले आन्दोलनको पहिलो चरणको कार्यक्रम मंसिर २१ देखी पौष १७ गते सम्म घोषणा भए अनुसार पौष १६ गते विहीवार साँझ ५ वजे शान्तिबाटिकामा मसाल जुलुस निकाल्ने र पौष १७ गते नेपाल बन्दको घोषणा गरेका छौं ।
मसाल जुलुस रत्नपार्कस्थित् शान्तिबाटिकाबाट शुरु भई वागवजार र भृकुटिमण्डप चोकमा पुगेर समापन हुनेछ । आदिवासी/जनजाति बृहत मोर्चा नेपालले नेपाल अधिराज्यका १०५ भन्दाबढी संघसंस्थाहरुको संयुक्त मोर्चा हो । यसले लोकतान्त्रिक गणतन्त्र संघीयता आत्मनिर्णयको अधिकार जातीय स्वयत्तता र स्वशासन राजनीतिक अग्रधिकार धर्मनिरपेक्षता राज्यका सम्पुर्ण अंगहरुमा आदिवासी/जनजातिहरुको समानुपातिक प्रतिनिधित्व, आदिवासी/जनजातिहरुको पहिचान, आदिवासीहरुको अधिकारसम्बन्धी संयुक्त राष्ट्रसंघीय घोषणपत्र, अन्तराष्ट्रिय श्रमसंगठन महासन्धी नं १६९ को कार्यान्वयन र आदिवासी/जनजातिहरुको हक-अधिकारहरुलाई नेपालको नयाँ संविधानमा सुनिश्चितता गराउनको लागि संविधानसभामा आदिवासीहरुको मुद्दालाई हेर्ने छुट्टै संयन्त्र तुरुन्त निर्माण गरिनुपर्ने माग राखेको छ । राज्य पक्षबाट आदिवासी÷जनजातिमाथि भएको सदियौदेखि हुदै आएको दमनको घोर भत्सर्ना गर्दछौं, आउने दिनहरुमा आदिवासी जनजातिको मानव अधिकारको सम्मान गर्नका लागि राज्यलाई आग्रह गर्दछौं र आदिवासीहरुको हकअधिकार संविधानमा लेखाउन दवावस्वरुप गरेको नेपालबन्दले सर्वसाधरणमा पर्न गएको असुविधाको लागि हामी क्षमाप्राथी छौ । साथै, नेपालबन्द सफल पार्न सहयोग पुर् याईदिनहुन सबैमा अनुरोध गर्दछौं ।
पौष १७ गते शुक्रवार सम्पूर्ण यातायात वजार औषधी पसलबाहेक कलकारखाना शैक्षिक संस्थान आदि बन्द हुनेछन् । भने बन्दका दिन एम्वुलेन्स मानवधिकारकर्मी पत्रकार रेडक्रस र कुटनैतिक नियोगका सवारी साधनहरुको आवगमनमा रोक लगाईने छ्रैन ।

सुरेश आले मगर (९८४१५२५८४५)
कार्यवाहक सचिवआदिवासी/जनजाति बृहत मोर्चा नेपालपौष १६ शुक्रवार २०६६ सम्पर्कको लगि दिनेश घले ९८४१५०६०३७, रविन्द्र थिङ ९७४१०१००८६, नरेश ताम्राकार ९८४१५९३५७७

नयाँ वर्षको पहिलो दिन नै आदिवासी/जनजातिले नेपाल बन्द गर्ने

2009-12-31T05:01:00.000-08:00

डीबी आङ्बुङ

पुस १५ नेवाः काठमाडौं /आदिवासी/जनजाति बृहत मोर्चा, नेपालको प्रथम चरणको आन्दोलनको कार्यक्रम अनुसार सरकारले माग पूरा गर्ने कुनै प्रतिक्रिया नदिएपछि पुस १७ गते नयाँ वर्ष २०१० को पहिलो दिन नै मोर्चाले नेपाल बन्द गर्नेभएको छ । नेपाल बन्द गर्नुभन्दा १ महिना अगावै मोर्चाले नेपाल सरकारको प्रधानमन्त्री र संविधान सभाध्यक्षलगायतलाई आफ्नो माग र आन्दोलनको ज्ञापन पत्र बुझाएको थियो । मोर्चाको आन्दोलनको कार्यक्रम अनुसार प्रधानमन्त्रीसँग भेट, संहदरवार धर्ना, चक्काजाम र जिल्ला कार्यायलमा धर्ना गर्दा पनि आदिवासी/जनजातिको जायज मागको सुनुवाई नभएपछि मोर्चाद्वारा उक्त पुस १ को नेपाल बन्दको कार्यक्रम गर्न बाध्य भएको जनाइएको छ ।
यो नेपाल बन्दको कार्यक्रमको घोषणा आन्दोलनको योजना अनुसार पुस ९ गते काठमाडौं जिल्ला कार्यायलको धर्ना र १३ गतॆ नयाँवानेश्वरस्थित् संविधान सभाको हल अगाडि गरिएको धर्ना कार्यक्रममा गरिएको थियो । बन्दको क्रममा मोर्चामा आवद्व सबै राजनीतिक संघ संगठन तथा जातीय र सामाजिक संघ संस्थाहरु पनि सक्रियताका साथ सहभागी हुने जनाइएको छ । त्यसैगरी, यस आन्दोलनमा लिम्बुवान, खम्बुवान, थरुहट, तामाङसासीङ र नेवाःलगायतका राजनीतिक संगठनहरुले पनि सशक्तताका साथ नेपाल बन्द गर्ने जनाइको छ ।
मोर्चाका कार्यवाहक सचिव माननीय सुरेश आलेका अनुसार बन्दको लागि आवश्यक कार्य र प्रचार-प्रसार सबै पूरा भएको छ । पुस १४ गते साँझ नेपाः राष्ट्रिय पार्टीको कार्यालय वसन्तपुर काठमाडौंमा बसेको मोर्चाको तयारी बैठकले काठमाडौं उपत्यकालाई बन्द गर्न ठाउँ र कार्य विभाजनसमेत गरेको छ । सोही अनुसार नेपालका सम्पूर्ण क्षेत्र र जिल्ला जिल्लामा समेत बन्दको जिम्मेवारी तोकी कार्यकर्ताहरु परिचालन गरिएको जनाइएको छ । सो बन्दको अघिल्लो दिन पुस १६ गते बेलुकी काठमाडौंको रत्नपार्कस्थित् शान्तिवाटिकाबाट विशाल मसाल जुलुश गर्नेसमेत कार्यक्रम रहेको छ ।मोर्चाको निर्णय अनुसार बन्दको समयमा यातायात, कल-कारखाना, सरकारी कार्यालय र शैक्षिक संस्थान सबै बन्द गरिनेछ । तर, बन्दका दिन पनि औषधि पसल, एम्बुलेन्स, मानवअधिकारकर्मी पत्रकार, रेडक्रस र कूटनीतिक नियोगका सवारी साधनमा भने रोक लगाइने छैन ।
आदिवासी/जनजाति बृहत मोर्चा, नेपालले लोकतान्त्रिक गणतन्त्र, संघीयता, आत्मनिर्णयको अधिकार, जातीय स्वायत्तता र स्वशासन, राजनीतिक अग्राधिकार, धर्मनिरपेक्षता, राज्यका सम्पूर्ण अङ्गहरुमा आदिवासी/जनजातिहरुको सुमानुपातिक प्रतिनिधित्व, आदिवासी/जनजातिहरुकॊ पहिचान, आदिवासीहरुको अधिकारसम्बन्धी संयुक्त राष्ट्रसंघीय घोषणा-पत्र, अन्तर्राष्ट्रिय श्रम संगठन महासन्धि १६९ को कार्यान्वयन र आदिवासी/जनजातिहरुका हक-अधिकारहरुलाई सुनिश्चित गराउननका लागि सो बन्दको आन्दोलन गरेको जनाइएको छ ।

नेवा: जागरण मन्च जापानद्वारा नयाँ वर्श तथा "घ्यो चाकु सन्हु" को उपलक्षमा सन्स्कृतिक कार्यक्रम गर्ने

2009-12-31T04:59:00.000-08:00

नेवा: जागरण मन्च जापानद्वारा नयाँ वर्श तथा "घ्यो चाकु सन्हु" को उपलक्षमा सन्स्कृतिक कार्यक्रम गर्ने
कुमार बज्र ,ने स ११३० दिसेम्बर ३१ ,टोकियो / नव वर्श २०१० साल तथा नेवारहरुको महान चाड "घ्यो चाकु सन्हु "को उपलक्षमा आगामी जनवरी १ तारिख शुक्रवारका दिन टोकियोको आकासाका मण्डलामा (०३-५५४९-४३४४ )जापानवासीनेपाली दाजुभाइ दिदिबहिनिहरुमा शुभकामना आदानप्रदान गर्न नेवा:जागरन मन्च जापानले बिबिध मनोरन्जनात्मक साँस्कृतिक कार्यक्रम गरिने भएको छ । उक्त दिनको मनोरन्जनात्मक साँस्कृतिक कार्यक्रममा स्थानिय कलाकारहरुको बेजोडको सांगितिक प्रस्तुती तथा भेतघात कार्यक्रम हुने भएको छ / उक्त कार्यक्रममा सारी अथवा नेपालका कुनै पनि जातजातिका भेषभूषा लगाएर आउने महानुभावहरुलाई प्रवेश शुल्कमा भारी छूट गरिने जनाईएको छ । सो कार्यक्रममा आउनेहरुका लागि आवश्यक परेमा नेपाली पोशाक आयोजकहरुले भाडामा उपलब्ध गराउने भएका छन् । हरेक वर्श माघ सन्क्रान्तीको दिन नेवा: समाजमा घ्यु , चाकु र तरुल खाएर घ्यो चाकु सन्हु मनाउने चलन रहेको छ /उक्त मनोरन्जन पूर्ण कार्यक्रममा सादर उपस्थितीको लागि जापानवासी सम्पूर्ण नेपाली दाजुभाई तथा दिदी बहिनीहरुलाई उपस्थित हुन आयोजकहरुले अनुरोध गरेका छन् ।कार्यक्रम हुने स्थान : मिति: १ जनवरी , २०१० शुक्रवार ,दिनको १२ बजे
सहयोग : १५०० (यान सात बर्षसम्म निशुल्क ,सात बर्षा देखी १३ बर्ष ८०० यन)सारी अथवा नेपालका कुनैपनि जनजातिको पोशाक लगाएर आउने सम्पूर्ण साथीहरुलाई प्रवेश शुल्क १००० मात्र, नेपाली भेश भुशा हायरमा पनि पाईन्छ ,एक जोडी अर्थात एक सेतको २२०० यान खाना : नेपाली ब्युफे लन्च स्थान: Nepal Restaurant & Bar Mandala 〒107-0052,Leo Akasaka Bldg.B1F, 6-2-14 Akasaka,Minato-ku, Tokyo, Sub Way Chiyoda Line 5b Exit, Walk 30 sec.बिशेष आकर्षण : डिजे नरेन्द्र कुमार शाक्य , नेपाली रिमिक्स गीत तथा डान्स अनिल कुमार तथा स्थानिय कलाकार्हरु Map http://r.gnavi.co.jp/g384402/map1.htm
Contact: 03-5549-4344 Sunil: 090-4294-6887 Janak: 080-3189-9198 　　　　　　　　　　　　　　　　　　　　　　　　　　Shakya: 80-3411-0139, Sagar: 080-3509-3640 , Khrisna: 080-3155-3358 ,Rajendra: 080-1217-0271 Anil 090-3710-6519 Gehendra 090-6513-8370सुचना नेवा: जागरणमन्चको शाखा संसारभर गठन गर्ने कार्य भईरहेको हुनाले इछुक ब्यक्तिहरुले तलको ठेगानामा
सन्पर्क गर्नुहोला /नेवा: जागरण्मन्च केन्द्रिय कार्यालय काठमन्दौ ४२६१६६३ ,संयोजक :सुजिब :98510-81750 , सदस्ये :सरोज : ,9841-451574जापान शाखा अध्यक्ष :Sunil 090-4294-6887 (Japan) newajagaranmancha@gmail.com

कार्तिकेय बालप्रतिभा पुरस्कार र सम्मानहरू प्रदान गरियो

2009-12-31T04:58:00.000-08:00

काठमाडौं पुस ४, २०६६बालबालिकाको क्षेत्रमा विगत चौध वर्षदेखि कार्यरत संचारकर्मी/लेखक कार्तिकेय घिमिरेको विभिन्न पत्रपत्रिकामा वर्षभरि प्रकाशित लेखरचना तथा पुस्तकहरुको लेखकस्व/रोयल्टी जम्मा गरी वर्षेनी एकजना बालप्रतिभालाई विगत आठ बर्षदेखि प्रदान गरिदै आएको कार्तिकेय बालप्रतिभा पुरस्कार २०६६ का लागि एसओएस. बालग्राम जोरपाटीका दशवर्षीय बालप्रतिभा श्री सिर्द्घार्थ खड्काज्यूलाई प्रदान गरिएको छ । गायन, संगीत, चित्रकला, अभिनय र अध्ययनमासमेत उत्कृष्ट रहेका खड्का अनाथ बालक हुन् । उनी भर्खरै उनको उमेर समूहमा सम्पन्न अन्तराष्टिय चित्रकला प्रतियोगितामा पनि प्रथम भएका थिए । आज नेपाल प्रज्ञा प्रतिष्ठानमा आयोजित एक समारोहबीच वरिष्ठ बालसाहित्य लेखक शान्तदास मानन्धर र एसिए जापानका अध्यक्ष सोकाहितो सुगिमोतोले संयुक्त रुपमा नगद रु पाँच हजार एक र सम्मान पत्रसहित बालप्रतिभा खड्कालाई पुरस्कृत गर्नुभएको थियो । कोषका अध्यक्ष मोहनकुमार कार्कीको सभापतित्वमा सम्पन्न यस समारोहमा कार्तिकेय बालप्रतिभा सम्मान- २०६६ बाट बालगायक श्री राहुल भूजेलज्यू र बालकलाकार सुश्री दीप्ति गिरीज्यू एवं कार्तिकेय बालसाहित्य प्रवर्धन सम्मान- २०६६ बाट नेपाल एफ.एम.को बाल कार्यक्रम संचालक/संयोजक पत्रकार सुश्री सिर्जना खड्काज्यू सम्मानित हुनुभएको थियो ।यस कार्यक्रममा अतिथिका रुपमा बोल्दै साहित्यकार कृष्ण धरावासी, प्रमोद प्रधान, प्रा.डा.अच्युतमणि आचार्य, प्रा.डा.श्रीधर गौतम, प्रदीप बम्जन, महेश पौड्याल प्रारम्भलगायतका व्यक्तित्वहरुले बालअधिकार, बालसाहित्य र बालप्रतिभाको समग्र प्रवर्धनका विषयमा राज्य गम्भीर हुनुपर्ने धारणा राख्नुभएको थियो ।

नेपाल जानकोलागी कुवेत एयरपोर्ट पुगेका दुई चेली – एक पुगिन जेलमा अर्की कसैको कोठिमा

2009-12-31T04:49:00.000-08:00

सुजन के सि /बिर्खजित राई
३० डिसेम्बर, कुवेतमा नेपाली चेलीको प्रबेश दिनहु बढ्दै गएको छ त्यसरी नै बिचल्लित हुने क्रम पनि जारी छ । २९ डिसेम्बरका दिन ताप्लेचुङ, पिदिमकी १९ बर्षिय थामसियुङ लिम्बु नेपाल जानको लागि मालिक को घर बाट भागी एयरपोर्ट पुगेकी रहिछन । ३ महिना अघी कुवेत पुगेकी लिम्बुले सुनिल नाम को ईन्डिया नेपाल गर्ने ००९१९९६७१९१५४ नम्बर को ब्यक्तीलाई ६२ हजर तिरी आएको बताइन् । जती काम गरे पनि गाली गर्ने, बेलामा खान नदिने र कुट पिट गरेकोले उनिहरुको ज्यादती सहन नसकी नेपाल जानको लागि भागेर एयरपोर्ट पुगेकी रहिछन । तीन महिनाको पारीश्रर्मिक नपाएकी लिम्बु सँग टिकेट पास्पोर्ट केही पनि रहेन छ । नेपालकुवेत डट कम का रिपोर्टर बिर्खजितराइ एअरपोर्ट पुग्दा बङलादेशी र पाकिस्तानीले म सँग हिड र उनी सँग जाउ गरेको देखेपछी उद्दार कर्ता खोज्दै जादा एकजना नेपालीले खान र बस्न दिन्छु भनेकोले उनैको साथ लगाइ दिएका थिए। त्यस्तै ३० डिसेम्बरका दिन अर्की चेली भागेर एअरपोर्ट पुगेकी रहेछिन ति हुन गोर्खाकी निर्मला श्रेष्ठ । २ महिना पहिला दिल्ली हुँदै कुवेत पुगेकी १८ बर्षिय किशोरिको काहानी अली फरक छ । उनी खान नपाई कुट पिट वा सेक्सउल कारणले भागेकी रहिनछीन यिनिलाई टोईलेको गन्ध आएछ,साहु साहुनिले लगाउने भित्री कपडा सफा गर्न मन लगेन छ । जुठा भाडा सफा गर्न सकिनछीन । बिचरालाई घरेलु नोकरानीले के काम गर्नु पर्छ भन्ने पनि थाहा रहेन छ । बिना पासपोर्ट , टिकेट एअरपोर्ट पुगेकी यी नेपाली चेलीले सहयोग को गुहार लगाउने क्रममा बेस्याब्रितीमा संलग्न गिरोहका नाइके भेटिछन । उनिसँग पासपोर्ट टिकेट नरहेको र उनी मालिकको घर सम्म पुर्याउने अफिसमा पनि फर्कन नचाएको सुइको पाएपछी ती गिरोहका नाइकेहरुमा प्रतिसप्रदा लागेका रहेछन । एअरपोर्टमा कार्यरत सुरज तमाङ लगाएतका नेपालीहरु ले यो कुरा थाहा पाएपछी ति चेलीलाई उनिहरु को साथमा नजान भनेका थिए । त्यस पश्चात दुई पक्ष बिच बिबाद सुरु भएको थियो । उनिहरुले आफुहरुएको अफिस मार्फत कुवेत पुगेको दाबी गरेका थिए भने नेपालीहरु ले आफ्नी चेली यस्ता गिरोहको हात लाग्न नदिने प्रयासमा थिए । बिबाद लम्बिए पश्चात एअरपोर्ट पुलिसले हस्तक्षेप गरेको थियो । अन्तमा घर बाट भागेको अभियोगमा कुवेत पुलिसले गिरफ्तार गरेको थियो उनी अहिले जेलमा थुनिएकी छन । यसरी मालिक को घरबाट भागेका चेलीबेटी हरु न त नेपाल जान सक्छन । न त काम गर्न पाउछन । बिकल्प भनेको झिनो माया लगाएर पराइ पुरुषको बिस्तरा तताउनु वा जेल को नरर्किए जिबन बिताउनु पर्छ । परीणामस्वरूप कुवेतका गल्ली देखी जेल सम्म कुमारी आमा र बच्चा प्रसस्तै भेटिन्छन् ।

सुपरस्टार नाइटका लागि कलाकार दोहामा

2009-12-31T04:44:00.000-08:00

ुनेपाली सुपरस्टार नाइटु नयाँ बर्ष २०१० को अवसरमा यसै शुक्रवार १ जनवरीमा दोहा सिनेमा हलमा आयोजना हुदैछ । सो सांस्कृतिक तथा मनोराजनात्मक प्रस्तुतीका लागि कलाकारहरुको टोली दोहा आइसकेको आयोजक तेजेन्द्र महतले जनाएका छन् ।नेपाली व्यवसायी संघका महासचिव रहेका महतको आयोजनामा यसअघि तय गरिए अनुसार सो सुपरस्टार नाइटमा कतारवासी नेपाली दर्शकलाई मनोराजन दिलाउन चर्चित आधुनिक तथा पप गायक शिव परियार र अाजु पन्तका साथमा प्रसिद्व लोकगायक राजु परियार र निशा सुनुवार नायिका रेजिना उप्रेती गायिका तथा उद्घोषिका सुनिता दुलाल हास्य कलाकार कमल गाउँले नृत्य कलाकारहरु रमेश विसी र सम्झना बुढाथोकी गरी फरक फरक प्रतिभा भएका नेपालका ख्यातिप्राप्त कलाकारहरुको १० सदस्यीय टोली दोहा आएको छ । कलाकारहरुको टोली मंगलवार र बुधवार गरी २ समुहमा कतार आइसकेका छन् । राजधानी अन्तर्राष्ट्रिय साप्ताहिक संगको कुराकानी आयोजक महतले जनाए अनुसार १ जनवरीमा दोहा सिनेमामा २ शो हुने कार्यक्रम रहेको छ भने नव बर्ष २०१० को पुर्वसन्ध्यामा विहिवार ३१ डिसेम्बरको साँझ खुसीयाली तथा शुभकामना आदानप्रदान गर्न पौरखी ग्रुप इन्टरनेशनलले कलाकारहरुका साथ रात्रीभोजसहितको ुस्पेशल शोुको आयोजना गर्दैछ । स्थापित कलाकारहरुले ३ घण्टा लामो स्टेज प्रस्तुतीमा मौलिक गित-संगित नृत्य हास्यब्यंग्य लगायतका विधा समाविष्ट छन् । सुपरस्टार नाइट अन्तर्गत नयाँ बर्षको पहिलो दिन १ जनवरीमा दिउसो १ः३० बजे पहिलो शो र साँझ ५ बजेबाट दोश्रो शो शुरु हुने जनाउँदै महतले कतारी रियाल ४० ५० र ७० का टिकटहरु बजारमा उपलब्ध रहेको बताए । सुपरस्टार नाइट यसअघि ईद उल अध्हाको अवसरमा आयोजना हुने तय भएर पनि अन्तिम समयमा प्राविधिक कारणले रोकिएको थियो । कलाकारहरु इदका लागि नै दोहा आउन तयार भएपनि प्राविधिक कारणवस रोकिनु परेकोले अव नयाँ बर्षको अवसरमा सो आयोजना गरिएको हो । आयोजनाका लागि सम्पुर्ण तयारी भइसकेको आयोजक महतले बताएका छन् । महतले कतारमा नेपाली सांस्कृतिक तथा मनोराजनात्मक कार्यक्रम आयोजना गर्न लागेको यो सातौंपटक हो । विगतमा दर्शकहरुबाट प्राप्त भएको साथसमर्थनबाट निकै उत्साहित भएर केहि बर्षको अन्तरालपछि यो आयोजनामा अग्रसर भएको महतले बताए । नयाँ बर्षमा नयाँ उत्साह र समर्थन पाउने आशा उनले ब्यक्त गर्दै आएका छन् ।नयाँ बर्षलाई कलाकारकासाथमा रमेर स्वागत गर्ने अवसरकारुपमा गल्फ प्याराडाइज होटलमा पौरखी शुभकामना साँझ आयोजना हुने उल्लेख गर्दै पौरखीका प्रकाश श्रेष्ठले उक्त विशेष शोका लागि ुडिनरुको सुविधासहित एकल िसंगललाई १ सय ५० करि र युगल कपल लाई २ सय ५० करिका टिकट बजारमा उपलब्ध रहेको बताए ।

नेपाल जापान बौद्ध संघ जापानको प्रथम ऐतिहासिक साधाहरन भेला सम्पन्न

2009-12-31T04:36:00.000-08:00

तारा राना मगर, जापान
आज मिती २००९-१२-३० का दिन नेपाल जापान बौद्ध संघ जापानको प्रथम ऐतिहासिक साधाहरन भेला तदर्थ समितिका सम्योजक सुर्य तमाङ ज्युको सभापतित्तव तथा तोकिरिन्जु गुम्बाका श्रदय धर्म गुरु ताकावाका ज्युको प्रमुख आतिथ्येतामा जापानको सुन्देर नगरी टोयोटा सिटीको एकाकु चो अन्तर्गत सामुदायीक भवनमा भब्यताका साथमा सम्पन्न भयो ३ चरण मा बिभाजीत उक्त भेलाको प्रथम चरण मा फुर्पा लामा ज्यु बाट सम्पुर्ण मानब तथा जिब जातिको सुख शान्ति र मोक्ष्य प्राप्तीको लागि बौद्ध धर्म र परम्परा अनुसार पुजा पाठ गरिएको उक्त पुजा पाठको समापन पस्चात औपचारिक रुप्मा खुला सभामा परिनत भएको थियो अतिथी हरुमा नेपाल आदिबासी जनजाती माहा संघ जापान तदर्थ समितिका सम्योजक श्री डम्बर गुरुङ ,नेपाली आदिबासी जनजाती माहा संघ जापानका उपाधक्ष्य भेस राज तमु ,शेर्पा संघ तोक्यो जापानका बरिस्ठ उपाधक्ष्य लाक्पा गेल्बु शेर्पा , मगर सेवा समिती तोकाइ जापान का अधक्ष्य राजु राना मगर ,शेर्पा संघ नागोया जापानका अधक्क्ष्य पासाङ शेर्पा ,तमुधी नागोया जापानका सचिब लोकमान गुरुङ ,थकाली सेवा समिती का अधक्ष्य सन्देश सेरचन र नेपाल जापान तमाङ मैत्री समाज जापानका सचिब अनिल तमाङ को पनि उपस्थिती रहेको थियो सुभकामना मन्तब्य दिने क्रममा प्रमुख अतिथीको आसन बाट धर्म गुरु ताकावाका ज्युले सामुहिक भावना र प्रयास बाट ब्यप्त अशान्ति ,हिन्सा ,कोलाहल ,असिक्ष्या र हरेक दु:ख लाई कम गर्दै लानु पर्ने कुरामा जोड दिनु हुँदै नव गथित नेपाल जापान बौद्ध संघ जापानले यस महान उदेश्यमा सहाएक भूमिका खेल्ने बिसयमा बिस्वस्त बन्दै कार्यक्रमको पूर्ण सफलता एवम सस्थाको उत्तोतर प्रगतीको कामना गर्नु भएको थियो तेसै गरि अन्य अतिथीहरु बाट पनि सुभकामना मन्तब्य दिने क्रममा बुद्धको जन्म थलो नेपाल का नेपाली हामी दसकौ देखि हजारौंको सन्ख्यामा जापानमा रहेर पचासौ संघ सस्थाहरु खोली आबद्द रहेता पनि बौद्ध दर्शन र धर्मलाई ब्यापक्ता दिने ,बौद्ध मार्गी हरु बिचमा आपसी सद्भाब र सहयोग आदान प्रदान गर्न तथा बिस्व भरका बौद्ध संघ सस्था हरु संघ बिस्व बन्धुत्व कायम राख्ने खालको सस्था को खाचो भैरहेको अवस्थामा यस सस्थाको गठनले त्यो अभाबलाई पुरा गर्ने कुरा बिस्वस्त बन्दै बौद्ध दर्शन र धर्म प्रति हुने हरेक खाले सद्यन्त्र र आक्रमण प्रति संगथित हुँदै सान्तिपुर्न ढंग बाट प्रतिबाद गर्न अरु अपरिहार्यता रहेकोमा जोड दिएको थियो माहासचिब तारा राना मगर बाट सन्चालित उक्त खुला सत्रको समापनको क्रममा सभापतिको आसन बाट सुर्य तमाङ ज्युले कठिन परिस्थीको बाब्जुद पनि प्रथम ऐतिहासिक साधाहरन भेलालाई ब्यापक रुपमा सम्पन्न गर्न पुर्‍याउनु भएको अपार सहयोगको लागि हार्दिक धन्यवाद दिनु भएको थियो खुला सभाको समापन संगै प्रबेस गरेको बन्द सत्रमा माहासचिब तारा राना मगर बाट प्रस्तुत मसौदा बिधान उपर ब्यापक छल्फल पस्चात परिमार्जन सहित पारित गरिए लगत्तै कार्य समितीको चयन प्रक्रियामा प्रबेश गरि सर्बसम्मतिबात सुर्य तमाङ कै अधक्ष्यतामा देहाय बमोजिमको नयाँ कार्य समितीको चयन गरिएको छ
अधक्ष्य : सुर्य तमाङ ,बरिस्थ उपाधक्ष्य :खाली ,उपाधक्ष्य :राजु राना मगर ,उपाधक्ष्य :फुर्पा शेर्पा ,माहासचिब :बिरेन्द्र गौचन ,सचिब :खाली ,कोसाधक्ष्य :भेस राज तमु ,सहकोसधक्ष्य : खाली ,सदश्यहरुमा : धन अर्गेजा मगर ,अनिल तमाङ ,बसन्त गौचन ,सन्दिप तमाङ ,लोकमान गुरुङ ,कुसाङ शेर्पा रहनु भएको छ भने ३ सदश्य पद खाली रहेको छ पुनस्छ :रिक्त रहेका पद हरु सबै क्षेत्र र समाजलाई समेत्दै बेसी समाबेसी तथा प्रतिनिधिमुलक रहोश भन्ने उद्देश्य लीइएको जानकारी पनि गराइन्छ --

NRN कोरिया र कोरिया नेपाल मैत्री एसोसियसन बीच सहयोग आदान प्रदान गर्ने सहमति

2009-12-30T06:12:00.000-08:00

पुरु जोशी, ३० डिसेम्बर २००९ - आउंदो जनवरी ३ तारिख आईतबारका दिन एन NRN कोरियाद्वारा आयोजना गरिने नेपाल हाउस च्यारिटी शोमा कोरिया नेपाल मैत्री संघले सहयोग गर्ने प्रतिबद्धता ब्यक्त गरेको छ । सो प्रतिबद्धता यहि डिसेम्बर २७ आईतबारका दिन दुई संस्थाबीच राजधानीको जोङ्गाक स्थित ताजमहल रेष्टुरेन्टमा सम्पन्न Year End Party मा भएको हो ।
महामहिम राजदूतको बिशेष उपस्थितीमा सम्पन्न उक्त कार्यक्रममा NRN कोरियाका अध्यक्ष बिनोद कुँवरले कोरिया नेपाल मैत्री एसोसियसनका अध्यक्ष इ इन् जङलाई फुल गुच्छा दिई स्वागत गर्नु भएको थियो । NRN कोरिया र कोरिया नेपाल मैत्री संघ बीच आपसी सहयोग आदान प्रदान गर्ने उद्देश्यले आयोजित सो कार्यक्रममा NRN का पदाधिकारीहरु लगायत बिभिन्न बिशिष्ट ब्यक्तिहरुको उपस्थिती रहेको थियो । आउंदो जनवरी ३ मा आयोजना गरिने नेपाल हाउस च्यारिटी शो सफल हुनका लागि हाम्रो संस्थाबाट सक्दो सहयोग गर्नेछौं कोरिया नेपाल मैत्री संघका अध्यक्ष इ इन् जङले भन्नु भयो । वहाँले कोरिया नेपाल मैत्री संघमा लगभग १५० जना कृयाशील सदस्यहरु रहेको खुलासा गर्दै सबैलाई च्यारिटी शो बारे जानकारी गराउने बताउनु भयो र साथै सो दिन कोरिया नेपाल मैत्री संघको तर्फबाट नेपाल हाउस बनाउन आर्थिक सहयोग गर्ने पनि बताउनु भयो ।

करीब ७ बर्ष नेपाल बाणिज्य दूतको रुपमा काम गरिसक्नु भएका कोरिया नेपाल मैत्री करीब ७ बर्ष नेपाल बाणिज्य दूतको रुपमा काम गरिसक्नु भएका कोरिया नेपाल मैत्री संघका अध्यक्ष इ इन् जङले सन् १९७६ मा पहिलो नेपाल भ्रमण गर्नु भएको थियो ।
एन आर एन कोरियाद्वारा आउंदो जनवरी ३ तारिख आयोजना गरिने नेपाल हाउस च्यारिटी शो को समय परिवर्तन भएको जानकारी प्राप्त भएको छ । पोष्टर तथा टिकटहरुका साथै बिभिन्न अनलाइनहरुमा कार्यक्रम शुरु हुने समय ३ बजे भएतापनि उक्त कार्यक्रम शुरु हुने समय ठीक १ बजे रहेको जनाएको छ । दिनको १ बजेदेखि कोदाची नामक कोरियन बैण्डको आकर्षक प्रस्तुतीद्वारा शुरु गरिने भएको हुनाले कोरियावासी सम्पूर्ण नेपालीहरुमा १ बजे भित्र कार्यक्रम हलमा उपस्थित हुन अनुरोध गरेको छ ।

लोप हुने अवस्थामा धाननाच

2009-12-30T05:05:00.000-08:00

गुरुङजातिको सांस्कृतिक चाड ‘ल्होछार’, राई जातिको ‘साकेला’ लोकपि्रय गैरजातिबीच पनि लोकपि्रय बन्दै गइरहेको छ, तर लिम्बूहरूको संस्कृति धाननाच -याःलाङ) भने लोप हुने अवस्थामा पुगेको छ ।नेपालका पूर्वी जिल्ला पाँचथर, तेह्रथुम, ताप्लेजुङ, इलाम, धनकुटा, झापा, सुनसरीका लिम्बूहरू तथा दार्जिलिङ र सिक्किमका गैरलिम्बूहरूले समेत संस्कृतिका रूपमा मनाउँदै आएको धाननाच बढ्दो सहरीकरण र पश्चिमेली संस्कृतिको प्रभावले लोप हुने अवस्थामा पुगेको हो ।कात्तिकदेखि चैतसम्मको सुख्खा र फुर्सदिलो महिनामा विवाह-सुधाई, हाटबजार, मेलापात आदिमा पालाम -धाननाच गीत) गाउँदै लिम्बूहरूले सो पर्व मनाउने गर्छन् । यसको सुरुवात कहिलेदेखि भयो ? अझै आधिकारिक पुष्टि हुन नसके पनि मानव सभ्यताको विकाससँगै लिम्बू जातिको सभ्यताको सुरुवात भएको र सोही वेलादेखि नै लिम्बूहरूले धाननाच नाच्दै आएको किरात याक्थुङ चुम्लुङका पूर्वकेन्द्रीय सदस्य राजेन्द्रकुमार जवेगुले बताए । उनले भने, ‘मल्ल शासनकाल नेपाली संस्कृतिको स्वर्णयुग मानिए पनि नेपाली संस्कृतिको प्रारम्भिक युगसँगै धाननाच नाच्न थालिएको इतिहास छ ।’बीसदेखि चालीसको दशकमा लिम्बूहरूबीच लोकपि्रय धाननाच लोप हुने अवस्थामा पुग्नु भनेको युवामा सांस्कृतिक चेतनाको कमी हुनु बताउँछन् किरात याक्थुङ चुम्लुङका जिल्ला अध्यक्ष चन्द्रकुमार आङदेम्बे ।‘युवामा बढ्दो सांस्कृतिक उदासीनताको कारण जातीय पहिचान बोकेका संस्कृति लोप हुने क्रम बढ्दो छ । यसलाई मलजल गर्ने काम राज्यले पनि गरेको छ । त्यसैले अब संस्कृति जोगाउन युवा सांस्कृतिक आन्दोलनमा लाग्नुपर्छ,’ आङदेम्बेले भने, ‘युवामा सांस्कृतिक चेतना आउने हो भने धाननाचले पुनर्जीवन पाउन सक्छ ।’धाननाच शब्द सुन्नेबित्तिकै आप\mनो बैँस सम्झन्छन् कलाकार प्रेम पन्धाक । ‘पालाममा यस्तो जादु हुन्छ, जुन गीत गाउँदागाउँदै युवा-युवतीमा मायाको मुना पलाउँछ र त्यो विवाहमा परिणत हुन्छ,’ पालाम गुनगुनाउँदै पन्धाकले भने, धाननाच नाचेर धेरै साथीले विवाह गरेका छन् ।’तर, धाननाचको लोकपि्रयता घट्नु स्वाभाविक देख्छन् सञ्चारकर्मी सेसेफुङ शेर्मा । उनी भन्छन्, समय परिवर्तनसँगै लोकपि्रयतामा ह्रास त आउँछ नै तर लोप हुने अवस्थामै पुग्नु भनेको युवामा सांस्कृतिक चेतनासँगै जातीय माया पनि हराउनु हो । अहिले धाननाचले यही वास्तविकतालाई भोगिरहेको छ ।’अहिले धाननाच कार्यक्रम तथा गोष्ठीमा झाँकीका रूपमा मात्र सीमित रहेको शेर्मा बताउँछन् ।

नेदरल्याण्डबासी नेपालीहरुद्धारा नयाँवर्षको कार्यक्रम आयोजना

2009-12-30T05:01:00.000-08:00

सूर्यराज गिरी, नेदरल्याण्ड
२९, डिसेम्बर २००९ - सन् २००९ को बिदाई तथा २०१० को स्वागत कार्यक्रम नेदरल्याण्डबासी नेपालीहरुले भब्य रुपमा मनाए । एनआरएन नेदरल्याण्डको आयोजना तथा एनआरएन कल्चरसेन्टरको संयोजकत्वमा भएको सो कार्यक्रमको शुरुवात एनआरएन नेदरल्याण्डकी राष्ट्रिय संयोजक इन्दिरा लामाले गर्नुभएको थियो । एनआरएनका केन्द्रिय प्रतिनिधि रामबाबु नेपालले मैनबत्ती बालेर उक्त कार्यक्रमको उद्घाटन गर्दै एनआरएनले अहिले गरिरहेको र भावी दिनहरुमा गर्ने कार्यक्रमहरुका बारेमा प्रष्ट पार्नुभएको थियो । यसैगरि एनआरएन नेदरल्याण्डका अध्यक्ष गोबिन्द रौनियारले उपस्थित सबैलाई स्वागत तथा नववर्ष २०१० को शुभकामना ब्यक्त गर्नुभएको थियो ।
सूर्यराज गिरी, नेदरल्याण्ड
२९, डिसेम्बर २००९ - सन् २००९ को बिदाई तथा २०१० को स्वागत कार्यक्रम नेदरल्याण्डबासी नेपालीहरुले भब्य रुपमा मनाए । एनआरएन नेदरल्याण्डको आयोजना तथा एनआरएन कल्चरसेन्टरको संयोजकत्वमा भएको सो कार्यक्रमको शुरुवात एनआरएन नेदरल्याण्डकी राष्ट्रिय संयोजक इन्दिरा लामाले गर्नुभएको थियो । एनआरएनका केन्द्रिय प्रतिनिधि रामबाबु नेपालले मैनबत्ती बालेर उक्त कार्यक्रमको उद्घाटन गर्दै एनआरएनले अहिले गरिरहेको र भावी दिनहरुमा गर्ने कार्यक्रमहरुका बारेमा प्रष्ट पार्नुभएको थियो । यसैगरि एनआरएन नेदरल्याण्डका अध्यक्ष गोबिन्द रौनियारले उपस्थित सबैलाई स्वागत तथा नववर्ष २०१० को शुभकामना ब्यक्त गर्नुभएको थियो ।
google_protectAndRun("ads_core.google_render_ad", google_handleError, google_render_ad);
पुष्प बरुवालको नेतृत्वमा बिभिन्न कलाकारहरुले आफ्ना आफ्ना कुशल नृत्यहरु प्रस्तुत गरेका थिए । कार्यक्रमको मध्यभागमा एनआरएनका ठाकुरप्रसाद शर्मा तथा राष्ट्रिय एकता नेपाल नेदरल्याण्डका तर्फबाट उक्त संस्थाका सदस्यहरु बुद्धिसागर आचार्य (भुवन), बिकाश शर्मा, रोशन घिमिरे आदिले स्वादिष्ट नेपाली खानाको प्रबन्ध गर्नुभएको थियो । नेदरल्याण्डमा रहेको नेपाली बिद्यार्थीहरुको सांगीतिक समूहका तर्फबाट रन लामा, सन्तोष चिलुवाल, बिक्रम गुरुगं, तथा आयुष प्रधानले बिभिन्न गीतहरु प्रस्तुत गर्नुभएको थियो । बिगतका वर्षको कार्यक्रमभन्दा यसवर्षको कार्यक्रमलाई आकर्षक र छुट्टै किसिमले प्रस्तुत गरिएको कुरा कार्यक्रम संयोजक समितिका प्रमुख फणिन्द्र पन्तले जानकारी गराउनुभएको थियो । बिभिन्न नेपाली गीतसंगीत र नृत्यहरु प्रस्तुत गरिएको उक्त कार्यक्रममा उल्लेख्य संख्यामा दर्शकहरुको उपस्थिति रहेको थियो । प्रस्तुत कार्यक्रममा बिभिन्न गजल, कविता, हाईकु आदिहरु समेत प्रस्तुत गरिएको थियो ।
कार्यक्रमको प्रवेशका क्रममा बिक्री गरिएको टिकटका आधारमा खोलिएको चिठ्ठा कार्यक्रम उपस्थित दर्शकहरुका लागि आर्कषणको केन्द्रबिन्दु रहेको थियो । कार्यक्रमको अन्तिम चरणमा डिजे श्रीले प्रस्तुत गर्नुभएका सांगीतिक झंकारहरुमा उपस्थित दर्शकहरु झुमेका देखिन्थे । कार्यक्रममा सहभागी कलाकारहरुलाई एनआरएन नेदरल्याण्डका तर्फबाट प्रशंसा-पत्र तथा बिभिन्न उपहारहरु बितरण गरिएको थियो । नेपाली कला र संस्कृतिलाई बिदेशमा चिनाउन तथा यसको संरक्षण एवं सम्बर्धन गर्न एनआरएन नेदरल्याण्डले

एनआरएन रूसद्वारा नेपाली दूतावास मस्कोमा दोहोरो नागरिकता सम्बन्धि ज्ञापन-पत्र हस्तांतरण

2009-12-30T04:57:00.000-08:00

प्रवीण गौचन, मस्को
गैर आवासीय नेपाली संघ, अंतराष्ट्रिय समन्वय परिषद्को निर्देशन बमोजिम सम्पूर्ण राष्ट्रिय समन्वय परिषद्हरुले आ-आफ्नो देशका नेपाली दूतावासहरु मार्फत संबिधान सभामा दोहोरो नागरिकताको व्यवस्था सम्बन्धमा ज्ञापन-पत्र बुझाई अपील गर्ने निर्णय अनुसार गैर आवासीय नेपाली संघ, राष्ट्रिय समन्वय परिषद् रूस-महासंघले गत सोमबार, २८ डिसेम्बर २००९ का दिन मस्को स्थित नेपाली दूतावासमा राजदूत श्री सूर्य किरण गुरुंगलाई दोहोरो नागरिकताको ज्ञापन-पत्र हस्तांतरण गर्यो ।गैर आवासीय नेपाली संघ, राष्ट्रिय समन्वय परिषद् रूस-महासंघका अध्यक्ष डा. मणि राज पोखरेल को नेतृत्वमा गएको टोलीमा गैर आवासीय नेपाली संघका प्रमुख संरक्षक डा. उपेन्द्र महतो, गैर आवासीय नेपाली संघ (आईसीसी) का उपाध्यक्ष श्री जीवा लामिछाने, रूस बाट आईसीसीका लागी सदस्यद्वय डा. बद्री के.सी., श्रीमती सपिला राजभंडारी, निवर्तमान अध्यक्ष डा. सूर्य रिजाल, उपाध्यक्ष श्री संतोष के.सी. , सचिव डा. मधु माधूर्य, कार्यकारी सदस्य श्री भरत राज झा र सानिमा बैंक नेपालका निर्देशक श्री अरुण ओझा हुनुहुन्थ्यो।
राजदूत गुरुंगले ज्ञापन पत्र ग्रहण गर्दै गैर आवासीय नेपाली संघको दोहोरो नागरिकताको व्यवस्था सम्बन्धको ज्ञापन-पत्रलाई अविलम्व नेपाल सरकारको सम्बंधित निकायमा पठाई दिने प्रतिव्यक्तता जनाउनु भयो। ज्ञापन-पत्र हस्तांतरण कार्यक्रम राजदूत गुरुंगको कार्यकक्षमा भएको थियो भने उक्त समारोहमा दूतावासका प्रथम सचिब श्री अच्युत भक्त पौडेलको पनि उपस्थिति रहेको थियो। उक्त अवसरमा उपस्थित सबै जनाबाट नया वर्ष २०१० को शुभकामना आदान-प्रदान गरिएको थियो।

म्याग्दी समाजका भुपु अध्यक्ष लगायत ३ जना म्याग्देलीहरुको बिदाई कार्यक्रम भब्यताका साथ सम्पन्न

2009-12-29T09:04:00.000-08:00

म्याग्दी समाज समिति दक्षिण कोरियाले १९ तारिख शनिबार सांझ राजधानी सउल स्थित दुर्गा रेष्टुरेण्टमा एक बिदाई कार्यक्रम भब्यताका साथ सम्पन्न गरेको छ । म्याग्दी समाजका भुपु अध्यक्ष टेक बहादुर पुन, म्याग्दी समाज खेलकूद अध्यक्ष राम खड्का र साधारण सदस्य ईन्द्र बरुवाल २१ तारिख स्वदेश फर्कने निश्चित भएपछि उहांहरुको सम्मानमा समाजको तर्फबाट बिदाई कार्यक्रमको आयोजना गरिएको हो । समाजका अध्यक्ष नर बहादुर पुनको अध्यक्षता र एन आर एन कोरियाका अध्यक्ष बिनोद कुवरको प्रमुख आतिथ्यमा सम्पन्न उक्त बिदाई कार्यक्रममा करिव ५० जना म्याग्देलीहरु र अन्य संघ संस्थाका पदाधिकारीहरुको उपस्थिति रहेको थियो । सांझ ८ बजे देखि शुरु गरिएको बिदाई कार्यक्रममा बिभिन्न बक्ताहरुले स्वदेश प्रस्थान गर्न लागेका ३ जना म्याग्देलीहरुको सफल यात्राको कामना गर्दै उत्तरोत्तर प्रगतिको कामना गरेका थिए । कार्यक्रममा म्याग्दी समाजका अध्यक्ष नर बहादुर पुनले समाजको तर्फबाट ३ जना म्याग्देलीहरुको बिदाई स्वरुप प्रमाण पत्र र उपहार प्रदान गर्नु भएको थियो । दोश्रो चरणको कार्यक्रममा खानपिन र नाचगान गरि रातको १२ बजे तिर सम्पूर्ण कार्यक्रमको अन्त गरिएको थियो भने सम्पन्न बिदाई कार्यक्रममा बाबुराम शर्माको स्वागत र भरत तुलाचनको संचालन रहेको थियो ।

छात्रवृत्तिको लागि छनौट परिक्षा सम्पन्न

2009-12-29T08:30:00.000-08:00

रोशनी तमू
पोखरा, पौष, ११ / तमू साँकृतिक प्रतिष्ठान पोखराले आज २०६७ सालमा वितरण गरिने छात्रवृत्तिको लागि लिखित छनौट परिक्षा सम्पन्न गरेको छ ।
विगतका वर्षहरुमा कास्की जिल्लालाई मात्र कार्यक्षेत्र बनाइ वितरण गर्दे आएको उक्त छात्रवृत्ति यस वर्षदेखि भने कास्कीको आलवा स्याङ्जा, पर्वत, तनहुँ, लमजुङ्ग गरि ५ वटा जिल्लामा अध्ययन गर्ने जेहेन्दार तमू विद्यायर्थीहरुलाई यो छात्रवृत्ति प्रदान गरिने भएको छ । यस वर्षको परिक्षमा ति जिल्लाका कूल २० वटा विद्यालयबाट ३९ जना विद्यार्थीको सहभागिता रहेको छ । कक्षा ८ दखि १० सम्म अध्ययन गर्ने विद्यायर्थीहरुलाई उक्त पुरस्कार प्रदान गरिन्छ ।
परिक्षामा सहभागि विद्यायर्थी मध्येबाट छनौट भएका ६ जना विद्यार्थीलाई वाषिर्क ६ हजारका दरले तिन वर्षसम्म उक्त छात्रवृत्ति प्रदान गरिने छ । परिक्षामा सहभागी विद्यायर्थीलाई छनौट गर्न प्राध्यपक डा.विरेन्द्रसिंह गुरुङ्गको संयोजकत्वमा ५ सदस्यीय छनौट समिति समेत गठन गरिएको छ ।
उक्त समितिको अन्य सदस्यहरुमा पुर्व प्रधानाध्यापक एवं संस्कृतिकर्मी लोकबहादुर गुरुङ, प्राध्यपक रामु गुरुङ, सञ्चारकर्मी हुमबहादुर गुरुङ र शिक्षक राम गुरुङ रहनु भएको छ ।
आउँदो ०६७ वैशाखमा प्रदान गरिने सो छात्रवृत्ति पाउनको निम्ती विद्यार्थीले नियमीत रुपमा विद्यालयमा परिक्षा उर्त्तिण गरेको र विद्यालयले सिफारिश गरेको हुनु पर्ने छ । यस अघि सो प्रतिष्ठानले १२ जना जहेन्दार तमू विद्यार्थीलाई उक्त छात्रवृत्ति वितरण गरि सकेको छ । भने नेपाल अधिराज्यबाट एस.एल.सी. परिक्षामा उत्कृष्ट अकं ल्याउने ३१ जना विद्यार्थीहरुलाई समेत सम्मान गरि सकेको प्रतिष्ठानका अध्यक्ष झमबहादुर गुरुङले जानकारी दिनु भएको छ ।
२०५८ सालमा स्थापना भएको सो संस्थाले `उच्च शिक्षा हाम्रो लक्ष्य` भन्ने मूल नाराका साथका शैक्षिक क्षेत्रमा सक्रिय भई काम गर्दे आइ रहेको छ ।

स्वीट्जरल्याण्डबाट नयाँ नेपाली वेब साइट सन्चालन हुने

2009-12-29T08:22:00.001-08:00

हिरालाल श्रेष्ठ, स्वीट्जरल्याण्ड
स्वीट्जरल्याण्डमा स्थायी तथा अस्थायी रूपमा बसोबास गरी रहेका नेपालीहरूको साझा सहयोगमा यही नयाँ बर्ष २०१० जनवरी १ बाट नेपाल स्वीस डट कम (www.nepalswiss.com) नामको वेब पत्रिका सन्चालन हुने भएको छ । यसमा स्वीसबासी नेपालीहरूको गतिविधीहरूको साथमा स्वदेश तथा विदेशका समसामयिक समाचार, सूचना, साहित्य र मनोरन्जनका सामाग्रीहरू प्रकाशीत हुनेछ । यसका अतिरिक्त यस साइटमा वेब टेलिभिजन, अनलाइन रेडियो र साप्ताहिक चलचित्रहरू पनि हेर्न र सुन्न पाउनु हुनेछ । हाल यस वेब साइटको इमेल ठेगाना nepalswissdotcom@yahoo.com मा स्वदेश तथा विदेशबाट समाचार, सूचना तथा साहित्यका सामाग्रीहरू पठाउनु सकिने छ ।

स्वीट्जरल्याण्डबाट नयाँ नेपाली वेब साइट सन्चालन हुने

2009-12-29T08:22:00.000-08:00

इजरायलमा नेपाली चेली इन्द्र कुमारीको क्यान्सरका कारण दुखद निधन

2009-12-29T06:39:00.000-08:00

यम गुरुङ/भोला थापा
सजिलो काम अनि राम्रो पारिश्रमिकको आशामा आफ्नो आर्थिक दायित्वलाई पुरा गर्दै आफ्नो परिवार अनी समाज प्रतिको दायित्व पुरा गर्न जस्तो सुकै दु:ख गर्न पनि पछी नहट्ने साहासका साथ सुनौलो भविष्यको सपना बुन्दै आफ्नो प्यारो मातृभुमि र स्नेही परिवारदेखि टाढा टाढा धेरै टाढा सात समुन्द्र पार गर्दै विरानो मुलुक त्यो पनि एक बर्ष होइन, २ बर्ष होइन एक दशक भन्दा वढि विदेशमा व्यतित गर्न सक्ने आँटकी धनी विरङ्गना, नेपाली चेलि इन्द्र कुमारी चेम्जोङको इजरायलमा क्यान्सर रोगको कारण गत २६ डिसेम्वर २००९ शनिवारका दिन रातको करिव ११:३० बजे दुखद निधन भएको छ ।
कोहबारा १ वालुवाथान झापा घर भई २००७ नोभेम्वरमा इजरायल प्रवेष गरेकी इन्द्र कुमारी चेम्जोङको पित्त थैलीको क्यान्सरबाट मृत्यु भएको हो । केयर गिभरको रुपमा कार्यरत चेम्जोङलाई ड्युटीमा रहँदा पेट दुखेर गाह्रो भएपछि उहाँको घरमालिक (इम्प्लेयर) ले विदा दिएको थियो विदामा इन्द्र कुमारी चेम्जोङ अपार्टमेन्टमा गएर बसेकी थिइन। त्यहाँ बस्दापनि उनलाई अधिक पिडाले नछोडेपछि साथीहरुको सल्लाह अनुरुप उनी आफ्नी साथी डोल्मा शेर्पाको कामगर्ने घरमा ३ दिन सम्म गएर बसिन र त्यहाँ उनको दुखाई केही कम भएन उल्टो झन झन वढेर खप्न नसक्ने स्थिती भयो । त्यसपछि उनलाई डोल्मा शेर्पाले ट्याक्सीमा राखेर Clinic लगेकी थिइन र क्लिनिकबाट चिकित्सकले अस्पत्तालमा ट्रान्सफर गरेको थियो । उनलाई २८ दिन अघि जेरुसलेमस्थित हादासा हस्पिटलमा भर्ना गरिएको थियो । भर्ना गरेको १५ दिनसम्म आफ्ना साथिभाईहरुसँग राम्रो वोलिचालि गरेकी इन्द्र कुमारी चेम्जोङको धेरै दिनसम्म पनि चिकित्सकहरुले रोग पत्ता लगाउन सकेका थिएनन् । चिकित्सकहरुले ग्यास्ट्रिकको आशंका गरेका थिए । अनुसन्धानको क्रममा एक हप्ता अघि अल्ट्रासाउन्ड गर्दा उनलाई अत्न्तै पिडा भएको वताइएको छ । तत्पश्चात चिकित्सकले उनको पित्त थैलिमा क्यान्सर भएको जनाएको थियो । थैलिमा भएको क्यान्सर यति धेरै फैलिसकेको वढ्दो थियो की पित्त थैली काटेर फाल्न सक्ने अवस्था थिएन उनको उपचारमा खटिएका चिकित्सरकहरुको भनाईलाई उदृत गर्दै श्रोतले जानकारी दियो । पित्तमा भएको क्यान्सरको विकराल रुप भन्ने थाहा भएपछि चिकित्सकले पित्त थैली छेडेर पानी वाहिर निकालेको थियो भने चिकित्सकहरुले उनको अवस्था अनुसार उनी ७ दिन भन्दा वढी नबाँच्ने समेत वताएको थियो । मृत्यु हुनुभन्दा करिव ७ दिन अघिदेखि चेम्जोङको अवस्था अत्न्तै नाजुक बनेको थियो उनी बोल्न कुराकानी गर्न सक्ने अवस्थामा थिइनन् । विदेशको ठाउँ अस्पतालको मृत्यु सैया, आफन्त भन्ने कोही छैन साथीभाईहरु सबै आ-फ्नो ड्युटीमा त्यस्तो अवस्थामा एकजना इली नामक इजरायली नागरिक जो समाजसेवी, एमविविएस दोश्रो बर्षमा अध्यनरत न्यायिक संसार, इजरायलका सदस्य समेत रहेका व्यक्तीले उनलाई समान्य चिनजानको आधारमा ७ दिनदेखि रात दिन कुरूवा बनेर सहयोग गरेका थिए भने उनका गेरा नामक साथी (उनी पनि इजरायली नै हुन)ले पनि इलीलाई पालोदिई मानवताको राम्रो उदाहरण दिएका छन् ।
मृतकको राहदानी अनुसार ३५ बर्षकी अविवाहित इन्द्र कुमारी गुरुङ एक दशक भन्दा पनि वढी समय विदेशमै व्यतित गरेकी थिइन । इजरायल आउनुपूर्व कुवेत र साउदी अरेवियामा करिव १२ बर्ष घेरेलु काम गरी विताएकी थिइन । चेम्जोङ २८ दिन सम्म विदेशी भुमिमा अस्पतालको शैयामा छटपटाइरहँदा उनको आफन्त भन्ने कोही थिएन । २ दिन अगाडि मात्र उनका भाई रोहित चेम्जोङलाई ३ महिनाको इमर्जेन्सी भिषा उपलव्धि गराइ इजरायल ल्याइएको थियो तर अचेत अवस्थामा शैयामा छटपटाइरहेकी इन्द्र कुमारीले आफ्नो भाईसँग पनि कुनै कुरा गर्न सकिनन् भने त्यो अवस्थामा पनि आमा आमा मात्र भन्दै गरिकी ती दिदिलाई देख्दा भाई रोहीतको अवस्था कस्तो भयो होला त्यो अनुमान गर्न सकिंदैन ।
अस्पतालमा रहँदा मृतक इन्द्र कुमारी चेम्जोङलाई जनजाती सँघ, इजरायलका अध्यक्ष श्री नयन्द्र चेम्जोङ, गुरुङ समाज, इजरायलका अध्यक्ष यम गुरुङ, एन आर एन इजरायलका सचिव वि.आर लामा, मृतकका नजिकका मित्र भोला थापा, साथीहरु सावित्रा रिमाल, डोल्मा शेर्पा लगायतका अधिकांश साथीहरुले लगातार सहयोग गर्दै आइरहेको गुरुङ समाज इजरायलका अध्यक्ष यम गुरुङले जानकारी दिनुभयो ।
मृतक इन्द्र कुमारी चेम्जोङको पार्थिव शरिरलाई नेपाल पठाउने तयारी भइरहेको जनाइएको छ ।

खम्बुवान राष्ट्रिय मोर्चाद्धारा पुस २४ गते खम्बुवान राज्य बन्दको घोषणा

2009-12-29T06:04:00.000-08:00

सरकारले आफुसंग गरेको सम्झौता कार्यन्वयन नगरेको भन्दै खम्बुवान राष्ट्रिय मोर्चा खोटाङले पुस २४ गते खम्बुवान राज्य बन्दको घोषणा गरेको छ । सार्वभौमसत्ता राष्ट्रिय एकता र अखण्डतालाई कायम राख्दै ऐतिहासिक पृष्ठमुभी भौगोलिक क्षेत्र आर्थिक श्रोत र साधनको आधारमा संघीय राज्य प्रणालीको व्यावस्था हुनु पर्ने आदीवासी जनजाती दलित महिला तथा पिछडा वर्गलाई राज्यका सवै क्षेत्रमा सहभागी गराउने लगायतका पाच बुदे सम्झौता सरकारले कार्यन्वयन नगरेको भन्दै मोर्चाले खम्बुवान राज्य बन्दको घोषणा गरेको हो । मोर्चाले आज जिल्ला प्रशासन कार्यलय खोटाङमा ज्ञापनपत्र बुझाउदै खम्बुवान राज्य बन्दको जानकारी दिएको छ । मोर्चाले खम्बुवान राज्यअन्तरग पुर्वी नेपालका १३ वटा जिल्ला बन्दको घोषणा गरेको हो । मोर्चाका जिल्ला अध्यक्ष विश्वास साम्पाङ खम्बुले हस्ताक्षर गर्नु भएको ज्ञापनपत्रमा खम्बुवान राज्य र जनताको पक्षमा संविधान वनाउन दवाव दिनकालागि बन्दको आव्हान गरेको जनाइएको छ ।

नेपाली समाज यूकेको दोस्रो राष्ट्रिय सम्मेलन सम्पन्न

2009-12-29T05:49:00.000-08:00

सम्झना सापकोटा युके । बिगत लामो समय देखी बेलायतबासी नेपालीहरुकाबीच नेपालको राजनैतिक तथा अन्य स्थानीय समस्यामा एकाकार गर्दै आएको संगठन नेपाली समाज यूकेको दोश्रो राष्ट्रिय अधिवेशन शान्ति जनसंविधान, नागरिक सर्वोचता र राष्ट्रिय संयूक्त सरकार आजको आवस्यकता , नेपालको आर्थिक सामाजिक रुपान्तरनमा हाम्रो जुझारु एक्येबद्धता भन्ने मुला नारालाई पक्कड्दै भब्यताका साथ सम्पन्न भएको छ ।

लगभग हजारको सख्यामा उपस्थित जनसमुदायका बीच अत्यन्त भब्यताकासाथ सजिएको कार्यक्रम स्थलमा नागरीक सर्वोचता र राष्ट्रीयता सम्बन्धि ब्यानर तथा पोष्टरहरुले रङ्गीएको थियो ।
सो कार्यक्रममा प्रमुख अतिथी संयूक्त नेपाली मोर्चा, यूरोपका अध्यक्ष नबिन सापकोटाले उद्घघाटन गर्नु भएको थियो । कार्यक्रममा उपस्थीत अतिथी तथा जनसमुदायलाई मोर्चाका सदस्य महेन्द्र कंडेलले स्वागत भाषण गर्नु भएको थियो । साथै कार्यक्रममा अतिथीहरु नेपाली समाज यूकेका संस्थापक अध्यक्ष कर्ण शाही , समाजका सदस्य सुरेशचन्द्र गौतम, बिष्णु त्रिपाठी, लगायतका बक्ताहरुले नेपालको बर्तमान राजनैतिक अवस्था र बेलायतवासी नेपालीहरुले खेल्नु पर्ने भुमिकामा जोड दिदै कार्यक्रम सफलताको सुभकामना दीनु भएको थियो ।
जनकलाकार मानोस अन्जानको नेतृत्वमा रहेको जनकलाकारहरुले द्धारा स्वागत गितबाट उपस्थीत अतिथि तथा जनसमुदायलाई स्वगत गरेका थिए । सो अधिवेशनले नेपाली समाज यूकेको नाम परीवर्तन गरी प्रगतीशिल नेपाली समाज यूके नामाकरण गर्दै रण वहादुर शाहीको अध्यक्षतामा चार सदस्य पछि थप हुनेगरी ३५ सदस्यीय कार्यसमिती चयन गरेको छ । जसमा उपाध्यक्ष महेन्द्र कंणेल महासचिव प्रकाश शर्मा, सचिव तोयानाथ रीजाल, कोषाध्यक्ष प्रेम गैह्रे र अन्य सबै क्षेत्रिय समितीलाई समेटेर सदस्य चयान हुनु भएको थियो ।
निर्वाचित कार्यसमितीलाई संयूक्त नेपाली मोर्चा यूरोपका नबिन सापकोटा एनआरएन,यूकेका अध्यक्ष सुर्य गुरुङ जनसंपर्क समिती यूके एनडिएफ,यूके यति एसोसीयसनका प्रतिनिधीहरुले बधाई मन्तब्य दिनुभएको थियो ।
कार्यक्रम समाजका संयोजक रणवहादुर केसीको अध्यक्षतामा संपन्न भएको थियो भने कार्यक्रमलाई समाजका सदस्य डा। राजबाबु श्रेष्ठले उद्घघोषण गनुभएको थियो ।
उद्घघाटन मन्तब्यको क्रममा संयुक्त नेपाली मोर्चा युरोपका अध्यक्ष नबिन सापकोटाले युरोपका सम्पूर्ण प्रगतिशील संगठनहरुको तर्फबाट नेपालको जनयुद्द, जनांदोलन लगायत न्यायपूर्ण संघर्षको पक्षमा बैचारीक सम्प्रेषण गर्ने, नेपाल माथि साम्राज्यबादी हस्तक्षेपलाई रोक्ने, प्रतिक्रियाबादी दुस्प्रचारको बिरुद्दमा सहिसमाचारहरु सम्प्रेषण गर्ने, नेपालमा अहिले भारतीय बिस्तारबादले बढाउदै आएको गुणात्मक हस्तक्षेपलाई प्रतिरोध गर्ने प्रतिबद्दता जाएर गर्नु भयो र साथै एउटा नेपालि नागरिकले अन्य देशको नागरिकता लिदा नेपाली नागरिकता त्याग गर्नु नपर्ने प्राबधान बनाउन सरकारलाई जोडदार माग गर्ने बताउनु भयो ।

मातृकाको माओवादीले जनमुक्ति सेनाको नाममा पूर्वी क्षेत्रमा नामसाम स्मृति बटालियन निर्माण

2009-12-28T09:01:00.000-08:00

मातृका माओवादीले जनमुक्ति सेनाको नाममा पूर्वी क्षेत्रमा नामसाम स्मृति बटालियन निर्माण गरेको छ। मातृका यादवको नेतृत्वमा रहेको माओवादीको किरात लिम्बूवान-खम्बुवान-कोइचवान राज्य समितिले आइतबार धरानमा पत्रकार सम्मेलनमार्फत् सेना सार्वजनिक गरेको हो। किरात लिम्बूवानमा ए, खम्बुवानमा बी र कोइचवानमा सी कम्पनी रहनेगरी संयोगको नेतृत्वमा बटालियन निर्माण भएको माओवादीले जनाएको छ। माओवादीका अनुसार शनिबार धरानमा सम्पन्न भेलाले सो बटालियन निर्माण गरेको हो। “जनमुक्ति सेना जनता, राष्ट र राष्ट्रियताक लागि हो”- केन्द्रीय सदस्य अमरले भने। एक वटालियनमा ६ सय ५० जना सेना तथा कम्पनीमा १ सय ४८ जना सेना रहने उनले बताए। जाली, फटाहा तथा कमिशन, घुसखोरीको पहिचान......गरिरहेकाले निकट भविष्यमा जनकारबाही सुरु गर्ने अमरले बताए। उनका अनुसार सबै फटाहाको पहिचान भइसकेपछि जनअदालत समेत गठन गरेर जनअनुमोदन गर्दै कारबाही गरिनेछ। “जनअदालत गठनका लागि पनि यो अभियान गरिएको हो”- उनले भने। दाहाल नेतृत्वको समूहले १२ बुँदे समझदारी र शान्तिप्रक्रियाको नाममा जनता र क्रान्तिलाई धोका दिएकाले आफूहरुले जनयुद्ध जारी राखेको उनले जिकिर गरे। “पहिला प्रचण्ड नै जनमुक्ति सेना ब्यारेकमा हुँदैन, हरदम जनताको साथमा हुन्छ भन्थे, अहिले समायोजनको नाममा तिनै जनमुक्ति सेनालाई ब्यारेकमा थन्काइएको छ”, उनले भने- १० वर्षे जनयुद्ध र त्यसको उपलब्धि रक्षाका लागि जनवादी गणतन्त्र नल्याएसम्म जनयुद्ध जारी रहनेछ।

एसोरेन्स युनिटी लाईफ इन्टरनेशनल पब्लीक लिमिटेड युनिटी जागरुक टीम दोहा कतारको बनभोज कार्यक्रम बिबिध मनोराजनात्मक कार्यक्रमका साथ सम्पन्न

2009-12-28T08:46:00.000-08:00

प्रताप ढुङ्गाना - शिक्षा स्वास्थ्य र रोजगारलाई मुल मन्त्र ठानी राष्ट्र निर्माणको अभियानमा जुटेको एसोरेन्स युनिटी लाईफ इन्टरनेशनल पब्लीक लिमिटेड युनिटी जागरुक टीम दोहा कतारले गत शुक्रबार डिसेम्बर २५ तारिख-कि्रस्टमस डे का दिन बिशाल बनभोज कार्यक्रम बिबिध मनोराजनात्मक कार्यक्रमका साथ सम्पन्न गरेको छ । कतारमा छरिएर रहेका राष्ट्र प्रेमी युनिटीयन हरुलाई एकीकृत गरी युनिटीका योजनाहरुलाई अझ शसक्त रुपमा फैलाउदै लैजाने अभिप्रायले आयोजना गरेको बनभोज कार्यक्रम कतारको अलखोर स्थित अलखोर पब्लिक गार्डेनमा जागरुक टिमका अध्यक्ष श्री कमल प्रसाद न्यौपाने र सचिब प्रताप ढुङ्गानाको संयोजकत्वमा भब्यताका साथ सम्पन्न भएको छ ।नब बर्ष २०१० लाई लक्षित गर्दै आयोजना गरेको बनभोज कार्यक्रमको पर्खाईमा रहेका कतारका प्रबासी युनिटी प्रेमी हरु २५ तारिख झूल्के घामको किरणसंगै बसको पर्खाइमा दोहाको जैदा टाबरमा सनैयाको अलातीयामा र वाक्राबाट जम्मा हुदै करिब १०।३० मा अलखोर गार्डेनमा उत्रीएका थिए । अलखोर गार्डेनको पार्क बाहिर एकै साथ करिब १००० भन्दा बढी नेपाली जमात देख्दा त्याहुका सेक्युरिटीहरु अचम्मित पर्नु कुनै नैलो थिएन । यतीे ठुलो जमात के का लागी हामी एउटा राष्ट्र निर्माणको अभियानमा लागेका राष्ट्रप्रेमी हौ भन्ने परिचय दिदै कतारका सचिब प्रताप ढुङ्गानाले सबै युनिटीयन हरुलाई पार्कमा गएर अनुशासीत तबरले बसिदीन आग्रह गरेपछी पार्क तर्फ सबै युनिटीयन हरु लागेका थिए । १००० भन्दा बढी युनिटीयन हरुले एकै छिनमा भरिएको थियो अलखोर नेपाली पार्क । आमन्त्रीत सबै जना जम्मा भएपछि सयौ थुङ्गा फुलका हामी राष्ट्रिय गानका साथ पार्क नै गुिाजीने गरी कार्यक्रम औपचारीक ढंगले सुरु भएको थियो । बनभोज कार्यक्रमा सहभागी सबै मित्रहरुलाई नास्ता बितरण गर्दे स्वागत मन्तब्य प्रस्तुत गदै कतारका अफिस सेक्रेटरी बासु पाण्डे बिदा भएका थिए । दुर्गा भट्टराईले संाचालन गरेको उक्त कार्यक्रमका कम्पनीको राष्ट्रभक्तिपूर्ण आर्थिक क्रान्तिको लक्ष्यलाई सघाएर जीवन परिवर्तनको यो महान अभियानको लाभ उठाउन आब्हान गदै कतारका सकि्रय सदस्य श्री लेख नाथ निरौला युनिटीको छोटो परिचयका साथ बिदा भएका थिए भने युनिटीसँग सहकार्य गर्दै हिडेको आ८नो अनुभबका साथै नेपालमा युनिटकिो प्रभाब बारे जानकारी दिदै श्री नेत्र प्रसाद न्यौपाने बिदा भएका थिए । यसै गरी जागरुक टिम दोहा कतारका सचिब तथा बनभोज कार्यक्रमका सह संयोजक श्री प्रताप ढुङ्गानाले युनिटीले गरेका प्रगती तथा आर्थिक बिबरण प्रस्तुत गर्दै हामी जस्ता डी थ्री यानकी डर्टी डेन्जर र डेथ संग सामना गरी बिदेशमा रोजगार गर्न बाध्य नेपालीहरु ज्ााे अकालमा ज्यान गुमाउन पुग्छन उनीहरुका लागि यो कम्पनीबाट दिइने ईन्सुरेन्स सेवा अति नै प्रभाबकारी बन्ने क्ररामा बिश्वस्त दिलाउदै जती पनि युनिटीमा आबद्ध नभएका नेपालीहरुलाई छिटै सुरक्षित हुन अपिल गदै माचबाट बिदा भएका थिए । यसै गरी कार्यक्रमको पहिलो चरणको अन्तमा बोल्दै कतारका अध्यक्ष तथा बनभोज कार्यक्रमका संयोजक श्री कमल प्रसाद न्यौपानेले यसै गरी सम्पूर्ण नेपालीहरुको स्नेह र सहयोग पाउदै गएमा निश्चित रुपमा नयाँ नेपाल निर्माणमा अतुलनिय भुमिका एसोरेन्स युनिटी लाईफ इन्टरनेशनल पब्लीक लिमिटेडले निभाउने कुरामा बिश्बस्त दिलाई युनिटीका बर्तमान योजना प्रस्तुत गदै युनिटीमा निर्धक्क भएर लाग्न सबै उपस्थित नेपालीह।लाई आब्हान गर्दै पहिलो चरणको कार्यक्र्रम समापन भएको घोषण गर्नु भएको थियो ।
बनभोज कार्यक्रमलाई मनोराजनात्मक रुपमा सफल पार्न जागरुक टिमले फुटबल प्रतियोगीता र सास्कृतिक कला प्रतियोगीता क्रमशः गणेश ढकाल र बजेन्द्र महराको संयोजकत्वमा आयोजना गरेको थियो । कार्यक्रमको दोस्रो चरणको सुरुवात गदै फुटबल संयोजक श्री गणेश ढकालले अति नै प्रशंशनीय ढंगले ११ टिमलाई खेल मैदानमा भीडाएका थिए । ११ टिमलाई उछीन्दै जन जागृति युवा कल्ब-राम्को प्रथम युनिटी सनैया टिम द्धृतिय र रिजेन्सी टिम तृतिय भएका थिए । यसै गरी सास्कृतिक कला प्रतियोगीता अन्तर्गत अमृत राई सिता कुमारी सेवाहाङ्ग र मान ब। राईले नृत्य प्रस्तुत गरेका थिए । यसै क्रममा श्री गणेश ढकालको संयोजकत्वमा कुर्ची पकड खेल र स्याउ खाने खेल पनि सम्पन्न भएको थियो । कार्यक्रममा भर्खरै दोहा कतारको नेपाली टप माउन्टेन रेष्टुरेण्टको खाना खाएर पनि स्याउ अत्यन्तै छिटो खाएर अर्जुन बि।sले सबैलाई हसाएका थिए ।कार्यक्रमको अन्तयमा जागरुक टिम दोहा कतारलाई हरपल सहयोग पुर् याउदै युनिटीको अभियानमा अत्यन्तै सकि्रय रुपमा लाग्ने कतारका सदस्यहरुलाई प्रशंसा पत्र सम्मान पत्र प्रमाण पत्रका साथै कलाकार र खेलाडीलाई पुरस्कार द्धारा सम्मान कतारका अध्यक्ष तथा बनभोज कार्यक्रमका संयोजक श्री कमल प्रसाद न्यौपानेले गर्नुभएको थियो । कार्यक्रममा नेपालबाट भर्खरै घुम्न भनि कतार प्रबेस गर्नुभएकी श्री कमल न्यौपानेकी धर्मपत्नि श्रीमती सीता तिवारी न्यैपाने देबीका कट्टेलका साथै बिभिन्न संघ संस्थाका प्रतिनीधिको उपस्थीत रहेको थियो । कार्यक्रम साभँु करिब ७ बजे सम्पन्न भएको थियो । यस बनभोज कार्यक्रमले आउने दिनमा युनिटीलाई अझ शशक्त र प्रभाबकारी ढंगले अगाडी बढाई राष्ट्र निर्माणमा लगाउन युवा जगतलाई अझ जोश थपेको छ ।

चासोक तङनाम ५०६९ को उपल्क्षयमा मैत्रीपुर्ण फुटबल खेल सम्पन

2009-12-28T04:36:00.000-08:00

हङकङ, २५ डिसेम्बर २००९ को दिन प्रिन्सएडर्वड स्पोर्ट ग्राउण्डमा याक एण्ड यति तोङबा बार को संयोजनमा चासोक तंङनाम ५०६९ को उपल्क्षयमा लिम्बुवान लाई २ भागमा बिभाजन गरि “तम्बरवारी भर्सेस तम्बरपारी” मैत्रीपुर्ण फुटबल खेल सम्पन गरेको छ । तम्बरपारी टिमको नेतृत्व प्रदिप कन्दवा र दिल फोम्बोले गर्नु भएको थियो भने तम्बरवारी टिमको नेतृत्व दिल पालुङवा, चन्द्र बीर लिम्बु र कृष्णराज लाओतीले गर्नु भएको थियो । दुबै टिमले बराबर गोल गरेको र समय अभावको कारण खेल हारजित हुन सकेन । पुन ग्राउण्ड बुक गरेर खेल खेलने निर्णयका साथ खेल सम्पन भएको थियो । अन्तमा तोङबा बारको तर्फबाट जलपानको ब्याबस्था पनि बारको सभाहल गरिको थियो ।

हङकङ नेपाली शोभायात्रा सम्पन

2009-12-28T04:32:00.000-08:00

हङकङ, हङकङ नेपाली प्रतिष्ठान ले आयोजना गरेको नेपाली सप्ताह अन्र्तगत आज २६ डिसेम्बर २००९ को दिन यनलुङको घडीपार्क देखी यनलुङको थिएटरहल सम्म नेपाली शोभायात्राको आयोजना गरेको थियो । जाडो मोसम र पानीपरे पनि आ–आफ्नो जातिय भेशभुशामा सजियर यात्रामा जनसहभागीता उल्लेखयनिय रुपमा रहेको थियो । शोभायात्रा पछि युनलङ थिएटरमा बिभित्र जातीहरुले आ–आफ्नो सांस्कृती नाच प्रस्तुत गरेको थियो । लिम्बुहरुले केलाङ,राईहरुको चण्डीनाच, नेवारहरुको लाखे नाच, गुरुङको घ्याटु र हङकङको बिभित्र स्कुलहरुको बिध्यार्थीहरु द्वारा गित र नृत्य प्रस्तुत गरेरको थियो । नेपाली सप्ताह प्रतिष्ठानले प्रतेकबर्ष यहि समयमा मनाउने गरेको छ ।तान्छोहाङ लाओती

नवोदित पुस्तकालय सुचारु

2009-12-28T04:00:00.000-08:00

दोहा- ुभाषाको उत्थान नेपालीको पहिचानु भन्ने भावनाकासाथ नवोदित साहित्यिक वाचनालयले विगत लामो समयदेखि दोहामा रहेका नेपालीहरुलाई विभिन्न प्रकारका पुस्तकहरु अध्ययनका लागि उपलब्ध गराउँदै आएको छ । प्रत्येक शुक्रवार विभिन्न कार्यक्रममा होस या जैद्ध पार्कमा बसेर होस किताव अध्ययन गर्ने नेपालीजनलाई पुस्तकालयको सेवा िदंदै आईरहेको छ । यसरी नवोदितका सदस्यहरुले झोला झोलामा भएपनि पुस्तकालय सेवा उपलब्ध गराउँदै आएकोमा हाल आएर यस सेवालाई विस्तृत ब्यवस्थित र सुनिश्चित बनाउनको लागि दोहास्थित एक कोठा भाडामा लिएर पुस्तकालय संचालन गर्ने निर्णय अनुसार नवोदित साहित्यिक वाचनलायका पदाधिकारीहरु दोहास्थित समाजसेवी ब्यवसायी र वुद्धिजिवीहरुविच छलफल गरी गत शुक्रवारदेखि दोहामा पुस्तकालय शुरु गरिएको छ ।नवोदित साहित्यि वाचनालयद्धारा संचालित मोवाईल पुस्तकालय संचालनार्थ आर्थिक सहयोग गर्ने ब्यक्ति तथा संस्थाहरुमा राजधानी अन्तराष्ट्रिय अन्तर्राष्ट्रिय साप्ताहिकका प्रमुख कार्यकारी अधिकारी तथा प्रवन्ध सम्पादक अशिष शेरचनले ३ सय प्रवासी कान्तिपुर साप्ताहिकले २ सय १ समाजसेवी तथा ब्यवसायी बद्री प्रसाद पाण्डेले २ सय १ एनआरएनएका उपाध्यक्ष सागर नेपालले १ सय ५० समाजसेवी लक्ष्मण खतिवडा १ सय ५१ एनआरएनए कतारका अध्यक्ष नरेन्द्र भाट १ सय ५१ एनआरएनए आइसिसी सदस्य प्रज्ञान उदास एनआरएनए कतारका कोषाध्यक्ष पूर्ण के।सी। समाजसेवी ब्यवसायी एवं नवोदित साहित्यीक वाचनालयका हालका संरक्षक टि।वी कार्की नेपाली ब्यवसायी संघका सचिव उमेश अधिकारी एनआरएनए कतारका उपाध्यक्ष अजिजुर रहमान शेष श्रमिक रेमिन्टेन्सका तारा मंगोल र जनप्रगतिशिल माचको तर्फवाट जनही १ सय कतारी रियाल मोवाइल पुस्तकालय संचालन गर्न हरेक महिना सहयोग प्राप्त हुन भएको छ । दाताहरुले सो सहयोगको घोषणा गरिसकेको नवोदितले जनाएको छ ।त्यस्तैगरी समाजसेवी नरेश श्रेष्ठ समाजसेवी कुवेर राई एनआरएनए कतारका महासचिव विल गुरुङ हलेसी ऋण तथा बचत समूहले जनही कतारी रियाल ५० प्रतिमहिना पुस्तकालयलाई सहयोग प्रदान गर्ने भएका छन् । त्यसैगरी एकमुष्ठ रुपमा आर्थिक सहयोग प्रदान गर्नेहरुमा नेपाली ब्यवसायी संघका महासचिव तेजेन्द्र महतले ७ सय ५० कतारी रियाल एनआरएनए उपाध्यक्ष सागर नेपालले ५ सय कतारी रियाल अन्तराष्ट्रिय नेपाली साहित्य समाजका अध्यक्ष दिपक भेटवालले ४ सय कतारी रियाल र अन्तर्राष्ट्रिय एकता समाजका उपाध्यक्ष तथा समाजसेवी राजेन्द्र श्रेष्ठले ३ सय कतारी रियाल सहयोग उपलब्ध गराएका छन् ।गत शुक्रवार नै पुस्तकालयको अभिभावक समिती पनि गठन गरिएको छ । सो समितिमा पूर्ण के।सी सागर नेपाल टि।वी कार्की नरेन्द्र भाट नरेश श्रॆष्ठ बद्री प्रसाद पाण्डे र डा। अजिजिजुर रहमान शेष लगायतका पदाधिकारी रहेका छन् । नेपाली साहित्यिको श्रीबृद्विमा संलग्न विभिन्न बुद्धिजिवीहरु ब्यवसायीहरु विभिन्न संघ संस्थाहरुका प्रतिनिधीहरु तथा समाजसेवीहरुलाई नवोदित साहित्यिक वाचनालय तथा मोवाईल पुस्कलायको तर्फवाट कृतज्ञता ब्यक्त गरिएको छ ।

हङकङमा नेपाली सप्ताह २००९ रौनक

2009-12-28T03:42:00.000-08:00

हङकङमा नेपाली भाषा, साहित्य र संस्कृतिको बलियो आधार स्तम्भ तयार पार्नकानिम्ति हङकङ नेपाली कला मन्दिरको वर्षेनी आयोजना गर्दै आएको 'नेपाली भाषा साहित्य संस्कृति सप्ताह २००९' भव्य रुपमा सम्पन्न भइरहेको छ । विगत वर्षहरुमा जस्तै वर्षको अन्तिम साता डिसेम्बर २५ देखि ३१ तारिखसम्म हङकङमा विविध कार्यक्रमहरु सहित नेपाली सप्ताह २००९ आयोजना गरिएको हो ।

नेपाली सप्ताह २००९ अन्तर्गत आज डिसेम्बर २७ तारिखका दिन नेपालीहरुको अधिक वसोवास रहेको युनलङ शहरमा शोभायात्रा सम्पन्न भएको छ । हङकङका विराट नेपाली समुदायको सहभागीतामा शोभायात्रामा यहाँका विभिन्न प्राथमिक, माध्यमिक, उच्चतर माध्यमिक तथा किन्डरगार्टेनका प्रिन्सिपल, भाइस प्रिन्सिपल, शिक्षक, नेपाली विधार्थीहरु तथा तिनको अभिभावकहरु, विभिन्न संघसंस्थाका प्रतिनिधिहरु, धार्मिक तथा अन्य समुदायका समुहरु, पत्रकार, जिल्ला पार्षदहरु स्थानीय जननेताहरुको साथमा युनलङ शहरको परिक्रमा गरिएको थियो । वर्षात भइरहेको समयमा पनि न्रि्रुक्कै भिजेर भए पनि नेपाली भेषभूष, बाजागाजा, सयपत्रीका फूलहरु बोकेका नेपालीहरुको उपस्थितिले युनलङ पुरै नेपालीमय बनेको थियो । शोभायात्रमा भूपू गोर्खा सैनिकहरु, तमू प्ये ल्हु संघबाट आएका तमू जातिको झाँकी, किरात याक्थुङ चुम्लुङको च्याब्रुङ, किरात र्राई जातिहरुको ढोल झ्याम्टा, नेवार समाजको लाखे नृत्य शोभायात्राको विशेष आकर्षण रहेको थियो । शोभा यात्रामार् इशाई धर्मावलम्विहरुका झुण्डहरु, हेभेन्ली पाथका झुण्डहरु समेतले शोभायात्राको महत्व बढाएको देखिएको थियो । शोभायात्र पछि लगत्तै युनलङ थिएटरमा सम्पन्न भएको साँस्कृतिक कार्यक्रममा विभिन्न विद्यालयका विद्यार्थीहरुले अनन्तकालदेखि आजसम्मको नेपालीजीवन रंग, ध्वनि, कला, गीत, संगीत, आवृति, नृत्य, नाटकको माध्यमले प्रस्तुत गरेका थिए । साँस्कृति कार्यक्रममा बुद्धको जन्म, गोपालवंशको स्थापना, पशुपतिनाथ, पृथ्वी नारायण शाह, बृटिश र नेपालबीचको युद्ध, भानुभक्तको काल, चन्द्र शमशेर, प्रथम तथा दोश्रो विश्वयुद्ध, राणाशासनको अन्त्य प्रजातन्त्रको उदय, महेन्द्र राजाको काल, मुनामदन, नेपाली भाषा, साहित्य संस्कृतिको बारेमा विद्यार्थीहरुले नाटकको माध्यमले प्रस्तुत गरेका थिए ।

कार्यक्रममा विभिन्न जातीय नृत्यहरु, नेपाली लोक नृत्यहरु समेत प्रस्तुत गरिएको थियो । विधार्थीहरुले कविताहरु समेत वाचन गरेका थिए । नेपाली समाजको आधार नेपाली भाषा साहित्य संस्कृति भएकोले भाषा, साहित्य संस्कृति जाति पहिचानको आधार मानेर यसलाई संस्थागत गर्दै नेपाली यसकै आधारमा नेपाली एकता र समृद्धिलाई बढावा दिँदै लैजाने उद्देश्यले हङकङमा २००५ सालदेखि कार्यक्रम आयोजना हुँदै आएको हो ।

सप्ताहव्यापि कार्यक्रममा २५ डिसेम्बर शुक्रबारका दिन विश्वभर रहेका नेपालीहरु जसले नेपाली समाज निर्माणकालागि आफ्नो जीवर्पन समर्पण गरेकाहरुको सम्झनामा स्मृति दिवस कार्यक्रम सम्पन्न भएको छ । २६ डिसेम्बर शनिबार नेप्लीज चाइनीज पmेटरनिटीबाट भेटघाट र जलपान कार्यक्रम सम्पन्न भएको छ । २८ डिसेम्बर सोमबारका दिन चीन सरकारलाई हङकङका अल्पसंख्यक जातिहरुको सरोकारका विषयमा ज्ञापनपत्र बुझाइने भएको छ । २९ डिसेम्बर मंगलबार हङकङ सरकारप्रमुखलाई ज्ञापनपत्र , ३० डिसेम्बर बुधबारका दिन अलसंख्यकवर्गको भाषा, साहित्य र संस्कृतिको संरक्षण र सर्ंवर्धनबारे राज्य को उत्तरदायित्व र कर्तव्यबारे युएनलाई ज्ञापनपत्र बुझाइने छ । ३१ डिसेम्बर बिहीबारका दिन हङकङका विभिन्न विद्यालयहरुमा अध्ययनरत नेपाली विद्यार्थीहरुको नेपाली भाषा, साहित्य, कला तथा संगीतबारे प्रतियोगित्मक संगोष्ठी गरिने भएको छ । नेपाली सप्ताहको आयोजना हङकङ नेपाली कला मन्दिर तथा यसको संयोजन हङकङ नेपालीज फाउण्डेशनले गरेको छ । नेपाली सप्ताह २००९ कार्यक्रमकालागि अफिसियल मिडियाको रुपमा एचकेनेपाल डटकमले गरेको छ ।

कोलोराडोका नेपालीहरुको नियमित साहित्यिक कार्यक्रम सम्पन्न

2009-12-27T03:38:00.000-08:00

प्रत्येक महिनाको शनिबार साहित्य समाज कोलोराडो चाप्टरद्वारा आयोजना हुँदै आएको नियमित कार्यक्रम यसपाली कबी प्रमोद घिमिरेको निवासमा भब्यताका साथ सु-सम्पन्न भएको छ । चिसो मौसमको बाबजुत पनि ठुलो संख्यामा उपस्थित भएका कबी कबयत्री तथा साहित्यिक अनुरागिहरुको यस भेलाले यहाँका नेपालीहरुलाई साहित्य श्रीजनाको लागि उर्जा थपी दिएको साबित भएको छ। दुखी रहेको देशको पिडा र परदेशको छटपटी धेरै जसो कबितामा समेटिएको थियो। प्रमोद घिमिरेको छन्दमा लेखिएको कबिता बाचनबाट शुरु भएको यस कार्यक्रमको बिट भुपेन्द्र महतको गजलबाट मारिएको थियो। अनेसास कोलोराडो च्याप्टरका अधक्ष्य कबी ज्ञानेद्र गदालको सभापतित्वमा सम्पन्न सो कार्यकममा डा बिजयराज शर्मा ,क्रिष्ण मुरारी ढुङेल,साबु गदाल कार्की ,प्रमिला शर्मा ,निर्मल प्याकुरेल ,प्रभा घिमिरे ,बासु देव खनाल र भुपेन्द्र महतले आ-आफ्नोरचना बाचन गर्नु भएको थियो। गजलकार मनु ब्रजाकिको अनुस्पथितिमा कृष्ण मुरारी ढुङेलले उहाको गजल बाचन गर्नु भएको थियो।बाल कबीहरु प्रान्जल घिमिरे ,प्रशंसा घिमिरे र सम्ब्रिध श्रेष्ठले पनि कबिता सुनाएका थिए भने गोबिन्द लम्साल , विश्वादीप अधिकारी ,बिनय श्रेष्ठ ,रिता अधिकारी ,अर्जुन ज्ञवली ,कबिता ज्ञवली ,सुचना लम्साल ,गिता भट्टराई मछिन्द्र थापा ,मनग्य थापा ,अंकिता ज्ञवली ,,मनोज थापा अंकुर ज्ञवली ,राघब लम्साल आदि साहित्य अनुरागीहरुले कबिता श्रबण गरेका थिए ।

दार्जिलिङमा के हुँदै छ ?

2009-12-27T03:35:00.000-08:00

गोर्खाल्यान्ड राज्यको माग गर्दै भारतको पश्चिमबंगालमा आन्दोलनरत गोर्खा जनमुक्ति मोर्चाले 'रगत बगाएरै' भए पनि निर्धारित समयमा गोर्खाल्यान्ड ल्याएरै छोड्ने चेतावनी दिएको छ । गोर्खाल्यान्ड प्राप्तिका लागि जस्तोसुकै हिंसात्मक आन्दोलन पनि गर्न सकिने गोर्खा जनमुक्ति मोर्चाले जनाएको छ । सुरुदेखि नै आन्दोलनलाई गान्धीवादी धारबाट अगाडि बढाएको मोर्चाले अब आन्दोलन दबाउन खोजिए रगत बगाउनसमेत आफूहरू पछि नपर्ने चेतावनी दिएको हो । गोर्खाल्यान्डका विषयमा हालसम्म भएका सबैखाले वार्तार् भारत सरकारले आफूलाई भुल्याउनका लागि मात्र गरिरहेको मोर्चाको आरोप छ । राजनीतिक तहको वार्ताका लागि पटक-पटक आग्रह गर्दा पनि हालसम्म भएका चार चरणका वार्ता सचिवस्तरमा मात्रै टुंगिएपछि मोर्चाले त्यसका लागि थप दबाब दिन आगामी २६ तारिखदेखि पुनः आन्दोलनका कार्यक्रमलाई अझै सशक्त बनाउने भएको छ । २६ डिसेम्बरदेखि पहाडका सबै सरकारी कार्यालय बन्द गर्ने र आमरण अनसनमा बस्ने पनि मोर्चाले जनाएको छ । सोमबार दार्जिलिङमा भएको बहुप्रतीक्षित त्रिपक्षीय वार्ता पनि भारतीय सरकारले मोर्चालाई भुल्याउनका लागि मात्रै गरेको मोर्चाका अध्यक्ष विमल गुरुङले बताए । वार्तापछि चौरस्तामा आयोजित आमसभामा उनले 'रगतको बदला रगत नै दिइने' बताए । 'हामी रगतको बदला रगत दिन्छौँ तर बंगाल सरकारको गुलाम कदापि गर्दैनौँ,' उनले भने, 'सरकारसँग कुरा नमिले १७ मार्च २०१० सम्ममा आफैं गोर्खाल्यान्ड घोषणा गर्छौं ।' मोर्चाले गोर्खाल्यान्डबाहेक थप कुनै पनि विषयमा सहमति नगर्ने अडान राखेपछि मोर्चा, केन्द्र सरकार र पश्चिमबंगाल सरकारसँग भएको चौथो चरणको वार्ता पनि विनानिष्कर्ष टुंगिएको छ । उक्त वार्ताबाट दार्जिलिङवासीको 'गोर्खाल्यान्ड राज्य' स्थापना हुने अपेक्षा थियो । ००० त्यस वार्ताका लागि अघिल्लै दिनदेखि दार्जिलिङ झकिझकाउ थियो । आसपासका क्षेत्रमा हजारौँको संख्यामा भेला भएका मोर्चाको सुरक्षा दस्ता गोर्खाल्यान्ड पर्सनल (जिएलपी)ले वार्ता आफ्नो पक्षमा लैजान दबाब दिइरहे पनि गोर्खाल्यान्डवासीका लागि वार्ता 'हात्ती आयो हात्ती आयो फुस्सा' हुन पुग्यो । छुट्टै पहिचान र संस्कृति कायम राख्न सफल नेपालीभाषीको अस्तित्व-रक्षाका लागि गोर्खाल्यान्ड आन्दोलन सुरु भएको हो । भारत पश्चिमबंगालमा सीमित संख्यामा रहे पनि दशकौंदेखि हरेक क्षेत्रमा 'बंगाल'को मार खेप्न विवश हुनुपरेको भन्दै यस क्षेत्रका नेपालीभाषी छुट्टै राज्य 'गोर्खाल्यान्ड'को माग गर्दै सडकमा निस्किएका हुन् । 'रगतको कणकणमा गोर्खाल्यान्ड छ' भन्ने स्थानीयवासीसमेत निर्धारित समयमा गोर्खाल्यान्ड पाउनेमा आशावादी छन् । करिब ३० लाख जनसंख्या भएको प्रस्तावित 'गोर्खाल्यान्ड' राज्यमध्ये दस लाख जनसंख्या रहेको दार्जिर्लिङ क्षेत्रमा मात्रै नेपालीभाषीको संख्या ९० प्रतिशतभन्दा बढी छ । उता साढे आठ लाख जनसंख्या रहेको सिलिगुडीमा एक लाखको हाराहारीमा मात्र नेपालीभाषी रहे पनि मोर्चाले गोर्खाल्यान्डमा सिलिगुडीलाई पनि समेट्ने प्रयास गर्दै छ । थोरै नेपालीभाषी रहेको सिलिगुडीलाई पनि 'गोर्खाल्यान्ड'मा समेट्ने प्रमुख आधार भने सन् १९७१ मा बंगलादेशबाट आएकाहरूले पनि मोर्चालाई भित्री रूपमा समर्थन गर्नु हो । आठ लाख जनसंख्या रहेको डुबर्समा चाहिँ नेपालीभाषीको संख्या तीन लाख छ । स्रोतका अनुसार डुबर्समा सबैभन्दा बढी संख्यामा रहेका र आदिवासी झारखण्डबाट आएका सादरीभाषीले पनि गोर्खाल्यान्ड आन्दोलनलाई सघाइरहेका छन् । ००० बुद्धिजीवीहरूका अनुसार सिक्किमका सातौं राजाले अंग्रेज शासकलाई दार्जिलिङ र खर्साङचाहिँ आराम गर्ने क्षेत्रका रूपमा दिएको र सन् १९४७ मा अंग्रेजबाट भारत स्वतन्त्र हुँदा त्यस क्षेत्रको शासन कसले गर्ने भन्नेमा अन्योलसमेत भएको थियो । सन् १९४७ भन्दा पहिले दार्जिलिङ पनि बंगालअन्तर्गत नरहेको, डुबर्स र कालिम्पोङ अंग्रेज सरकारद्वारा सन् १९६५ मा भुटानबाट भाडा बुझाउने सर्तमा लिएको र अहिले पनि भाडा बुझाइरहेकोसमेत स्थानीय एक बुद्धिजीवी बताउँछन् । उता सिलिगुडी भने नेपालीभाषीले नै वन फँडानी गरी बसेकाले नेपालीभाषीकै हुनुपर्ने मोर्चाको अडान छ । यता पश्चिमबंगाल सरकार र केन्द्र सरकार नेपालीभाषीलाई स्वायत्त राज्य दिन तयार छैनन् । कंग्रेस आई र युपिए गठबन्धनले गोर्खाल्यान्ड आन्दोलनलाई समर्थन गरेका छैनन् । पश्चिमबंगालको ४२ लोकसभा सिटमध्ये ४१ सिट गोर्खाल्यान्डको विपक्षमा छ भने केन्द्र र पश्चिम बंगाल सरकार पनि गोर्खाल्यान्ड राज्य दिए त्यो राज्य नेपालसँग मिल्न सक्छ भन्ने शंकामा छ । भारतीय संविधानको धारा ३ अनुसार कुनै पनि दुई राज्य मिलाएर एउटै राज्य बनाउन सकिने र एउटा राज्य टुक्र्याएर दुई राज्य बनाउन सकिने उल्लेख छ, यद्यपि, नेपालीको पहिचानका लागि गोर्खाल्यान्ड राज्य दिन भने भारत अझ तयार छैन । गोर्खाल्यान्ड आन्दोलनको मागलाई थप प्रभावकारी बनाउन पश्चिमबंगालमा युवाहरूको दस्ता गोर्खाल्यान्ड पर्सनल (जिएलपी) समेत क्रियाशील छ । करिब दुई हजारको संख्यामा रहेको जिएलपीले अहिले पश्चिमबंगाल क्षेत्रमा आमसभा, भोकहड्ताल, रिले अनसनलगायतका विरोध कार्यक्रममा मोर्चालाई सहयोग गरिरहेको छ । अहिलेसम्म के भयो दार्जिलिङमा ? - सन् १९८० मा सुवास घिसिङद्वारा दार्जिलिङ क्षेत्रलाई पश्चिमबंगालबाट अलग्याएर छुट्टै राज्य 'गोर्खाल्यान्ड'को मान्यता दिइनुपर्ने मागसहित केन्द्र र राज्य सरकारसँग लड्न आफ्नै अध्यक्षतामा गोर्खा राष्ट्रिय मुक्ति मोर्चा गठन । - ५ अपि्रल १९८६ मा सुवास घिसिङको नेतृत्वमा सशस्त्र रूपमा गोर्खाल्यान्ड आन्दोलन सुरु । २८ महिनासम्म चलेको आन्दोलनमा १२ सय नागरिकको मृत्यु । सयौं युवा जेल सजायमा । धेरै महिला विधवा । हजारौँ नागरिक घरबारविहीन । अपांग हुनेको संख्या पनि अत्यधिक । - २२ अगस्त १९८८ मा भारतको केन्द्र तथा पश्चिमबंगाल सरकार र गोरामुमो अध्यक्ष घिसिङबीच वार्ता । दागोपाप प्राप्तिमा आन्दोलन स्थगित गर्ने त्रिपक्षीय सम्झौतामा हस्ताक्षर । त्यसपछि लगातार २१ वर्षसम्म घिसिङ दागोपाप प्रशासक पदमा आसीन । - २२ अगस्त १९८८ मा कोलकाताको राजभवनमा दार्जिलिङ गोर्खा पार्वत्य परिषद् -दागोपाप) को त्रिपक्षीय सम्झौतापछि दार्जिलिङ क्ष्ाेत्रका सम्पूर्ण बासिन्दाद्वारा घिसिङको स्वागत । लगत्तै १३ डिसेम्बर १९८८ मा भएको दागोपापको पहिलो चुनावमा २८ वटै सिटमा अत्यधिक बहुमतले विजयी । - १० फेब्रुअरी २००१ मा दागोपाप प्रशासक घिसिङमाथि खर्साङको सातघुम्तीमा प्राणघातक आक्रमण । त्यसकै केही समयको अघिपछि दागोपाप पार्षद्हरू रुद्रकुमार प्रधान, प्रकाश थिङ र सिके प्रधानको हत्या । अझै हत्याराको पहिचान नभएको । - १ जनवरी २००५ मा दार्जिलिङमा ठूलो जनसमूहबीच दागोपापलाई पुरानो ग्यारेजमा हाल्नुपर्ने घिसिङको घोषणा । दार्जिलिङ क्षेत्रको भविष्यका लागि सीमित अधिकारयुक्त स्वायत्त निकाय दागोपाप पूर्ण नभएको भन्दै यसको विकल्प खोजिने विवादास्पद मन्तव्य । - १० जनवरी २००५ मा दार्जिलिङको सुमेरुमञ्चबाट जनसभालाई सम्बोधन गर्दै घिसिङद्वारा दागोपापको संवैधानिक विकल्प खोज्नुपर्ने माग । विकल्प प्रस्तुत नभएसम्म दागोपापको चुनाव हुन नसक्ने अडान प्रस्तुत । जनतालाई आन्दोलनको दिशामा लाग्न सुझाब । - २१ मार्च २००५ मा राजनीतिक अस्थिरताप्रति असन्तुष्टि जनाउँदै दागोपापका २७ जना पार्षद्द्वारा घिसिङसमक्ष राजीनामा । घिसिङको आश्वासनपछि राजीनामा फिर्ता लिएर सबै पार्षद्द्वारा आ-आफ्नो गाउँठाउँको दायित्व सम्हाल्ने कार्य । केन्द्र र राज्य सरकारसँग निरन्तर बार्गेनिङ । - ५ जुन २००५ मा सरकारले दागोपापलाई संवैधानिक मान्यता दिन ढिलाइ गरेपछि घिसिङद्वारा पुनः गोर्खाल्यान्ड राज्यका पक्षमा सम्बोधन । भारत स्वतन्त्र भएपछि त्रिपुरा, नागाल्यान्ड, मिजोरम, उत्तराञ्चल, छत्तीसगढ आदिलाई अलग्गै राज्य बनाउन सकिन्छ भने दार्जिलिङ क्षेत्रलाई किन गोर्खाल्यान्ड बनाउन सकिँदैन भन्ने घिसिङको माग । - ३ फेब्रुअरी २००६ मा दार्जिलिङको क्यापिटल हलमा चार जात छत्तीस वर्णको सन्दर्भमा मन्तव्य राख्दै घिसिङद्वारा पश्चिमबंगालको पहाडी क्षेत्रका बासिन्दालाई आदिवासी जनजाति बनिदिन आग्रह । त्यसो गर्दा दार्जिलिङ क्षेत्रमा भारतीय संविधानको छैटौँ अनुसूचीबमोजिमको व्यवस्था लागू गर्न सकिने उद्घोष । - ७ अक्टोबर २००७ मा दागोपापका पूर्वपार्षद् बिमल गुरुङद्वारा गोरामुमो पार्टी त्याग गरेको उल्लेख गर्दै गोर्खा जनमुक्ति मोर्चा (गोजमुमो) नामको नयाँ पार्टी स्थापना । छैटौँ अनुसूचीको विधेयक खारेज हुनुपर्ने मागसहित गोर्खाल्यान्ड आन्दोलनको मूल मुद्दा लिएर शान्तिपूर्ण आन्दोलन गर्ने घोषणा । - १७ फेब्रुअरी २००८ देखि १७ दिनसम्म आमरण अनसन । - १० मार्च २००८ मा सुवास घिसिङले सरकारसँग सहमति गरेकोे छैटौँ अनुसूची खारेज । - ७ नोभेम्बर २००७ मा गोर्खाल्यान्ड राज्यका लागि आन्दोलनरत गोजमुमो समर्थक हजारौँ नेता तथा कार्यकर्ताद्वारा दागोपाप मुख्यालय लालकोठी घेर्ने प्रयास । सुरक्षाकर्मीको अवरोधपछि चौरस्तामा विरोधसभा । भोलिपल्ट गोजमुमोद्वारा दार्जिलिङका सबैजसो सहरी क्षेत्रमा प्रस्तावित छैटौँ अनुसूचीको खेस्रा जलाएर गोर्खाल्यान्डको जोडदार माग । - १५ नोभेम्बर २००७ मा गोजमुमोसहित विपक्षी पार्टीहरूको चौतर्फी विरोधका कारण भारतीय संसद्को शीतकालीन सत्रमा प्रस्तुत गरिएको छैटौँ अनुसूचीको विधेयक पारित हुन पाएन । विधेयक पारित नभएकोमा घिसिङको आपत्ति । विपक्षी पार्टीहरू खुसी । दार्जिलिङमा धुमधाम विजयोत्सव । - २३ नोभेम्बर २००७ मा गोरामुमोका पूर्वकाउन्सिलर कुलबहादुर गुरुङमाथि गोजमुमो कार्यकर्ताद्वारा दार्जिलिङमा खुकुरी प्रहार गरी हत्या-प्रयास । घटनाको विरोधमा गोरामुमोद्वारा दार्जिलिङमा एक सय आठ घन्टा बन्द आह्वान । प्रशासनको एक सय ४४ घन्टा लामो कफ्र्युले जनजीवन प्रभावित । - ४ डिसेम्बर २००७ मा भारतीय जनता पार्टीको असहमतिपछि छैटौँ अनुसूचीको प्रस्तावित विधेयक संसद्मा ओझेलमा । केन्द्रीय गृहमन्त्री शिवराज पाटिलद्वारा दागोपापको प्रस्तावित विधेयकलाई संसदीय स्थायी समितिसमक्ष पठाउने निर्देशन । - ६ जनवरी २००८ मा दार्जिलिङको लेवोङस्थित गोर्खा स्टेडियममा गोजमुमोको विशाल जनसभा । गोर्खाल्यान्ड राज्यका लागि दबाब दिन चारमहिने आन्दोलन घोषणा । घिसिङलाई दागोपाप छोड्न र छैटौँ अनुसूचीको विधेयक खारेजी गर्नुपर्ने मुख्य माग प्रस्तुत गर्दै नेपालीभाषीलाई आन्दोलनमा होमिन आह्वान । - ६ फेब्रुअरी २००८ मा भारतीय लोकसभाको बजेट अधिवेशनबाट छैटौँ अनुसूचीको प्रस्तावित विधेयक पारित गराउन गोरामुमो अध्यक्ष तथा दागोपाप प्रशासक सुवास घिसिङसहितको एउटा टोली दिल्ली प्रस्थान । दिल्लीमा केन्द्रीय मन्त्रिमण्डल र संसदीय स्थायी समितिका पदाधिकारीसँग भेटघाट गरेर विधेयक पारित गराउन दबाब । - २१ फेब्रुअरी २००८ मा सुवास घिसिङ दिल्लीदौडाहामा निस्किएपछि गोजमुमोसहित दार्जिलिङका विपक्षी पार्टीद्वारा आमरण अनसन र आमहडतालको घोषणा । तीन सयभन्दा बढी कार्यकर्ता आमरण अनसनमा । नौ दिनसम्मको आमहडतालले यातायात र बजार पूर्णरूपमा बन्द । - २७ फेब्रुअरी २००८ मा आमहडतालले गर्दा दार्जिलिङ क्षेत्रको जनजीवन अस्तव्यस्त भएका वेला अध्यक्ष बिमल गुरुङसहितको गोजमुमो प्रतिनिधिमण्डल र पश्चिमबंगाल सरकारका मुख्यमन्त्री बुद्धदेव भट्टाचार्यबीच कोलकातामा भेटवार्ता । - २९ मार्च २००८ मा दागोपाप प्रशासक पदबाट १० दिनभित्र राजीनामा दिने घिसिङको भनाइ । घिसिङले राजीनामा गर्ने पक्कापक्की भएपछि गोजमुमोद्वारा आमहडताल र आमरण अनसन फिर्ता । दार्जिलिङ क्षेत्रभर खुसियाली । - २ मार्च २००८ मा प्रधानमन्त्री मनमोहन सिंहलाई ज्ञापनपत्र दिँदै दागोपाप प्रशासक तथा गोरामुमो अध्यक्ष सुवास घिसिङले १० दिनभित्र राजीनामा गर्ने सहमति । केन्द्र र बंगाल सरकारले छैटौँ अनुसूचीको विधेयकलाई वास्ता नगरेको भन्दै आफू पनि गोर्खाल्यान्ड राज्यकै पक्षमा लाग्न बाध्य भएको घिसिङको अभिव्यक्ति । - १० मार्च २००८ मा दिल्लीबाट सिलिगुडी आइपुगेर त्यहीँ अड्किएका सुवास घिसिङद्वारा दागोपाप प्रशासक पदबाट राजीनामा । जिल्लाशासक राजेश पाण्डेमार्फत पश्चिमबंगाल सरकारसमक्ष चढाएको राजीनामा मुख्यमन्त्री बुद्धदेव भट्टाचार्यद्वारा स्वीकृत । - १२ मार्च २००८ मा सुवास घिसिङले दागोपापबाट राजीनामा दिएको र छैटौँ अनुसूचीको प्रस्तावित विधेयक खारेज भएकोमा गोजमुमोद्वारा दार्जिलिङमा भव्य विजयोत्सव । गोर्खाल्यान्डको बाटो फराकिलो भएको भन्दै सबै नेपालीभाषीलाई अर्को चरणको आन्दोलनमा होमिन आह्वान । - ९ अपि्रल २००८ मा सिलिगुडीको दार्जिलिङमोडमा हमारा बंगालका कार्यकर्ताद्वारा भूतपूर्व गोर्खा सैनिकमाथि कुटपिट । - अक्टोबर २००८ मा एक महिनासम्म अनिवार्य नेपाली पोसाक लगाउन नेपालीभाषीमाथि माोर्चाको उर्दी । - २००८ मा सवारीमा गोर्खाल्यान्ड लेख्ने अभियान । - १६ जनवरी २००९ मा डुबर्सको गोरुबथानमा पाँचदिने आन्दोलन, स्थानीयवासीद्वारा आन्दोलनकारीमाथि आक्रमण, नारी र आदिवासी मोर्चाका ७० जना घाइते । - ११ अगस्ट २००९ मा दिल्लीमा दोस्रो चरणको वार्ता । - ७ नोभेम्बर २००९ मा मदिराको बिक्री-वितरण र सेवनमा प्रतिबन्ध । - ११ देखि १९ डिसेम्बर २००९ मा दार्जिलिङ, खर्साङ, कालिम्पोङ र डुबर्समा २१/२१ जना कर्मचारीद्वारा भोक-हडताल । कर्मचारी र विद्यार्थीलाई हप्ताको तीन दिन अनिवार्य रूपमा नेपाली पोसाक लगाउन उर्दी । - २१ डिसेम्बर २००९ मा दार्जिलिङमा केन्द्र, पश्चिमबंगाल र गोजमुमोबीच त्रिपक्षीय वार्ता । राजनीतिक तहको वार्ता ४५ दिनभित्रमा गर्ने सहमति । यसरी अघि बढ्दै छ आन्दोलन - २६ डिसेम्बरदेखि पुनः पहाडका सम्पूर्ण सरकारी कार्यालय बन्द गर्ने र आमरण अनसनमा बस्ने । - २७ डिसेम्बरदेखि विद्यार्थीले आन्दोलनका कार्यक्रम सुरु गर्ने । - सरकारले ११ डिसेम्बरसम्ममा पनि गोर्खाल्यान्ड नदिए मोर्चाको सेट अप स्वीकार गर्नुपर्ने । - गोर्खाल्यान्ड राजनीति गर्न गठन भएको पार्टी नभएकाले गोर्खाल्यान्डबाहेक कुनै प्रस्तावमा सहमति नगर्ने । - आगामी ४५ दिनभित्र राजनीतिक तहमा त्रिपक्षीय वार्ता हुने । - आन्दोलन गान्धीवादी भनिए पनि सरकारले प्रतिकार गर्ने कोसिस गरे रगतसमेत बगाउन पछि नपर्ने ।

यस्तो पो रहेछ नेवाः राज्यको 'राष्ट्रगान'

2009-12-26T09:49:00.000-08:00

माओवादीले एक्लै राज्य घोषणा गरेको त देखिसकिएको थियो, अब स‍ंघीयताको स्पष्ट खाका बुझाउन नसकेको कांग्रेस र एमालेका भ्रातृ संगठनहरु पनि सम्मिलित संयुक्त समितिले गर्ने राज्य घोषणा चाहिँ कस्तो हुँदो रहेछ भन्ने जिज्ञासा थियो। त्यसमाथि नेवाः राज्यको झण्डा र राष्ट्रगान पनि सार्वजनिक गर्ने प्रचार गरिएको थियो। झण्डा त नेवारहरुका घरघरमा यसअघि नै फहराउन थालिसकेको हुनाले जिज्ञासा थिएन, राज्यगान (राज्यको राष्ट्रगान) कस्तो हुँदो रैछ भन्ने उत्सुकता थियो। त्यही भएर लागेको थिएँ दशरथ रंगशालातिर।
मञ्चबाट हामीहरु विखण्डनकारी हैनौँ, हामीलाई पनि यो देशको उत्ति नै माया छ भन्दै नेपालको उही प्यारो राष्ट्रगान ‘सयौँ थुंगा फूलका हामी…’ बजाइयो। सबैले उठेर यसप्रति सम्मान व्यक्त गरे। त्यसपछि बल्ल बजाइयो नेवाः राज्यको राष्ट्रगान। कस्तो थियो त त्यो ? भिडियो हेर्न भित्र आउनुस्।
भिडियोको सुरुमा सभाअघिको सांस्कृतिक झाँकीसहितको जुलुसका दृश्य पनि छन्। यो गीतको रचना दुर्गालाल श्रेष्ठले गरेका हुन्। उनलाई जनकवि भन्ने गरिन्छ। फूलको आँखामा फूलै स‍ंसार…उनैले लेखेको गीत हो। यसमा संगीत तीर्थ मालीले दिएका हुन्। हेर्नुस् भिडियो-
माओवादीले एक्लै राज्य घोषणा गरेको त देखिसकिएको थियो, अब स‍ंघीयताको स्पष्ट खाका बुझाउन नसकेको कांग्रेस र एमालेका भ्रातृ संगठनहरु पनि सम्मिलित संयुक्त समितिले गर्ने राज्य घोषणा चाहिँ कस्तो हुँदो रहेछ भन्ने जिज्ञासा थियो। त्यसमाथि नेवाः राज्यको झण्डा र राष्ट्रगान पनि सार्वजनिक गर्ने प्रचार गरिएको थियो। झण्डा त नेवारहरुका घरघरमा यसअघि नै फहराउन थालिसकेको हुनाले जिज्ञासा थिएन, राज्यगान (राज्यको राष्ट्रगान) कस्तो हुँदो रैछ भन्ने उत्सुकता थियो। त्यही भएर लागेको थिएँ दशरथ रंगशालातिर।
मञ्चबाट हामीहरु विखण्डनकारी हैनौँ, हामीलाई पनि यो देशको उत्ति नै माया छ भन्दै नेपालको उही प्यारो राष्ट्रगान ‘सयौँ थुंगा फूलका हामी…’ बजाइयो। सबैले उठेर यसप्रति सम्मान व्यक्त गरे। त्यसपछि बल्ल बजाइयो नेवाः राज्यको राष्ट्रगान। कस्तो थियो त त्यो ? भिडियो हेर्न भित्र आउनुस्।
भिडियोको सुरुमा सभाअघिको सांस्कृतिक झाँकीसहितको जुलुसका दृश्य पनि छन्। यो गीतको रचना दुर्गालाल श्रेष्ठले गरेका हुन्। उनलाई जनकवि भन्ने गरिन्छ। फूलको आँखामा फूलै स‍ंसार…उनैले लेखेको गीत हो। यसमा संगीत तीर्थ मालीले दिएका हुन्। हेर्नुस् भिडियो-
माओवादीले एक्लै राज्य घोषणा गरेको त देखिसकिएको थियो, अब स‍ंघीयताको स्पष्ट खाका बुझाउन नसकेको कांग्रेस र एमालेका भ्रातृ संगठनहरु पनि सम्मिलित संयुक्त समितिले गर्ने राज्य घोषणा चाहिँ कस्तो हुँदो रहेछ भन्ने जिज्ञासा थियो। त्यसमाथि नेवाः राज्यको झण्डा र राष्ट्रगान पनि सार्वजनिक गर्ने प्रचार गरिएको थियो। झण्डा त नेवारहरुका घरघरमा यसअघि नै फहराउन थालिसकेको हुनाले जिज्ञासा थिएन, राज्यगान (राज्यको राष्ट्रगान) कस्तो हुँदो रैछ भन्ने उत्सुकता थियो। त्यही भएर लागेको थिएँ दशरथ रंगशालातिर।
मञ्चबाट हामीहरु विखण्डनकारी हैनौँ, हामीलाई पनि यो देशको उत्ति नै माया छ भन्दै नेपालको उही प्यारो राष्ट्रगान ‘सयौँ थुंगा फूलका हामी…’ बजाइयो। सबैले उठेर यसप्रति सम्मान व्यक्त गरे। त्यसपछि बल्ल बजाइयो नेवाः राज्यको राष्ट्रगान। कस्तो थियो त त्यो ? भिडियो हेर्न भित्र आउनुस्।
भिडियोको सुरुमा सभाअघिको सांस्कृतिक झाँकीसहितको जुलुसका दृश्य पनि छन्। यो गीतको रचना दुर्गालाल श्रेष्ठले गरेका हुन्। उनलाई जनकवि भन्ने गरिन्छ। फूलको आँखामा फूलै स‍ंसार…उनैले लेखेको गीत हो। यसमा संगीत तीर्थ मालीले दिएका हुन्। हेर्नुस् भिडियो-

प्राकृतिक स्रोत, आर्थिक अधिकार तथा राजस्व बाँडफाँड समितिको मस्यौदामा आदिबासी स्थान

2009-12-26T09:46:00.000-08:00

प्राकृतिक स्रोत, आर्थिक अधिकार तथा राजस्व बाँडफाँड समितिको संबिधानको प्रारम्भिक मस्यौदा समितिमा भएको छलफलमा प्रस्तावना १ को प्रत्येक बुदाहरुमा स्थानिय समुदाय अगाडि हुनु पर्नैमा नभएकोले आदिबासी भनी सम्बोधन गरिनु पर्ने हुन्छ । जैबिक बिबिधताको अभिसन्धी (Convention on Biological Diversity) को परिभाषा अनुसार आदिबासी भनी नसमेटिएको खण्डमा मात्र स्थानीय भन्ने शब्दलाई बिकल्पको रुपमा राखिएको हुँदा आदिबासी शब्दावलीलाई
प्रथामिकताको साथ सम्बोधन हुनु पर्ने थियो ।
प्राकृतिक स्रोत र साधनमा अन्तराष्ट्रिय महासंन्धिले आदिबासीको पहिलो अधिकार हुने भनी प्रत्याभुत गरे अनुरुप कुनैपनि प्राकृतिक स्रोत साधनको प्रयोग गर्दा आदिबासीको पुर्व स्वीकृति, अनुमति, सुझाव, सहमतिमा मात्र ( Prior Inform Consent - PIC ) त्यसको प्रयोग गर्न सकिन्छ । त्यसमा दुवै पक्षको आपसी सहमति र समझदारीमा ( Mutually Agreed Term - MAT ) मात्र स्रोत र साधनको प्रयोग गर्न सकिन्छ । यसमा आदिबासीको सामुदायिक खाका वा सन्धि (Community Protocol) पनि प्रयोगकर्ता पक्ष बाट बिशेष ख्याल पुराउनु पर्ने हुन्छ ।
अन्तराष्ट्रिय महासंन्धिले आदिबासी नै प्राकृतिक स्रोत साधनको पहिलो प्रयोगकर्ता, संरक्षणकर्ता उपलब्ध गराउने हक समेत रहेको भनी मान्यता दिईएको छ । यसर्थ कुनैपनि स्रोत र साधनको प्रयोग गर्दा आदिबासीको चाहना ( Requirement ) पुरा गर्नु पर्ने हुन्छ । चाहे त्यो मौद्रिक या गैर मौद्रिक समेत हुन सक्दछ । स्रोत र साधन माथिको पहुँच र लाभांश बितरणमा प्रणाली (Access and Benefit Sharing ) मा आदिबासीलाई पहुँच र लाभांसको न्यायोचित ढंगले सुनिश्चित गरिनु पर्दछ ।
खाध्य संम्प्रभुताको सवालमा आदिबासी जनजातिको परम्परागत ज्ञान र सिप ( Traditional Knowledge) लाई राज्यद्वारा संबोधन गरी प्रबिधिकै बिस्तार र
बिकासको रुपमा अगाडि बढाई प्रबिधिको बिकाश थप्नु पर्ने भनी राख्न आवश्यक छ र जसले गर्दा परम्परागत ज्ञान र सिपमा आदिबासी अधिकारको सुनिश्चितता होस ।
११ को राज्यको दायित्व को १ मा प्राकृतिक स्रोतको संरक्षण संम्बर्धन एबं दिगो उपयोग गर्दा आदिबासी जनजाति र स्यानिय समुदायको आवश्यकतालाई प्राथमिकता दिदै त्यसबाट प्राप्त लाभको समन्यायिक बितरण गर्ने । जसमा आदिबासी जनजाति भनी नियतबश: छुटाईएको हुनाले छुट्याउन मिल्दैन ।
११ को २ मा परम्परागत ज्ञान र अणुबांशिक ( Traditional Knowledge and Genetic Resource) छुटाएर हेर्न नमिल्ने जस मस्यौदामा परम्परागत ज्ञान र सिपलाई मात्र उठान गरिएको पाईन्छ ।
११ को ३ मा जलस्रोत सम्बन्धी बिषयमा पुर्बाभ्यास, पुर्ण तयारी, बिज्ञहरुको सुझाव, राष्ट्रिय सहमतिको नीति तय गरेर मात्र जलस्रोत सम्बन्धी कार्यलाई अगाडि बढाउनु पर्दछ । कारण अहिले सम्मको अनुभवमा हामी नेपाली ठगिदै आएका छौ ।
१३ को २ मा जलबायु परिबर्तनबाट पर्न सक्ने नकारात्मक असरलाई न्युनीकरण र अनुकुलन (Mitigation and Adaptation) गर्नै नीतिलाई प्रभावकारी बनाउन अन्तराष्ट्रिय कार्यक्रमहरुमा आदिबासीलाई पुर्ण र प्रभावकारी सहभागिता ( Full and Effective Participation of Indigenous People ) लागि पक्ष राष्ट्रको हैहियतमा बिशेष पहल गरिनु पर्दछ । ताकि हिमाली राष्ट्र भएको नाताले नेपालले यस सम्बन्धमा अग्रणी भुमिका खेल्न सकुन ।
अहिले सम्म हिमालबाट उठाएका रोयल्टी, सलामी दस्तुर हिमाली क्षेत्र लाभांन्वित नभई त्यसको एक अंशपनि अनुभुत गर्न नपाएकाले संघिय प्रणालीमा पर्बातोरोहण (हिमाल) बाट उठेका रोयल्टी प्रदेशहरुले नै उठाउने ब्यबस्था हुनु पर्दछ ।
राज्यको सर्बसंचित कोषमा प्राकृतिक स्रोत, आर्थिक अधिकार तथा राजस्व बाँडफाँड समितिको मस्यौदामा प्रदेशहरुबाट उठाएका दस्तुर, सलामी, कर लगायत अन्य आर्थिक बिषयमा प्रदेशले नै प्रयोग गर्ने ब्यबस्था हुनु पर्ने बिषयमा पनि जोडदार रुपमा राखिएको थियो । यदि राज्यको सर्बसंचित कोषमा रहेको खण्डमा के कति परिमाणमा रहने भनी सुस्पष्ट रुपमा तोकिनु जरुरी हुन आउँदछ । ताकि हिजाका दिनमा झै केन्द्रीकृत छाँया
देखा नपरुन ।

लक्की शेर्पा सभासद

शेर्पा कलाकार समुहद्वारा भब्य सांगितिक साँझ सम्पन्न

2009-12-26T09:44:00.000-08:00

शेर्पा कालाकार समाज नेपालको आयोजनामा एक भब्य एवं बिशाल सांगितिक कार्यक्रमको आयोजना गरिएको छ। बौद्ध स्थित होटल हायत रिजेन्सीमा प्रसिद्द शेर्पा गायक तथा त्यस समाजको अध्यक्ष श्री लाकपा शेर्पाद्वारा उद्घाटन गर्दै शुरु भएको यस कार्यक्रमको मूल उद्देश्य शेर्पा कलाकारहरुलाई संगठित गर्दै कर्यलय र प्रशिक्षण केन्द्रको सहयोगार्थ सहायोग गर्ने संघ साँस्था तथा ब्याक्ति ब्यक्तित्वहरुलाई सम्मान गर्ने रहेको छ।नेपालको सम्पुर्ण शेर्पाकलकारहरुद्वारा रचना गरेको एक छुट्टै बिशेषता र बिलकूल नयाँ स्वागत गानबाट शुरु भएको यस कार्यक्रमको प्रमुख अतिथी
वरिष्ठ शेर्पा समाजसेवी तथा सभासद श्री जिप छिरिङ लामा शेर्पाद्वारा कलाकार समाजको अध्यक्ष श्री लाकपा शेर्पालाई सफलताको कामना गर्दै खाता लगाई दिनु भएको थियो भने बेलजियमको लागी महा बाणिज्यदूत श्री आङ छिरिङ शेर्पा, नेपाल शेर्पा संघका अध्यक्ष श्री पेमा छिरि शेर्पा, नेपाल शेर्पा संघका भु पु अध्यक्ष श्री क्रिपा सुर शेर्पाद्वारा शेर्पा कलाकार समाज नेपाललाई आर्थिक रुपमा रु एक लाख भन्दा माथीको धनराशी सहयोग गर्ने शेर्पा साँस्थाहरु क्रमश यति क्लव जुनबेसी सोलु, च्यारुङ खस्योर युलतेन्ङ शेर्पा क्लब युलतेङ आरुबारी, मकालु युथ क्लव, कुसु देव हेल्थ क्लव बेनि मोपुङ सोलु का साँस्थाहरुलाई प्रमुख अतिथिहरुद्वारा कदर पत्र प्रदान गर्नु भएको थियो। यसै गरि रु पचासहजार एक मुष्ट कलाकार समाजलाई सहायोग गर्ने संखुवासभा मकालु निवासी समाजसेवी श्री मिङमा शेर्पालाई पनि कदर पत्र सहित स्म्मान गरिएको थियो।
एक छुट्टै र बिलकुल नयाँ ढंगबाट संचालन भएको यस कार्यक्रममा शेर्पा संघ साँस्थाको प्रमुखहरुद्वारा साँगित र न्रित्यको साथ साथै कलाकार समाजलाई आर्थिक रुपमा सहायोग गर्नु हुने महानुभावहरुलाई शेर्पा कलाकार समाज नेपालको नाम र लोगो अंकित खाताद्वारा सम्मान गरिएको छ। बिगतमा बिभिन्न कार्यक्रमहरु सफलतापुर्वक संचालन गर्दै आएको यस शेर्पा समाजको कलाकारहरु गायक मिङमा शेर्पा,आङ ङिमा शेर्पा,सोनाम शेर्पा, लगायतका कलाकारहरुले आ-आफ्नो प्रतिभा प्रस्तुत गर्दै उपास्थित जन समुदायहरुलाई भरपुर मनोरन्जन दिलाउन सफल भएका थिए। जलपान सहित सम्पन्न यस कार्यक्रम श्री छिरिङ शेर्पा (पिनासा) भोजपुरले अति सफलतापुर्वक सन्चालन गरेका थिए।शेर्पा वर्ल्ड डट् कम् का लागी तस्बिर साङ्गे लामा ह्योल्मो यूलतेङ आरुबारी